ഇ.എം.ഇ.എ.എച്ച്.എസ്.എസ്. കൊണ്ടോട്ടി/ഹൈസ്കൂൾ/2026-27
| Home | 2026-27 |
  2022-23 2023-24 2024-25 2025-26
|
പ്രവേശനോത്സവം
EMEA HSS Kondotty-യിൽ 2026 ജൂൺ 01 തിങ്കളാഴ്ച രാവിലെ 10 മണിക്ക് "പ്രവേശനോത്സവം 2026" വിപുലമായി സംഘടിപ്പിച്ചു. "മികച്ച വിദ്യാർത്ഥി... മികവുറ്റ വിദ്യാലയം..." എന്ന സന്ദേശത്തോടെ നടന്ന പരിപാടി ബ്ലോക്ക് പഞ്ചായത്ത് പ്രസിഡന്റ് ശ്രീ. പി.കെ.സി അബ്ദുറഹിമാൻ ഉദ്ഘാടനം ചെയ്തു. മാനേജ്മെന്റ് കമ്മിറ്റി അംഗം ശ്രീ. സി.പി. സുഹൈൽ മുഖ്യാതിഥിയായിരുന്നു. പി.ടി.എ പ്രസിഡന്റ് ശ്രീമതി പി.ഡി. ഹനീഫ അധ്യക്ഷത വഹിച്ചു. പുതുതായി സ്കൂളിലേക്ക് കടന്നുവരുന്ന കുട്ടികളെ വർണ്ണാഭമായ ചടങ്ങോടെ സ്വീകരിച്ചത് ഏറെ ശ്രദ്ധേയമായി.
പരിപാടിയുടെ ഭാഗമായി "നല്ല പാഠം നേര് അനുഭവം" എന്ന വിദ്യാർത്ഥി സംവാദം സംഘടിപ്പിച്ചു. കുമാരി അബ്ഷ കെ കെ, കുമാരി അർലറ്റ് ഡി വിൻദാസ് യു എന്നീ വിദ്യാർത്ഥിനികൾ പങ്കുവെച്ച പഠനാനുഭവങ്ങൾ നവാഗതർക്ക് പ്രചോദനമായി. അധ്യാപകരും രക്ഷിതാക്കളും പൂർവ്വ വിദ്യാർത്ഥികളും പങ്കെടുത്ത പ്രവേശനോത്സവം പുതിയ അധ്യയന വർഷത്തിന് ഉജ്ജ്വലമായ തുടക്കം കുറിച്ചു. വിദ്യാലയ അന്തരീക്ഷവും പഠന നിലവാരവും മെച്ചപ്പെടുത്താനുള്ള പ്രതിജ്ഞയോടെ പരിപാടി സമാപിച്ചു.
https://www.instagram.com/reel/DZFyvMtSAfq/?utm_source=ig_web_copy_link&igsh=NTc4MTIwNjQ2YQ==