ഗോഖലെ യു.പി സ്കൂൾ മൂടാടി/ചരിത്രം

കോഴിക്കോട് ജില്ലയിലെ മൂടാടി ഗ്രാമ പഞ്ചായത്തിലെ ഗോപാലപുരത്ത് സ്ഥിതി ചെയ്യുന്ന ഗോഖലെ യു പി സ്കൂൾ ചരിത്ര പ്രാധാന്യമുള്ള ഒരു വിദ്യാലയമാണ് . ഭാരതത്തിന്റെ ഇതരഭാഗങ്ങളിലെന്ന പോലെ മലബാറിലും തന്റെ രാഷ്ട്രീയ ഗുരുവായ ശ്രീ ഗോപാലകൃഷ്ണ ഗോഖലെയുടെ അനുഗ്രഹാശിസ്സുകളോടെ പവൂർ കുന്നിൽ സ്ഥാപിക്കപെട്ടതാണ് ഈ വിദ്യാലയം . അയിത്താചരണം കൊണ്ട് തീവ്രയാതന അനുഭവിക്കുന്ന ഒരു വലിയ അധഃസ്ഥിതരു ണ്ടായിരുന്നു ഇതിനൊരു പരിഹാരം കണ്ടെത്തുവാൻ ശ്രീ കേളപ്പജി ആദ്യമായി തിരഞ്ഞെടുത്ത പ്രവർത്തന മേഖല പവൂർ കുന്ന് എന്ന കുന്നിൻ പ്രദേശമായിരുന്നു. അതിന്റെ സാഫല്യ മെന്നോണം 1921 -ൽ കേളപ്പജി ഹരിജനങ്ങൾക്കായി സ്ഥാപിക്കപെട്ടതാണ് ഈ വിദ്യാലയം . മഹാകവി വള്ളത്തോൾ നാരായണമേനോൻ ഹരിശ്രീ ഓതിക്കൊടുത്തു കൊണ്ടാണ് വിദ്യാലയം പ്രവർത്തനം ആരംഭിച്ചത് .സർവന്റ്സ് ഓഫ് ഇന്ത്യ സൊസൈറ്റി യുടെ കീഴിലാണ് ഈ വിദ്യാലയം പ്രവർത്തിക്കുന്നത് ഡോ .കെ കേശവദാസ് ആണ് ഇവിദ്യാലയത്തിന്റെ ഇപ്പോഴത്തെ മാനേജർ.