എ.എം.എൽ.പി.എസ്. മുല്ലപ്പള്ളി/ചരിത്രം

മുൻ കൊണ്ടോട്ടി ഗ്രാമപഞ്ചായത്തിലെ കൊളത്തൂർ പ്രദേശത്താണ് മുല്ലപ്പള്ളി സ്‌കൂൾ സ്ഥിതി ചെയ്യുന്നത്. ചരിത്രാതീത കാലത്തെ കുളത്തൂർ പ്രദേശം മുണ്ടപ്പലം, തുറക്കൽ, തലേക്കര വരെ നീണ്ടുനിൽക്കുന്നതാണ്. അക്കാലത്ത് പ്രദേശത്ത് നിരവധി കുളങ്ങളുണ്ടായിരുന്നു. തേവർക്കുളം, ചെമ്പ്രക്കുളം, തലേക്കരക്കുളം, വിരക്കുളം എന്നിങ്ങനെ കുളങ്ങളുള്ള പ്രദേശം കൊളത്തൂരായി മാറി എന്ന് ഐതീഹ്യം.

മതപാഠശാലകളും അതിൽ മതശാമ്പുതകൾ പഠിപ്പിക്കുന്ന മുല്ലമാർ നടത്തുന്ന ഓത്തുപള്ളികൾ മുല്ലമാരുടെ ഓത്തുപള്ളിക്കൂടം മുല്ലപ്പള്ളി എന്നറിയപ്പെട്ടിരുന്നു. ഭൗതികപഠനം തീരെ അന്യമായിരുന്ന മതപാഠശാലകളെ (ഓത്തുപള്ളികളെ) മലയാളവും ഇംഗ്ലീഷും പഠിപ്പിക്കുന്ന ഏകാധ്യാപക വിദ്യാലയമായി ബ്രിട്ടീഷു ഭരണകാലത്ത് അംഗീകരിക്കുകയും ഈ പാഠശാലകളിൽ ബോധനം നടത്തുന്നവരെ അധ്യാപകന് പരിശീലനം നടത്തിച്ചും അല്ലാതെയും അധ്യാപകരാക്കി നിയമിക്കാൻ മൊല്ലമാർക്ക് അധികാരം കൊടുക്കുകയും അപ്രകാരം നടന്നിരുന്ന പള്ളക്കൂടങ്ങളിൽപെട്ട ഈ വിദ്യാലയം പിന്നീട് എയിഡഡ് സ്കൂ‌ളായി (Elementary School) ഉയർത്തുകയായിരുന്നു. അപ്രകാരം Aided Mappila Lower Primary Basic School goo ആദ്യകാലത്തിൽ ചെറുതൊടിക കമ്മദ് മൊല്ല മാനേജറും ചെറുതൊടിക അഹമ്മദ് മാസ്റ്റർ, ഞെണ്ടോളി കുഞ്ഞാപ്പു മാസ്റ്റർ, കീടക്കാട് അബ്ദുൽ കരീം മാസ്റ്റർ, തലേക്കര കൊയപ്പത്തൊടി അസൈനാർ മാസ്റ്റർ, അമ്പാട്ട് ഇസ്‌മായിൽ മാസ്റ്റർ, അലവിക്കുട്ടി മാസ്റ്റർ (വലിയപറമ്പ്), സൈതാലിക്കുട്ടി മാസ്റ്റർ, പിന്നീട് പി.സി മുഹമ്മദ് മാസ്റ്റർ, സി.കെ ഹസ്സൻ മാസ്റ്റർ എന്നിവരുമായിരുന്നു ആദ്യകാല ഗുരുനാഥന്മാർ.