"ജി.വി.എൽ.പി.എസ് ചിറ്റൂർ/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

1953 ൽ വീണ്ടും പഴയ കെട്ടിടം സ്കൂളിന് ലഭിച്ചു. ആദ്യ കാലഘട്ടത്തിൽ യൂണിഫോം ഇല്ലായിരുന്നു. സർക്കാറിൻറെ ഇടപെടലോടെ ദേശീയ പതാക പോലെ പെൺകുട്ടികൾക്ക് ചുവന്ന റിബ്ബണും ക്രീം ഷർട്ടും പച്ചപ്പാവാടയും.ആൺകുട്ടികൾക്ക് ക്രീം ഷർട്ടും നീല ട്രൗസറും. കാലക്രമേണ വിദ്യാർത്ഥികളുടെ ആധിക്യം മൂലം എൽ.പി, യു.പി ആയും പിന്നീട് കോളേജുകളിൽ നിന്ന് പ്രീഡിഗ്രി എടുത്തുമാറ്റിയപ്പോൾ പ്ലസ് വൺ, പ്ലസ് ടു എന്നിവയും ഈ വിദ്യാലയത്തിന്റെ പ്രദേശങ്ങളിൽ വന്നുകൂടി. 2000ആണ്ടാകുമ്പോഴേക്കും സംസ്ഥാനത്തെ സ്വകാര്യ വിദ്യാലയങ്ങളുടെ ആധിക്യം മൂലം പൊതുവിദ്യാലയ സംരക്ഷണത്തിന്റെ ഭാഗമായി പൊതുവിദ്യാലയങ്ങളിൽ പ്രീപ്രൈമറികൾ ലഭിക്കുകയുണ്ടായി. ഇതിൻറെ ഭാഗമായി ഈ വിദ്യാലയത്തിന്റെ ഉയർച്ചയിലും, താഴ്ചയിലും നെടുംതൂണുകൾ ആയിരുന്ന അധ്യാപക രക്ഷകർതൃ സമിതിയുടെ നേതൃത്വത്തിൽ 2004 ജൂണിൽ ഒരു പ്രീ പ്രൈമറി അന്നത്തെ എംഎൽഎ ശ്രീ അച്ചുതൻ അവർകൾ ഉദ്ഘാടനം ചെയ്തു. 15 കുട്ടികളും ഒരു ടീച്ചറുമായി തുടങ്ങിയ പ്രീപ്രൈമറി ഇപ്പോൾ 88 കുട്ടികളും 2 ടീച്ചർമാരും ഒരു ആയയും ഉണ്ട്. അങ്ങനെ -2 മുതൽ +2 വരെ ഒരു മതിൽ കെട്ടിനുള്ളിലായാണ് ഈ വിദ്യാലയം നിലകൊള്ളുന്നത്.

ജ്ഞാനനിർമ്മിതി ഒരു സാമൂഹ്യ പ്രക്രിയയാണെന്നു പഠനം നടക്കുന്നത് സമൂഹവുമായുള്ള സംവാദത്തിലൂടെയാണെന്നും തന്നെയാണ് ഈ വിദ്യാലയത്തിന്റെ കാഴ്ച്ചപ്പാട്. വിദ്യാലയം പ്രാദേശിക സമൂഹത്തിന്റെ ഏറ്റവും പ്രധാനപ്പെട്ട സാംസ്കാരിക കേന്ദ്രമാണെന്നും പ്രാദേശിക സമൂഹവും വിദ്യാലയവുമായി അർത്ഥവത്തായ കൊടുക്കൽ-വാങ്ങലുകൾ ആവശ്യമാണെന്നും ഈ വിദ്യാലയം കരുതുന്നു. കഴിഞ്ഞ പല അധ്യയന വർഷങ്ങളിലെ കണക്കുകൾ പരിശോധിച്ചാൽ പുതിയ കുട്ടികൾ ഓരോ ക്ലാസ്സിലും വന്നു ചേർന്നതല്ലാതെ കൊഴിഞ്ഞുപോക്ക് എന്നൊരവസ്ഥ ഇല്ല.കൂടാതെ ഒന്നാം ക്ലാസ്സിൽ ഓരോ കൊല്ലവും വന്നു ചേരുന്ന കുട്ടികളുടെ എണ്ണം ആനുപാതികമായി വർദ്ധിച്ചുവരികയും ചെയ്യുന്നു. സംസ്ഥാനത്തുതന്നെ ഇത് അപൂർവമായ ഒന്നായിരിക്കും. ഇത്തരത്തിലൊരു നീണ്ട ചരിത്രം ഈ വിദ്യാലയത്തിന്റേതായുണ്ട്. പല കാലയളവുകളിലായി ഇവിടെ സേവ നമനുഷ്ഠിച്ചുപോയ പ്രഗത്ഭമതികളായ ഒട്ടനവധി പേർ ഈ സ്ഥാപനത്തിന്റെ വളർച്ചയ്ക്കും വികാസത്തിനും ഏറെ മുതൽ കൂട്ടായിട്ടുണ്ട്. പാരമ്പര്യാധിഷ്ഠിതമായ വികാസവും വളർച്ചയും ഈ വിദ്യാലയത്തിനുണ്ടായിട്ടുണ്ട് എന്നത് നിസ്തർക്കമാണ്. ഇംഗ്ലീഷ് ബോധന മാധ്യമമില്ലാതെ ഇത്രയും നല്ല രീതിയിൽ നിലനിൽക്കുന്ന അപൂർവ്വം വിദ്യാലയമെന്ന ബഹുമതിയും ഈ വിദ്യാലയത്തിനു സ്വന്തം.

ഒരുപാട് കലാതിലകങ്ങൾ, കലാപ്രതിഭകൾ, ശാസ്ത്രജ്ഞന്മാർ, കായിക പ്രതിഭകൾ, ഡോക്ടർ, എൻജിനീയർ തുടങ്ങി ഉയർന്ന ജോലി മുതൽ സമൂഹ നന്മയ്ക്കു വേണ്ടി താഴെതട്ടിൽ ജോലി ചെയ്യുന്നവർ വരെ ഒന്നിച്ചിരുന്ന് പഠിച്ച കഥ പറയാനുണ്ടാകും ഈ വിദ്യാലയത്തിന്റെ ഓരോ  മൺതരിക്കും.