വാൾപ്പേപ്പർ തെന്നൽ വിണ്ടും
ഇന്ത്യൻകൊടിയിൽ നിന്ന് പാകിസ്ഥാൻ
കൊടിയിലേക്ക്
തട്ടമിട്ട കുട്ടി ഉപ്പൂപ്പ മസ്ജിദിൽ
പോകുന്നതിന് മുമ്പ്
ബാല്യകാലസഖി നോക്കി പൊട്ടിക്കരച്ചിൽ
ഞാനപ്പോളേ പറഞ്ഞില്ലേ
"പെണ്ണിന് പഠിപ്പും പാഠോം
എണങ്ങൂല്ലാന്ന് "
ബന്ധിതഭസ്മം തൊട്ട കുട്ടി
എക്സും വൈയും സമർത്ഥമായി
ശരിയാക്കുമ്പോൾ കാശിക്കു പോകാനുള്ള
ഡ്രസ്കോഡ് നോക്കി
കാവിബ്ലൗസ് തയ്പ്പിക്കാൻ
പോകുന്ന അമ്മൂമ്മ
"പെണ്ണ് പഠിക്കാൻ പോണതേ,
പ്രേമലേഖനമെഴുതാനാന്നേ"
ഇന്നലെ കുട്ടി അതിരുകടക്കാൻ
തയ്യാറായി തലയിൽ തട്ടവും
നെറുകിൽ ചന്ദനവും ചുണ്ടിൽ
ചങ്ങലയുമായി നടക്കുമ്പോൾ
മുഖത്ത് 'അ'പരിചിതൻ ആസിഡ്
തഴുകി , ഇതെല്ലാം സി.സി.ടി.വി
കണ്ണുകൊണ്ട് കണ്ട കണ്ണുമൂടിയ
ദേവത പറഞ്ഞു: പിടയെ
കൂട്ടിലിട്ടില്ലെങ്കിൽ പിട
കോഴിയാവും പ്രതി
പിടയാവും പ്രതി പിടക്കോഴി
തന്നെ ....