ഗവൺമന്റ് വി. എച്ച്. എസ്. എസ്. ആലംകോട്/ദിനാചരണങ്ങൾ
ലോക പരിസ്ഥിതിദിനം .
ലോക പരിസ്ഥിതിദിനം വളരെ വിപുലമായി ആചരിച്ചു . നാളയുടെ നന്മകൾ പൂക്കുന്ന നാട്ടിടവഴികളിൽ മനുഷ്യത്വം പച്ചപ്പായി പുലരണമെങ്കിൽ പ്രകൃതിവിഭവങ്ങൾ വളരെ കരുതലോടെ നോക്കണമെന്നും , കാലാതീതമായി നിലനിൽക്കുന്ന വൃക്ഷലതാതികളെ വെട്ടിനശിപ്പിങ്ങുന്നതിലൂടെ നമ്മൾ കാലത്തോടും പ്രകൃതിയോടും ചെയ്യുന്നത് തിരുത്താനാകാത്ത ക്രൂരതയാണെന്നും , ഇത്തരം പൊറുക്കാനാകാത്ത തെറ്റുകളിൽ നിന്നും സമൂഹത്തെ നന്മയുടെ പാതയിലേക്ക് നയിക്കാൻ ഉൾക്കരുത്തേകുന്ന തരത്തിൽ സാമൂഹിക സ്വീകാര്യതയോടെ ഒരു പ്രകൃതി സംരക്ഷണ സന്ദേശ റാലി നടത്തി
വായനാദിനാചരണം
വായന മനഃസംസ്കരണത്തിന്റെ ഉത്തമ മാർഗങ്ങളിൽ ഒന്നാണ് . ഇരുളടയുന്ന ഈ കെട്ട കാലത്തിൽ സമൂഹത്തിന്റെ അഴുക്കുചാലുകളിൽ വഴുതിവീണു പോകാതെ കാല്പനികതയുടെ മാസ്മരിക ചോദനയിലൂടെ മാനവികതയിലേക്ക് എത്തിച്ചേരുവാൻ ,നന്മയുള്ള ഒരു വായനാസംസ്കാരം വളർത്തിയെടുക്കാൻ വ്യത്യസ്തങ്ങളായ കാര്യ പരിപാടികൾ ആണ് ആലംകോട് ഹൈസ്കൂളിൽ ഈ വര്ഷം നടത്തപ്പെട്ടത്
