വേങ്ങര

മലപ്പുറം ജില്ലയിലെ കൊണ്ടോട്ടി, ചെമ്മാട്, മലപ്പുറം, കോട്ടക്കൽ എന്നി പ്രദേശങ്ങൾക്ക് മധ്യത്തിലായി സ്ഥിതി ചെയ്യുന്ന ഒരു പട്ടണമാണ്‌ വേങ്ങര. വേങ്ങര പഞ്ചായത്ത് അടങ്ങിയ ഏരിയ ആണ് ഇത്. വേഗത്തിന്റെ കര എന്ന അർത്ഥത്തിൽ ആണ് വേങ്ങര എന്ന സ്ഥലനാമം ഉണ്ടായതെന്ന് പറയപ്പെടുന്നു. മലപ്പുറത്തു നിന്നും വരുന്ന റോഡ് വേങ്ങര വഴി കൂരിയാട് കക്കാട് NH17 ലൂടെ കടന്ന് മമ്പുറം [ചെമ്മാട്]] വഴി അറബിക്കടലിന്റെ സമീപമായ പരപ്പനങ്ങാടിയിൽ അവസാനിക്കുന്നു. കോഴിക്കോ‍ടിൽ നിന്നും വേങ്ങരയിലേക്ക് ബസ് സർവ്വീസുകൾ ഉണ്ട്. അത് നാഷണൽ ഹൈവേയിലൂടെ വന്ന് ചെമ്മാട് വഴി വേങ്ങര എത്തും. അതുപോലെ കൊളപ്പുറം കുന്നും‌പുറം, അച്ചനമ്പലം, ചേറൂർ വഴിയും വേങ്ങര എത്താറുണ്ട്.തിരൂരിൽ നിന്നും വേങ്ങര യിലേക്ക് പുറപ്പെടുന്ന ബസുകൾ എടരിക്കോട് കോട്ടക്കൽ വഴി വേങ്ങര എത്തും. കണ്ണമംഗലം പഞ്ചായത്താണ് സമീപത്തുള്ള മറ്റൊരു പഞ്ചായത്ത്. ചേറൂർ ഇവിടെ അടുത്താണ്.