എ.എൽ.പി.എസ് പാലക്കോട്/എന്റെ ഗ്രാമം
പാലക്കോട്
കിഴക്കൻ ഏറനാട്ടിൽ നിലമ്പൂർ താലൂക്കിൽ പോരൂർ പ്രദേശത്ത് സ്ഥിതിചെയ്യുന്ന പാലക്കോട് ഗ്രാമം . പാടത്തും പറമ്പിലും പണി ചെയ്തു അന്നന്നത്തെ അന്നത്തിനു വക തേടിയിരുന്ന കാർഷിക സമൂഹം . കന്നു പൂട്ടും കറ്റ മെതിയും കഴിഞ്ഞാൽ പണി തേടിയുള്ള നാടു ചുറ്റൽ . അങ്ങനെ മദ്രാസും കോഴിക്കോടും വയനാടും കൊടകും തേടി പാലക്കോട്ടുകാരുടെ ദേശാടനം . അന്ന് കൊടുമ്പിരി കൊണ്ടിരുന്ന ബ്രിട്ടീഷ് ഭരണത്തിനെതിരെയുള്ള പോരാട്ടത്തിൽ ഈ കൊച്ചു ഗ്രാമവും പങ്കുചേർന്നു . സ്വാതന്ത്ര്യത്തിനു പതിറ്റാണ്ടുകൾക്കുമുമ്പ് ചേന്നൻ കുളങ്ങര ഹൈദ്രു കുട്ടി മോല്ല പാലക്കോട് പള്ളിയോടനുബന്ധിച്ച് നിർമ്മിച്ച ഓത്തുപള്ളിയാണ് പിൻകാലത്ത് പാലക്കോട് എ. എം. എൽ .പി. സ്കൂൾ ആയി രൂപപ്പെട്ടത് എന്നു പറയാം