ഇത്തിരിപ്പോന്നോരു വൈറസു നീയും
ഒത്തിരി മർത്യരെ കൊന്നു തിന്നു
കേരവൃക്ഷങ്ങൾ നിറഞ്ഞ നാട്ടിൽ
കേറി വന്നെന്നോ വിടില്ല ഞങ്ങൾ
ഈ വ്യാധി നാട്ടിൽ വന്നതോടെ
ഭൂമിയിൽ ജീവനു നാശമായി
നാട്ടിൽ പരിഭ്രാന്തി കൂടി വന്നൂ
കൺകണ്ട ജീവനെകൊന്നൊടുക്കാൻ
നാം നിന്നോടെന്തു തെറ്റു ചെയ്തു?
നാടും നഗരവും തകർന്നിരിക്കെ
ഇനിയെന്തു ചെയ്യേണമറിയില്ലല്ലോ
നിത്യവൃത്തിക്കു വകയില്ലാതെ
ഭക്ഷണത്തിന്നും ആർത്തിയാകും
മർത്യ മനസ്സിനെ തകർത്തെറിഞ്ഞ
ദുഷ്ടനാം ശത്രുവെ പോകണം നീ
ഇത്രയും കാലം നാം ജീവിച്ചഭൂമിയിൽ
നിനക്കെന്തവകാശം, ചൊല്ലുക നീ
ഒറ്റക്കെട്ടായി നാം പൊരുതി ജീവിക്കും
നിന്നെയീ ഭൂവിൽ നിന്ന് തൂത്തെറിയാൻ