സെന്റ് ജോസഫ് സ് എച്ച്. എസ്സ്. എസ്സ്. കോടഞ്ചേരി/Say No To Drugs Campaign

SAY NO TO DRUGS

ലോക ലഹരി വിരുദ്ധ ദിനം

മയക്കുമരുന്ന് ഉപയോഗത്തിനും അനധികൃത വ്യപാരത്തിനും എതിരേ ജനങ്ങളിൽ അവബോധം സൃഷ്ടിക്കുന്നതിനുള്ള ഐക്യരാഷ്ട്ര സഭയുടെ സംരംഭമാണ് ലഹരിവിരുദ്ധ ദിനം . ഐക്യരാഷ്ട്ര സംഘടന 1987 മുതലാണ് ജൂൺ 26 ലോക ലഹരിവിരുദ്ധ ദിനമായി ആചരിച്ചു പോരുന്നത് .

"ബെറ്റർ നോളജ് ഫോർ ബെറ്റർ കെയർ"

അഥവ

"മികച്ച പരിചരണത്തിന് മികച്ച അറിവ്"

എന്നതാണ് ഇത്തവണ ഐക്യ രാഷ്ട്രസഭ മുന്നോട്ടുവയ്ക്കുന്ന പ്രമേയം. ആരോഗ്യമുള്ള സമൂഹത്തിനായി ലഹരിയുടെ പിടിയിൽ നിന്ന് യുവത്വത്തെ രക്ഷപ്പെടുത്താനും കുടുംബ ബന്ധങ്ങൾ തകരാതിരിക്കുവാനും ലഹരി ഒഴിവാക്കുക എന്ന ആഹ്വാനവുമായി ഈ വർഷം ലോക ലഹരി വിരുദ്ധ ദിനം ആചരിച്ചു.

2022-23 അധ്യയനവർഷത്തിൽ സ്കൂൾ ആരംഭത്തിൽ തന്നെ ലഹരി വിരുദ്ധ ക്ലബ് രൂപീകരിച്ചു,ജൂൺ 26 നു പ്രവർത്തനങ്ങൾക്കു ആരംഭം കുറിച്ചു.60 കുട്ടികൾ ക്ലബിൽ അംഗങ്ങൾ ആയി.ക്ലബിൻറെ നേതൃത്വത്തിൽ ലോക ലഹരി വിരുദ്ധ ദിനം സമുചിതമായ പരിപാടികളോടെ ആഘോഷിച്ചു.

പ്ലകാർഡുകൾ കൈകളിലേന്തി ലഹരി വിരുദ്ധ റാലി
ഫ്ലാഷ് മോബ് തുടങ്ങിയവ സംഘടിപ്പിച്ചു
ലഹരി വിരുദ്ധ പ്രതിജ്ഞ,സന്ദേശം നൽകി
ഉപന്യാസം , പോസ്റ്റർ , കൊളാഷ് , ചിത്ര രചന മുതലായ മൽസരങ്ങൾ നടത്തി
കുട്ടികളിൽ നിന്ന് ലഭിച്ച രചനകൾ ഉൾപ്പെടുത്തി കൊണ്ട് '' ജീവിത ലഹരി'' എന്ന പേരിൽ ഒരു മാഗസീൻ തയ്യാറാക്കി .

ലഹരി വിരുദ്ധ ബോധവൽക്കരണ ക്ലാസ്സുകൾ

വിദ്യാർഥികൾക്കിടയിലും സമൂഹത്തിലും പടർന്ന് പിടിച്ചുക്കൊണ്ടിരിക്കുന്ന ലഹരി വ്യാപനം തടയുക എന്ന ലക്ഷ്യത്തോടെ കുട്ടികൽക്കുള്ള ബോധവൽക്കരണ ക്ലാസ്സുകൾ S I ശ്രീ.അഭിലാഷ് , ക്ലബും കൂടുംബശ്രീയും ചേർന്ന് എസ് സി പി ഒ മാരായ റഫീക്കും ജെസ്സിയും നല്കി.കൂടാതെ കുട്ടികളുമായി സംവാദത്തിൽ ഏർപ്പെടുകയും അവർക്ക് ഇതുമായി ബന്ധപ്പെട്ട മാർഗനിർദേശങ്ങൾ നല്കുകയും ചെയ്തു . പ്രധാനമായും 18 വയസ്സിന് താഴെയുള്ള കുട്ടികൾ വാഹനം ഓടിക്കുന്നതിനെകുറിച്ചും മയക്കുമരുന്നുകൾ വ്യാപകമാകുന്നതിനെക്കുറിച്ചും അതിൻറെ പരിണിതഫലങ്ങളെക്കുറിച്ചും അവരുടെ ഔദ്യോഗിക ജീവിതത്തിൽ അനുഭവപ്പെട്ട കാര്യങ്ങളും ഉൾപ്പെടുത്തിയാണ് ക്ലാസ്സുകൾ എടുത്തത് .

ലഹരി വിമുക്ത കേരളം

ലഹരി വിരുദ്ധ പ്രവർത്തനങ്ങളുടെ ക്യാമ്പയിൻറെ സംസ്ഥാനതല ഉദ്ഘാടനം ഒക്ടോബർ 6 നു രാവിലെ 10 മണിക്ക് ബഹു.മുഖ്യമന്ത്രി ശ്രീ . പിണറായി വിജയൻ ഉദ്ഘാടനം നിർവഹിക്കുകയും തൽസമയം എല്ലാ കുട്ടികൾക്കും കാണുവാൻ സ്കൂളിൽ അവസരം നല്കുകയും ചെയ്തു . അതിനു ശേഷം എച്ച്‌ എം ശ്രീ. വിജോയ് സർ കുട്ടികൾക്ക് വേണ്ട നിർദേശങ്ങൾ നൽകുകയും ചെയ്തു .

ലഹരിക്കെതിരെ എന്റെ ഒരു കയ്യൊപ്പ്

ലഹരി വിരുദ്ധ ക്യാമ്പയിൻറെ ഭാഗമായി ലഹരിക്കെതിരെ ഒരു കയ്യൊപ്പ് എന്ന പരിപാടി വളരെ വിപുലമായി നടത്തി .ഗ്രാമ പഞ്ചായത്ത് പ്രസിഡൻറ് ശ്രീ. അലക്സ് തോമസ് ചെമ്പകശ്ശേരി ഉദ്ഘാടനം നിർവഹിച്ചു . സ്കൂൾ മാനേജർ ഫാദർ. കുര്യാക്കോസ് ഐക്കൊളമ്പിൽ മുഖ്യ പ്രഭാഷണം നടത്തി . സ്കൂളിലെ മുഴുവൻ അധ്യാപകരും അനധ്യാപകരും വിദ്യാർഥികളും പ്രസ്തുത പരിപാടിയിൽ പങ്കെടുത്ത് ഒപ്പുവെയ്ക്കുകയും ലഹരിവിരുദ്ധ പ്രതിജ്ഞ ചൊല്ലുകയും ചെയ്തു . ഇത് കുട്ടികൾക്ക് തികച്ചും വ്യത്യസ്തമായ അനുഭവമായിരുന്നു.