കൊല്ലം യു പി എസ്/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
ഒരു നാടിൻറെ സാസ്കാരിക ചരിത്രത്തിൽഏറെ പ്രധാനപ്പെട്ടതാണ് വിദ്യാലയങ്ങളുടെ ചരിത്രം.നമ്മുടെ നാടിൻറെ സാംസ്കാരിക ഉന്നതിയിൽ ഏറെ പങ്കു വഹിച്ച വിദ്യാലയങ്ങളാണ് കൊല്ലം യു പി സ്കൂൾ. ,പുളിയഞ്ചേരി യു പി സ്കൂൾ ,നടുവത്തൂർ യു പി സ്കൂൾ ,നമ്പ്രത്ത്കര എൽ പി സ്കൂൾ എന്നിവ ഇവയൊക്കെ ഒരു കുടുംബത്തിലെ തന്നെ ജ്യേഷ്ഠ സഹോദരങ്ങളായ സർവ്വശ്രീ കൊടക്കാട്ട് കേളപ്പൻ ഗുരുക്കൾ, ചാത്തപ്പൻ ഗുരുക്കൾ ,കരുണാകരൻ ഗുരുക്കൾ എന്നിവർ സാഥാപിച്ചതാണ്. അടുക്കളയുടെ നാലു ചുമരുകൾക്കുള്ളിൽ നിന്നും പെൺ കിടാങ്ങളെ അറിവിൻറെ സ്വാതന്ത്ര്യത്തിൻറെ പുതിയ ലോകത്തിലേക്ക് ആനയിക്കാൻ വേണ്ടി 1903 ൽ ശ്രീ കൊടക്കാട്ട് കേളപ്പൻ ഗുരുക്കൾ സ്ഥാപിച്ച പെൺപളളിക്കൂടമാണ് പിന്നീട് കൊല്ലം യു പി സ്കൂളായത്.2014 ഫെബ്രുവരി 28 ,മാർച്ച് 1 ദിവസങ്ങളിൽ 110- ാം വാർഷികം ഒരു വർഷം നീണ്ടുനിന്ന വിവിധ പരിപാടികളോടെ ആഘോഷിക്കുകയുണ്ടായി.ഇന്ന് വിദ്യാലയം 113 വർഷത്തിലേക്ക് കടന്നിരിക്കുകയാണ്.ഇളയടുത്ത് വേണുഗോപാൽ, DR.രാമചന്ദ്രൻ, പ്രമുഖ ബോംബെ വ്യവസായി രാമചന്ദ്രൻ ,കെ നൌഷാദ് ഇബ്രാഹിം(സിനിമാ താരം)റിട്ട.ആർ ഡി ഒ രാജൻ ,റിട്ട.ഡിഡി ഫസൽ റഹ്മാൻ,കൊല്ലം പ്രദേശത്ത് നാടകപ്രവർത്തന മേഖലയിൽനിറഞ്ഞു നിന്ന ഗോപാലൻ മാസ്റ്റർ ,പ്രശസ്ത മാന്ത്രികൻ ശ്രീ. ശ്രീകുമാർ തുടങ്ങിയവർ സമൂഹത്തിലെ വിവിധ മേഖലയിൽ വ്യക്തി മുദ്ര പതിപ്പിച്ച ഒട്ടേറെ പ്രതിഭാധനർ ഇ വിദ്യാലയത്തിലൂടെ കടന്നു പോയവരാണ്. പ്രാദേശിക പ്രമുഖരുടെ സേവനം ഉപയോഗപ്പെടുത്തികൊണ്ട് സ്കൂളിന് കൂടുതൽ ശക്തമായ പ്രാദേശിക ബന്ധം സ്ഥാപിക്കാൻകഴി‍‍ഞ്ഞിട്ടുണ്ട്.കർമ്മ ശേഷിയുളളതും കരുത്തുറ്റതുമായ PTA യും MPTA യും SSG യും പൂർവ്വ വിദ്യാർത്ഥി കൂട്ടായ്മയും സ്കൂളിൻറെ വളർച്ചയെ ഏറെ സഹായിക്കുന്നുണ്ട്. കോഴിക്കോട് ജില്ലയിലെ കൊയിലാണ്ടി –കൊല്ലത്ത് ദേശീയ പാതയോരത്ത് ചേർന്നാണ് ഈ വിദ്യാലയം സ്ഥിതി ചെയ്യുന്നത്. ചരിത്ര പ്രാധാന്യം ഏറെ ഉളള കൊല്ലം പിഷാരികാവും ,പാറപ്പള്ളിയും ഈ സ്കൂളിൻറെ സമീപപ്രദേശം ആയാണ് സ്ഥിതി ചെയ്യുന്നത്.വിയ്യൂർ,പുളിയഞ്ചേരി ,കൊല്ലം –പാറപ്പള്ളി തീരദേശം ,പാലക്കുളം എന്നീ ഭാഗത്തുനിന്നുളള വിദ്യാർതഥികളാണ് ഈ വിദ്യാലയത്തിൽഉളളത്.1970 -80 കാലയളവിൽ ഓരോ വർഷവും 1000ത്തിലധികം വിദ്യാർത്ഥികൾ നിലനിന്നിരുന്ന ഈ വിദ്യാലയത്തിൽ പിന്നീട് വിദ്യാർത്ഥികൾ കുറയുന്നൊരു അവസ്ഥയുണ്ടായി.സമീപ പ്രദേശങ്ങളിൽ കൂടുതൽ അൺഎയ്ഡഡ് സ്ഥാപനങ്ങൾ ഉയർന്നു വന്നതായിരുന്നു ഇതിൻറെ പ്രധാന കാരണം.ഒരു ഘട്ടത്തിൽ മൊത്തം കുട്ടികളുടെ എണ്ണം 97 എന്ന നിലയിലേക്ക് വരെ എത്തിച്ചേർന്നു. ഇന്ന് വിദ്യാലയം തിരിച്ചു വരവിൻറെ പാതയിലാണ് .10 ക്ലാസുകളിലായി 255 കുട്ടികളും 12 അധ്യാപകരും ഇവിടെയുണ്ട്.പാഠ്യപാഠ്യേതര രംഗത്ത് കൊയിലാണ്ടി ഉപജില്ലയിലെ മികച്ച വിദ്യാലയങ്ങളിലൊന്നായി ശോഭിക്കാൻ കൊല്ലം യു പിക്ക് കഴിയുന്നുണ്ട്. ഇക്കഴിഞ്ഞ ജില്ലാ സാമൂഹ്യ ശാസ്ത്രമേളയിൽ എൽ പി വി ഭാഗത്തിലെ മികച്ച വിദ്യാലയമായി തെരഞ്ഞെടുത്തത് ഈ വിദ്യാലയത്തെയാണ്.......................