സെൻറ് ഫിലോമിനാസ് ഗേൾസ് എച്ച്.എസ്. പൂന്തുറ/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

ഹൈസ്കൂൾ

ചരിത്രം

അംഗീകാരം

ഇംഗ്ലീഷ് വിലാസം

https://schoolwiki.in/St._Philomina%60S_Girls_H._S._Poonthura

മുൻ വർഷങ്ങളിലെ വിദ്യാലയ പ്രവർത്തനങ്ങൾ

2021-2022 അധ്യായന വർഷത്തിലെ പ്രവർത്തനങ്ങൾ
2020-2021 അധ്യായന വർഷത്തിലെ പ്രവർത്തനങ്ങൾ
2019-2020 അധ്യായന വർഷത്തിലെ പ്രവർത്തനങ്ങൾ

2018-2019 അധ്യായന വർഷത്തിലെ പ്രവർത്തനങ്ങൾ

2022-2023 അധ്യായന വർഷ പ്രവർത്തനങ്ങൾ

സ്കൂൾ തുറക്കും മുൻപേ

ഒരു അധ്യയന വർഷം ആരംഭിക്കുന്നതിനു അധ്യാപകരെ ഒരുക്കുന്നതിനായി ഒരു ദിവസത്തെ മുന്നൊരുക്ക സെമിനാർ ബഹുമാനപ്പെട്ട ഹെഡ്മിസ്ട്രസ് സംഘടിപ്പിച്ചു. ക്ലാസ് നയിച്ചത് റവ. ഫാ. ലെനിൻ ഫെർണാണ്ടസ് ആയിരുന്നു. കുട്ടികളോടും സഹപ്രവർത്തകരോടും മേലധികാരികളോടും ഊഷ്മളമായ ഒരു ബന്ധം നിലനിർത്തി ഒരു നല്ല അധ്യയന വർഷം സമാരംഭിക്കുന്നതിനു ഉപയോഗപ്രദമായ ഒരു ക്ലാസ്സ് ആയിരുന്നു അത്.

പ്രവേശനോൽസവം

2022 23 അധ്യയന വർഷത്തിലെ പ്രവേശനോത്സവ പരിപാടികൾ ജൂൺ 1ന് വളരെ വിപുലമായ ആഘോഷങ്ങളോടുകൂടിയാണ് ആരംഭിച്ചത് കഴക്കൂട്ടം ഗവൺമെന്റ് ഹയർ സെക്കൻഡറി സ്കൂളിൽ ബഹുമാനപ്പെട്ട വിദ്യാഭ്യാസ മന്ത്രി വി. ശിവൻകുട്ടി നടത്തിയ ജില്ലാതല ഉദ്ഘാടനം കുട്ടികൾക്ക് ഓഡിറ്റോറിയത്തിൽ വച്ച് പ്രൊജക്ടറിന്റെ സഹായത്തോടെ പ്രദർശിപ്പിച്ചതിന് ശേഷം സ്കൂൾ തല പ്രവേശനോത്സവം ഉദ്ഘാടന കർമ്മം മദർ മാനേജർ ബഹുമാനപ്പെട്ട സിസ്റ്റർ ജാസ്മിൻ പീറ്റർ നിർവഹിച്ചു. പ്രസ്തുത പരിപാടിയിൽ അധ്യക്ഷപദം അലങ്കരിച്ച ബഹുമാനപ്പെട്ട അതിഥികളായി മാണിക്യവിളാകം വാർഡ് കൗൺസിലർ സി എസ് എം ബഷീറും പി ടി എ പ്രസിഡന്റ് യൂസഫും സന്നിഹിതനായിരുന്നു ബി ആർ സിയിലെ ദീപ ടീച്ചർ ഉണ്ടായിരുന്നു. വാർഡ് കൗൺസിലർ ബഷീർ സാറും പിടിഎ പ്രസിഡന്റും ഈ സ്കൂളിലെ മുൻ വിദ്യാർഥിനി കൂടിയായ ശാലറ്റ് ടീച്ചറും കുരുന്നുകൾക്ക് ആശംസകൾ അർപ്പിച്ചു. കുഞ്ഞുങ്ങൾക്ക് കൗതുകം ഉണർത്തുന്ന രീതിയിൽ തയ്യാറാക്കിയ വിവിധ പൂക്കളുടെയും ജീവികളുടെയും രൂപങ്ങൾ കുട്ടികളുടെ കയ്യിൽ നൽകുകയും, വർണ്ണക്കടലാസ് കൊണ്ട് ഉണ്ടാക്കിയ കിരീടം തലയിൽ അണിയിക്കുകയും ചെയ്തു. വളരെ ജിജ്‍ഞാസയോടും ആകാംഷയോടും കൂടി കുട്ടികൾ പരിപാടികളിൽ പങ്കെടുത്തു. കുട്ടികൾ എല്ലാരും ഏറെ ഉത്സാഹവദികൾ ആയിരുന്നു. കുഞ്ഞുങ്ങൾക്ക് സ്കൂളിൽ നിന്നും പഠനോപകരണങ്ങളോടൊപ്പം മധുരവും നൽകി സ്വീകരിച്ചു. പരിപാടികൾ ആസ്വദിച്ച ശേഷം ദേശീയ ഗാനത്തോട് കൂടെ യോഗം സമാപിച്ചു. മുതിർന്ന കുട്ടികളുടെയും എസ് പി സി കേഡറ്റുകളുടെയും അകമ്പടിയോടെ കുരുന്നുകളെ ക്ലാസ്സുകളിൽ എത്തിച്ചു. തോരണങ്ങളാൽ അലങ്കൃതമായ ക്ലാസ് മുറികളിൽ അധ്യാപികമാർ നിറപുഞ്ചിരിയോടെ കുഞ്ഞുങ്ങളെ എതിരേറ്റു.

മെറിറ്റ് മോർണിങ്

2022 മാർച്ച് എസ് എസ് എൽ സി പരീക്ഷയിൽ മുഴുവൻ വിഷയങ്ങൾക്കും എ പ്ലസ് കിട്ടിയ വിദ്യാർത്ഥികളെ അനുമോദിക്കുന്ന ചടങ്ങ് കോവിഡ് കാരണം മാറ്റിവയ്ക്കപ്പെട്ടിരുന്നു. 2022 - 2023 അധ്യായന വർഷത്തിന്റെ പ്രവേശനോത്സവദിനത്തിൽ തന്നെ കുട്ടികളെ അനുമോദിക്കുന്നതിനുള്ള മെറിറ്റ് മോർണിംഗ് നടത്താൻ സാധിച്ചു. എല്ലാ വിഷയങ്ങൾക്കും എ പ്ലസ് കരസ്ഥമാക്കിയ84 കുട്ടികളെയും സ്റ്റേജിൽ വിശിഷ്ട വ്യക്തികളോടൊപ്പം ഇരുത്തി അനുമോദിക്കുകയും അവർക്ക് സമ്മാനങ്ങൾ നൽകുകയും ചെയ്തു. പ്രസ്തുത ചടങ്ങിൽ മദർ മാനേജർ സിസ്റ്റർ ജാസ്മിൻ പീറ്റർ, മാണിക്കവിളാകം വാർഡ് കൗൺസിലർ ശ്രീ. എസ് എം ബഷീർ, പി ടി എ പ്രസിഡന്റ് ശ്രീ. യൂസഫ് ഹെഡ്മിസ്ട്രസ് സിസ്റ്റർ സിജി വി.റ്റി, മീനാ ജോസഫ് ടീച്ചർ എന്നിവർ കുട്ടികൾക്ക് ആശംസകൾ അർപ്പിച്ച് സംസാരിച്ചു.

പരിസ്ഥിതി ദിനം

ജൂൺ 5 ലോക പരിസ്ഥിതി ദിനം

എസ് എസ് എൽ സി റിസൾട്ട് 2022

2022 മാർച്ച് എസ് എസ് എൽ സി പരീക്ഷയിൽ നൂറുമേനി വിജയം കരസ്ഥമാക്കി. പരീക്ഷയെഴുതിയ 240 കുട്ടികളും ഉപരിപഠനത്തിനു അർഹരായി. 21 മിടുക്കികൾ എല്ലാ വിഷയത്തിനും എ പ്ലസ് കരസ്ഥമാക്കി.
2022 എസ് എസ് എൽ സി എല്ലാ വിഷയത്തിനും എ പ്ലസ് നേടിയ മിടുക്കികൾ 2022 എസ് എസ് എൽ സി എല്ലാ വിഷയത്തിനും എ പ്ലസ് നേടിയ മിടുക്കികൾ

യോഗാ ദിനം

ജൂൺ 21 യോഗാ ദിനത്തോടനുബന്ധിച്ച് പോൾസൺ സാർ കുട്ടികൾക്ക് യോഗ ക്ലാസ് എടുത്തു. യോഗ നൽകുന്ന മാനസിക ശാരീരിക ആരോഗ്യത്തെ കുറിച്ചും ഇന്നത്തെ തിരക്കുള്ള ജീവിതത്തിൽ യോഗ എത്രത്തോളം പ്രയോജന പ്രദമാണെന്നും സർ വിശദമായി പറഞ്ഞു. തുടർന്ന് യോഗ പരിശീലനവും ഉണ്ടായിരുന്നു.

എസ് എസ് എൽ സി കുട്ടികൾക്കായി

ജൂൺ പതിനെട്ടാം തിയതി ഈ വർഷത്തെ എസ് എസ് എൽ സി കുട്ടികൾക്കായി ഒരു സെമിനാർ സംഘടിപ്പിച്ചു.

വായനാദിനം

2021 ജൂൺ 19 അവധി ദിനമായതുകൊണ്ട് ഈ വർഷം വായനാദിനാചരണ പരിപാടികൾ ജൂൺ 20 ന് ആരംഭിച്ചു.2022- 23 അധ്യയന വർഷത്തെ വിദ്യാരംഗം കലാസാഹിത്യ വേദിയുടെയും ലൈബ്രറി കൗൺസിലിന്റെയും ഉദ്ഘാടനം 20 6 2022 തിങ്കളാഴ്ച നിർവഹിക്കപ്പെട്ടു. മെറ്റിൽ മേരി ടീച്ചറിൻ്റെ സ്വാഗതത്തോടെ ആരംഭിച്ച യോഗത്തിൽ സീനിയർ അസിസ്റ്റന്റ് ടെസ് ജോസഫ് ടീച്ചർ ഉദ്ഘാടന കർമ്മം നിർവഹിച്ചു. തുടർന്ന് ഹൈസ്കൂൾ വിഭാഗത്തിൽനിന്ന് സഫ്നാ നസ്റിൻ ഒരു പുസ്തകാസ്വാദനവും യുപി വിഭാഗത്തിൽ നിന്ന് നീരജ ഒരു ലളിതഗാനവും അവതരിപ്പിക്കുകയുണ്ടായി. എൽ പി വിഭാഗത്തിൽ നിന്നുള്ള 'പുസ്തകങ്ങളിൽ എന്തുണ്ട്' എന്ന സുഹാനയുടെ കവിത അത്യന്തം ഹൃദ്യമായിരുന്നു. അസിസ്റ്റൻറ് സ്കൂൾ ലീഡർ ക്രിസ്മ മരിയ ജോസിന്റെ നന്ദി പ്രസംഗത്തോടെ യോഗം അവസാനിച്ചു തുടർന്നുള്ള ദിവസങ്ങളിൽ അസംബ്ലിയോട് അനുബന്ധിച്ച് പത്രവാർത്തകളെ ആസ്പദമാക്കിയുള്ള ചോദ്യോത്തരി ഉൾപ്പെടുത്തി. കഥാരചന കവിതാരചന,ഉപന്യാസ രചന,ചിത്രരചന,സാഹിത്യ ക്വിസ് എന്നീ മേഖലകളിൽ മത്സരം നടത്തി വിജയികളെ കണ്ടെത്തി വായനയുമായി ബന്ധപ്പെട്ട പ്രവർത്തനങ്ങൾ ഉൾപ്പെടുത്താൻ സ്കൂളിലെ മുഴുവൻ കുട്ടികൾക്കും വായന പുസ്തകം ലഭ്യമാക്കി അതിൽ വായന മാസം അവസാനിക്കുന്നത് വരെ ഒരു ദിവസം ഒരു സാഹിത്യകാരൻ എന്ന നിലയിൽ കുട്ടികൾ വിവരങ്ങൾ ശേഖരിച്ചു. എല്ലാ ക്ലാസ് മുറികളിലും വായന മൂല സജ്ജമാക്കി. ഇഷ്യൂ രജിസ്റ്റർ സ്റ്റോക്ക് രജിസ്റ്റർ എന്നിവ തയ്യാറാക്കി.

അന്താരാഷ്ട്ര യോഗാദിനം

ജൂൺ 21 യോഗാ ദിനത്തോടനുബന്ധിച്ച് പോൾസൺ സാർ കുട്ടികൾക്ക് യോഗ ക്ലാസ് എടുത്തു. യോഗ നൽകുന്ന മാനസിക ശാരീരിക ആരോഗ്യത്തെ കുറിച്ചും ഇന്നത്തെ തിരക്കുള്ള ജീവിതത്തിൽ യോഗ എത്രത്തോളം പ്രയോജന പ്രദമാണെന്നും സർ വിശദമായി പറഞ്ഞു. തുടർന്ന് യോഗ പരിശീലനവും ഉണ്ടായിരുന്നു.

ലോക ലഹരി വിരുദ്ധ ദിനം

ജൂൺ 26 ലോക ലഹരി വിരുദ്ധ ദിനത്തോടനുബന്ധിച്ചു എസ് പി സി യുടെ നേതൃത്വത്തിൽ ലഹരി വിരുദ്ധ ബോധവത്കരണ റാലി നടത്തി. കുട്ടികൾ എഴുതി തയാറാക്കിയ ലഖുലേഖകൾ സമീപത്തെ കടകളിൽ വിതരണം ചെയ്തു. സീനിയർ കേഡറ്റ് കുമാരി അനഘ ലഹരിവിരുദ്ധ ബോധവൽക്കരണ പ്രഭാഷണം നടത്തി.