"ജി.എച്ച്.എസ്. പന്നിപ്പാറ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[പ്രമാണം:48134-club-Inauguration1.jpg|ലഘുചിത്രം|വലത്ത്|ഉദ്ഘാടനം രമേഷ് കാവിൽ]]

പന്നിപ്പാറ ഗവ. ഹൈസ്കൂളിൽ വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം പ്രശസ്ത എഴുത്തുകാരനും പ്രഭാഷകനുമായ രമേശ് കാവിൽ നിർവഹിച്ചു. സ്കൂൾ ഹെഡ്മാസ്റ്റർ എം.എസ് ഹരിപ്രസാദ് അധ്യക്ഷനായിരുന്ന ചടങ്ങിൽ, വിദ്യാർത്ഥികളുടെയും അധ്യാപകരുടെയും സജീവ പങ്കാളിത്തം ശ്രദ്ധേയമായി.

ഹരിത സേന, ഗാന്ധിദർശൻ, ലഹരിവിരുദ്ധ ക്ലബ്ബ്, മലയാളം, ഇംഗ്ലീഷ്, ഹിന്ദി, അറബിക്, ഉറുദു, സോഷ്യൽ സയൻസ്, സയൻസ്, ഗണിതം, പ്രവൃത്തിപരിചയം, ആർട്ട് ക്ലബ്ബ് തുടങ്ങിയ വിവിധ ക്ലബ്ബുകളാണ് സ്കൂളിൽ പ്രവർത്തനമാരംഭിച്ചത്. പി.ടി.എ. പ്രസിഡന്റ് മൻസൂർ ചോലയിൽ, സ്റ്റാഫ് സെക്രട്ടറി അബൂബക്കർ ചെറുശ്ശേരി എന്നിവർ ആശംസകൾ അർപ്പിച്ച് സംസാരിച്ചു.

വിദ്യാരംഗം കോഡിനേറ്റർ കെ.കെ. ബീന സ്വാഗതവും ഹരിതസേന കോഡിനേറ്റർ എം.വി. നിസാം നന്ദിയും രേഖപ്പെടുത്തി. ഉദ്ഘാടന ചടങ്ങിൽ എല്ലാ ക്ലബ്ബുകളുടെയും പങ്കാളിത്തത്തോടെ കവിതയുടെ നാടകാവിഷ്കാരം, ദേശഭക്തിഗാനം, സെമി ക്ലാസ്സിക്കൽ ഡാൻസ്, അറബിഗാനം, ഉറുദു ഗസൽ, ഇംഗ്ലീഷ് സ്കിറ്റ്, സയൻസ് എക്സ്പെരിമെന്റ്, ഗണിതം ഓട്ടൻതുള്ളൽ തുടങ്ങിയ വൈവിധ്യമാർന്ന കലാപരിപാടികൾ അരങ്ങേറി. കൂടാതെ, ചിത്രപ്രദർശനവും നടന്നു. പ്രവൃത്തിപരിചയ വിഭാഗം ടീച്ചറുടെ നേതൃത്വത്തിൽ വേദി ആകർഷകമായി അലങ്കരിച്ചിരുന്നു.

മുഴുവൻ അധ്യാപകരുടെയും കുട്ടികളുടെയും ആത്മാർത്ഥമായ പങ്കാളിത്തം ക്ലബ്ബ് ഉദ്ഘാടന ചടങ്ങിന് മാറ്റുകൂട്ടി. വിദ്യാർത്ഥികളുടെ കലാപരവും സാമൂഹികവുമായ കഴിവുകൾക്ക് പ്രോത്സാഹനം നൽകുന്ന ഈ ക്ലബ്ബുകൾക്ക് മികച്ച ഭാവി ഉണ്ടാകുമെന്ന് രമേശ് കാവിൽ തന്റെ പ്രസംഗത്തിൽ അഭിപ്രായപ്പെട്ടു.

=='''എൽ.എസ്. എസ് പരിശീലനത്തിന് തുടക്കമായി (01/07/2025)'''==