വരിശ്യക്കുനി എം എൽ പി എസ്/ചരിത്രം

ചരിത്രം

വരിശ്യക്കുനി മാപ്പിള എൽ പി സ്കൂൾ
    ചോറോട് പഞ്ചായത്തിലെ വള്ളിക്കാട്ടിൽ വരിശ്യക്കുനി എന്ന സ്ഥലത്ത് ബഹുമാന്യനായ പള്ളിയറവീട്ടിൽ കുഞ്ഞമ്മദും മകനായ ശ്രീ പള്ളിയറവീട്ടിൽ കോയോട്ടിഹാജിയും അബ്ദുറഹിമാൻ മുസലിയാരും ചേർന്ന് 1924ൽ- പള്ളിയറവീട്ടിൽ ഒരു ഓത്തുപള്ളിക്കൂടം തുടങ്ങി. അന്ന് ഈ പ്രദേശത്തെ മുസ്ലിം വിദ്യാർത്ഥികൾ മതപഠനത്തിനപ്പുറം മറ്റ് ഭാഷാപഠനത്തിന് വലിയ പ്രാധാന്യം നൽകിയിരുന്നില്ല അതുകൊണ്ടു തന്നെ ഓത്തുപഠനം കഴിഞാൽ കുട്ടികൾ നേരെ വീട്ടിലേക്ക് പോകും.സ്കൂൾ പഠനത്തെക്കുറിച്ച് അവർക്ക് ഒരു അറിവും കിട്ടിയിരുന്നില് ഈ ചുറ്റുപാടിലാണ് 1925 ൽ ഓത്തുപഠിക്കാനെത്തിയ പല പ്രായത്തിലുള്ള കുുട്ടികളിൽ നിന്നും തിരഞ്ഞെടുത്തവരെ ഭാഷയും കണക്കും പഠിപ്പിക്കാനായി ഈ വിദ്യാലയം ആരംഭിച്ചത്.
    അന്ന് വരെ ഓത്തുപഠനം മാത്രം ഉണ്ടായിരുന്ന സ്ഥലത്ത് മറ്റുള്ള വിഷയങ്ങളും പഠിപ്പിക്കാൻ തുടങ്ങിയതോടെ വള്ളിക്കാട്, ഒഞ്ചിയം, വെള്ളികുളങ്ങര, വൈക്കിലശേരി, വരിശ്യക്കുനി, മുട്ടുങ്ങൽ, എന്നീ ഭാഗങ്ങളിൽ നിന്നും ധാരാളം കുട്ടികൾ ഈ സ്കൂളിൽ എത്തിച്ചേർന്നു. അക്കാലങ്ങളിൽ മുസ്ലിം സമുദായത്തിൽപ്പെട്ട കുട്ടികളായിരുന്നു മുഴുവനും.  1 മുതൽ 5വരെ ക്ളാസുകളാണ് ഉണ്ടായിരുന്നത് . അന്നത്തെ ചുറ്റുപാടിൽ മുസ്ളിം പെൺകുട്ടികൾ 5-ാം തരത്തോടെ പഠനം നിർത്തുകയാണ് പതിവ് മറ്റു വിദ്യാലയങ്ങളിൽ അവർ തുടർന്നു പഠിച്ചിരുന്നില്ല. ഈ വിദ്യാലയത്തിലെ ആദ്യകാല അധ്യാപകർ ശ്രീ പി കെ മൗലവി ഒാർക്കാട്ടേരി, ജനാബ് കോയോട്ടി ഹാജി, ശ്രീ കോമുള്ളി നാരായണ പണിക്കർ, ശ്രീ കെ കെ ശങ്കരക്കുറുപ്പ് ജനാബ് കെ അബ്ദുറഹിമാൻ എന്നിവരായിരുന്നു. 
   ഈ സ്കൂളിൽ ഒന്നാമതെത്തിയ കുട്ടി ശ്രീ പള്ളിയറവീട്ടിൽ മൂസയും രണ്ടാമത്തെ കുട്ടി ശ്രീ പള്ളിയറവീട്ടിൽ യൂസഫും ആയിരുന്നു. 1970 വരെ 5ാം തരം വരെ ഉണ്ടായിരുന്ന ഈ വിദ്യാലയത്തിൽ ധാരാളം വ്യക്തികൾ പഠിച്ച് ഉയർന്ന നിലയിൽ എത്തിയിട്ടുണ്ട്. അവർ പലരും വിദേശങ്ങളിലും സ്വദേശങ്ങളിലും ഔദ്യോഗികവും കച്ചവടവുമായി ഇന്നും തുടരുന്നു. ശ്രീ എൻ പി കുഞ്ഞമ്മദ് (മുൻ പ്രിൻസിപ്പാൾ അഴിയൂർ ഗവ.ഹൈസ്കൂൾ),അഡ്വ. എെ മൂസ്സ, ശ്രീ ഇബ്രാഹിം (മുൻ ആർ ടി ഒ) ഇങ്ങനെ നീളുന്നു ആ പട്ടിക. ഇന്ന് ഈ വിദ്യാലയത്തിലെ അധ്യാപകരായി തുടരുന്നവർ ശ്രീ പവിത്രൻ കെ പി, ശ്രീമതി രജനി കെ പി,ശ്രീമതി നസീമ എം കെ, ശ്രീ സോമൻ സി എന്നിവരാണ്.