ഗവ. ടൗൺ യു പി സ്കൂൾ കായംകുളം/അക്ഷരവൃക്ഷം/യുദ്ധതന്ത്രം

Schoolwiki സംരംഭത്തിൽ നിന്ന്
യുദ്ധതന്ത്രം

വിശ്വമാകെ വിത്തെറിഞ്ഞു
വിളവെടുത്തു പോരുമി
വൻ വിപത്തിനെ തടുത്തു
നിർത്തുവാനുണർന്നിടാം

കരങ്ങൾ തമ്മിൽ ചേർത്തിടാതെ
കരളു നമ്മൾ കോർത്തീടും
ഉടലു കൊണ്ടകന്നു നാം
ഉയിരു കൊണ്ടടുത്തീടും

കരുതി നാം നയിച്ചിടും
പൊരുതി നാം ജയിച്ചിടും
അതുവരെ....അതുവരെ... അതുവരെ...
പ്രതിരോധമാണു പ്രതിവിധി അതുവരെ..

കൈകളിടയിൽ കഴുകുവാനും
വൈകിടാതെ നോക്കിടാം
നാളെയൊത്തു പുഞ്ചിരിക്കാൻ
ഇന്നു പൊത്തീടാം മുഖം

വാതിൽ പൂട്ടി വീടിനുള്ളിൽ
നാമിരിക്കുമെങ്കിലോ നാടുകാക്കുവാനുറച്ച
യുദ്ധതന്ത്രമാണത്, കരുണ ചൊരിയും
ഭരണമരുളും സരണി മാത്രം തേടിടാം

കരുതി നാം നയിച്ചിടും
പൊരുതി നാം ജയിച്ചിടും
അതുവരെ... അതു വരെ... അതുവരെ
പ്രതിരോധമാണ് പ്രതിവിധി അതുവരെ
 

ഹുസൈൻ
അഞ്ച് ബി ഗവ. ടൗൺ യു പി സ്കൂൾ കായംകുളം
കായംകുളം ഉപജില്ല
ആലപ്പുഴ
അക്ഷരവൃക്ഷം പദ്ധതി, 2020
കവിത


 സാങ്കേതിക പരിശോധന - Sachingnair തീയ്യതി: 04/ 05/ 2020 >> രചനാവിഭാഗം - കവിത