എസ് പി ഡബ്യൂ എച്ച് എസ് ആലുവ/കുട്ടിക്കൂട്ടം

വിവരസാങ്കേതികവിദ്യയുടെ വിശാലമായ ആകാശം ഇനി കുട്ടികളുടെ ഉള്ളംകൈയിലേക്ക്. ഐടി വിജ്ഞാനം പകർന്ന് വിദ്യാർഥികളെ സ്മാർട്ടാക്കാൻ 'ഹായ്സ്കൂൾ കുട്ടിക്കൂട്ടം' പദ്ധതി നടപ്പാക്കിക്കഴിഞ്ഞു ഐടി അറ്റ് സ്കൂൾ. ലക്ഷക്കണക്കിന്‌ സ്കൂൾ കുട്ടികളെ പങ്കെടുപ്പിച്ചു കൊണ്ട് നടത്തപ്പെടുന്ന ഈ പദ്ധതി പൊതു വിദ്യാഭ്യാസ രംഗത്ത് വൻ മാറ്റങ്ങൾ സൃഷ്ടിക്കും. ഇന്ത്യയിലെ ഏറ്റവും വിപുലമായ കുട്ടികളുടെ ഐ ടി കൂട്ടായ്മയാണ് ഇതോടെ രൂപപ്പെടുന്നത്. അനിമേഷൻ - മൾട്ടിമീഡിയ, ഹാർഡ് വെയർ, ഇലക്ട്രോണിക്സ്,ഭാഷാ കംപ്യൂട്ടിങ്, ഇന്റർനെറ്റും സൈബർ സുരക്ഷയും എന്നീ അഞ്ചുമേഖലയിൽ കുട്ടികളുടെ അറിവ് വർധിപ്പിക്കുകയാണ് ഇപ്പോൾ ചെയ്ത് കൊണ്ടിരിക്കുന്നത്.ഇതിനായി എസ് പി ഡബ്ലിയു എച്ച് എസിൽ പി റ്റി എ പ്രസിഡന്റ് ഹംസ.ആർ.എൻ,പ്രധാനാധ്യാപിക മായ.കെ.പി,സ്കൂൾ ഐ റ്റി കോർഡിനേറ്റർ ഹഫ്സത്ത്.കെ.കെ എന്നിവരുടെ നേതൃത്വത്തിൽ സ്കൂൾ തല കുട്ടിക്കൂട്ടം രൂപീകരിച്ചു. എട്ട്,ഒമ്പത്, പത്ത് ക്ലാസുകളിലെ തെരഞ്ഞെടുക്കപ്പെട്ട മുപ്പത് കുട്ടികളാണ് ഇപ്പോൾ ഇതിലെ അംഗങ്ങൾ.ഇവർക്കുള്ള പരിശീലനം സ്കൂളിൽ ആരംഭിച്ചു കഴിഞ്ഞു.