എന്റെ ഭാഷ - ലക്ഷ്മി വിജയ് (ക്ലാസ്സ് : 7എ)
എന്റെ ഭാഷ
![](/images/thumb/b/b1/Cover_81123.jpg/300px-Cover_81123.jpg)
മിണ്ടിത്തുടങ്ങാന് ശ്രമിക്കുന്ന പിഞ്ചിളം
ചുണ്ടിന്മേലമ്മിഞ്ഞപ്പാലോടൊപ്പം,
അമ്മയെന്നുള്ള രണ്ടക്ഷരമല്ലയോ
സമ്മേളിച്ചീടുന്നതൊന്നാമതായ്
മറ്റുള്ളഭാഷകള് കേവലം ധാത്രിമാര്
മര്ത്ത്യനു പെറ്റമ്മ തന്ഭാഷതാന്
മാതാവിന് വാത്സല്യദുഗ്ദ്ധം നുകര്ന്നാലേ
പൈതങ്ങള് പൂര്ണ്ണ വളര്ച്ച നേടൂ
അമ്മതാന് തന്നെ പകര്ന്നു തരുമ്പോഴേ
നമ്മള്ക്കമൃതുമമൃതായ്ത്തോന്നൂ!
ഏതൊരു വേദവുമേതൊരു ശാസ്ത്രവു-
മേതൊരുകാവ്യവുമേതൊരാള്ക്കും
ഹൃത്തില്പ്പതിയേണമെങ്കില് സ്വഭാഷതന്
വക് ത്രത്തില് നിന്നു താന് കേള്ക്കവേണം
ഹൃദ്യം സ്വഭാഷതന് ശീകരമോരോന്നു-
മുള്ത്തേനായ്ച്ചേരുന്നു ചിത്തതാരില്
അന്യബിന്ദുക്കളോ തല്ബഹിര്ഭാഗമേ
മിന്നിച്ചുനില്ക്കുന്ന തൂമുത്തുകള്
ആദിമകാവ്യവും പഞ്ചമവേദവും
നീതിപ്പൊരുളുമുപനിഷത്തും
പാടിസ്വകീയരെ കേള്പ്പിച്ച കൈരളി
പാടവഹീനയെന്നാര്പറയും?
കൊണ്ടാടി നാനാവിചിന്തനതന്തുക്കള്
കൊണ്ടാത്മഭാഷയെ വായ്പ്പിക്കായ്കില്
കേരളത്തിന്നീയിരുള്ക്കുണ്ടില് നിന്നൊന്നു
കേറാന് പിടിക്കയറെന്തുവേറെ?