കമേത്ത് എൽ പി സ്കൂൾ/എന്റെ ഗ്രാമം
അഞ്ചരക്കണ്ടി
കേരളത്തിലെ കണ്ണൂർ ജില്ലയിൽ സ്ഥിതിചെയ്യുന്ന ഒരു പഞ്ചായത്താണ് അഞ്ചരക്കണ്ടി. സൂപ്പർ സ്പെഷ്യാലിറ്റി ആശുപത്രിയായ കണ്ണൂർ മെഡിക്കൽ കോളേജ് അഞ്ചരക്കണ്ടിയിലാണ് .കൂടാതെ അഞ്ചരക്കണ്ടി ഹയർ സെക്കൻഡറി സ്കൂൾ ഇവിടെ സ്ഥിതി ചെയ്യുന്നു. കേരളത്തിലെ ഏറ്റവും മികച്ച സർക്കാർ ഏത് ഹൈസ്കൂളുകളിൽ ഒന്നാണ് അഞ്ചരക്കണ്ടി ഹയർ സെക്കൻഡറി സ്കൂൾ.
ചരിത്രം
1767ൽ ഈസ്റ്റിന്ത്യാ കമ്പനി സ്ഥാപിച്ച അഞ്ചരക്കണ്ടി കറുവപ്പട്ട എസ്റ്റേറ്റ് ഗ്രാമത്തിൽ ഉൾപ്പെടുന്നു. ഏഷ്യയിലെ ഏറ്റവും വലുതും അനുബന്ധ സംസ്കരണ പ്ലാനുമായി അറിയപ്പെടുന്ന ഈ എസ്റ്റേറ്റ് ഇപ്പോഴും പ്രവർത്തനക്ഷമമാണ്. 1767 ൽ ബ്രൗൺ പ്രഭു നിർമിച്ച 252 വർഷം പഴക്കമുള്ള കെട്ടിടത്തിലാണ് ഏഷ്യയിലെ ആദ്യത്തെ ലാൻഡ് രജിസ്ട്രാർ ഓഫീസ് സ്ഥിതി ചെയ്യുന്നത്. തലശ്ശേരി ,ഇരിട്ടി കൂത്തുപറമ്പ് ,കണ്ണൂർ തുടങ്ങിയ സമീപപ്രദേശങ്ങളിൽ നിന്ന് എളുപ്പത്തിൽ എത്തിച്ചേരാവുന്ന അഞ്ചരക്കണ്ടി പ്രൊഫഷണൽ വിദ്യാഭ്യാസം നൽകുന്നതിനുള്ള കേന്ദ്രമാണ്. അഞ്ചരക്കണ്ടിയിലെ പ്രമുഖ പ്രൊഫഷണൽ വിദ്യാഭ്യാസ സ്ഥാപനം അഞ്ചരക്കണ്ടി ഇന്റഗ്രേറ്റഡ് ക്യാമ്പസ് ആണ്. അഞ്ചരക്കണ്ടി നഗരത്തിലൂടെയാണ് അഞ്ചരക്കണ്ടി പുഴ ഒഴുകുന്നത്. കണ്ണൂർ ജില്ലയിലൂടെ ഒഴുകുന്ന രണ്ട് പ്രധാന നദികളിൽ ഒന്നാണ് അഞ്ചരക്കണ്ടി പുഴ. വയനാട്, കണ്ണൂർ ജില്ലകളുടെ അതിർത്തിയായ പശ്ചിമഘട്ടത്തിന്റെ ചരിവുകളിൽ നിന്നാണ് നദി ഉത്ഭവിക്കുന്നത്. 48 കിലോമീറ്റർ നീളമുള്ള നദി പടിഞ്ഞാറു ദിശയിൽ ഒഴുകി ധർമ്മടം എന്ന സ്ഥലത്ത് അറബിക്കടലിൽ പതിക്കുന്നു.