2025 -2025വർഷത്തെ ക്യാമ്പ് ഓഗസ്റ്റ് മാസം 12, 29 തീയതികളിലായി നടത്തി. രണ്ട് ബാച്ചുകൾ ഉള്ളതിനാൽ ഒന്നാമത്തെ ബാച്ചിന്റെ ക്യാമ്പ് ഓഗസ്റ്റ് മാസം 12ആം തീയതിയും രണ്ടാമത്തെ ബാച്ചിന്റെ ക്യാമ്പ് ഓഗസ്റ്റ് മാസം 29 ആം തീയതിയും നടത്തി. സ്കൂൾ ഹെഡ്മിസ്ട്രസ് ശ്രീ ബിന്ദു എസ് രണ്ട് ക്യാമ്പുകളും ഉദ്ഘാടനം നിർവഹിച്ചു. ക്യാമ്പിൽ കൈറ്റിൽ നിന്നും മാസ്റ്റർ ട്രെയിനർ സജിത്ത് ക്ലാസുകൾ നയിച്ചു. ലിറ്റിൽ കൈറ്റ്സ് പ്രവർത്തനങ്ങൾ ഹൈടെക് പദ്ധതിയുടെ ഭാഗമായി വിദ്യാഭ്യാസ വകുപ്പ് നടപ്പിലാക്കിയ പദ്ധതിയാണ് . ലിറ്റിൽ കൈറ്റ്സ് പ്രവർത്തനങ്ങളുടെ ഭാഗമായി ഹൈടെക് ഉപകരണങ്ങളുടെ പരിപാലനം പ്രധാന ലക്ഷ്യമാണ് എന്ന് ക്യാമ്പിൽ കുട്ടികളെ ബോധ്യപ്പെടുത്തി. ഇതിൽ ലിറ്റിൽ കൈറ്റിലൂടെ റോബോട്ടിക്സ് , മലയാളം കമ്പ്യൂട്ടിംഗ് , ആർട്ടിഫിഷൽ ഇന്റലിജൻസ്, ഇലക്ട്രോണിക്സ് തുടങ്ങി നിരവധി മേഖലകളിലേക്ക് പ്രവർത്തിക്കാം എന്ന് കുട്ടികൾക്ക് ബോധ്യമായി . കുട്ടികൾക്ക് വളരെ ആവേശകരമായ പ്രവർത്തനങ്ങൾ ആയിരുന്നു ഈ ക്യാമ്പിന്റെ ഭാഗമായി സംഘടിപ്പിച്ചിരുന്നത്.
ഫ്രീഡം ഫെസ്റ്റ്