"എസ് സി യു ഗവ എച്ച് എസ് എസ്, പട്ടണക്കാട്/അക്ഷരവൃക്ഷം/പേരറിയാത്ത കിളി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പിന്നെ ഏറ്റവും പേടിക്കേണ്ടത് വികൃതിക്കുട്ടൻമാരെയാണ്. അറിഞ്ഞു കഴിഞ്ഞാൽ മുട്ടയോടെ  എടുത്തോണ്ട് പോവുന്ന കൂട്ടരാണ് . മണ്ണിൽ മുട്ടയിടുന്ന പക്ഷിയെ അന്ന് ആദ്യമായി കണ്ടു. എന്തായാലും ഇക്കാര്യം ആരോടും പറയണ്ട എന്ന് പറഞ്ഞു ഞങ്ങൾ പോന്നു. <P>പിറ്റേന്ന് അടുത്തുള്ള വീട്ടിലെ രണ്ടു ചേച്ചിമാർ -വിദ്യയും വീണയും -ഒരു കൗതുകത്തിന് അവിടെപ്പോയി നോക്കി. അവിടെ ആ അമ്മക്കിളി മാത്രമല്ല അച്ഛൻ കിളിയും ഉണ്ടായിരുന്നു. ശല്യപ്പെടുത്തേണ്ടെന്നു കരുതി അവർ തിരികെപ്പോയി. കിളികൾ രണ്ടും കൂട്ടിൽ ഇല്ലാതിരുന്ന സമയത്ത് അവർ പോയി ആ മുട്ടകളുടെ ഫോട്ടോ എടുത്തു. രണ്ടുദിവസത്തിനുള്ളിൽ അടുത്തുള്ള വീട്ടിലെ മുതിർന്നവർ എല്ലാം കാര്യം അറിഞ്ഞു. ആ വികൃതി ചെക്കന്മാർ അറിഞ്ഞാൽ അതിന്റെ കഥ കഴിയും. അതുകൊണ്ട് ആരും ഇക്കാര്യം പരസ്പരം ചർച്ച ചെയ്യുകയോ എന്തെങ്കിലും സൂചന നൽകുകയോ ചെയ്യരുതെന്ന് മുതിർന്നവർ ഉത്തരവിറക്കി. പിന്നീട് ഒരു ദിവസം അപ്പുറത്തെ വീട്ടിലെ ഷീലാന്റി പറയുന്ന കേട്ടു രാത്രി വലിയ ശബ്ദത്തിൽ നിലവിളിക്കുന്നത് ആ കിളിയാണെന്ന്. ഉറക്കം വരാതെ രാത്രി കണ്ണുതുറന്നു കിടന്നപ്പോൾ ഒരിക്കൽ ഞാനും കേട്ടിട്ടുണ്ട് ആ നിലവിളി. എന്തൊരു ശബ്ദമാ!</P>

              ഏതായാലും പേരറിയാത്ത ആ കിളിയുടെ കുഞ്ഞുങ്ങൾ വിരിയുന്നതും കാത്തിരിക്കുകയാണ് ഞങ്ങളിപ്പോൾ.. വികൃതിക്കുട്ടൻമാർ കാണാതെ ഇടയ്ക്കിടെ അവിടെപ്പോയി നോക്കാറുണ്ട്. ഞങ്ങളെ കാണുമ്പോൾ അവ രണ്ടും പറന്നു പോവും. അവർ ചിറകു വിരിക്കുമ്പോൾ ചിറകിന്റെ താഴത്തെ അരികിൽ ഒരറ്റം മുതൽ മറ്റേ അറ്റം വരെ കാണുന്ന വെള്ള വരയാണ് അതിന്റെ ഭംഗി. എന്തു രസാന്നോ ആ കാഴ്ച്ച കാണാൻ........</p>