"സെന്റ്.ഫ്രാൻസീസ് യു.പി.എസ് വൈലത്തൂർ/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിദ്യാഭ്യാസ രംഗത്ത് മുന്നോട്ടു നിൽക്കുന്ന കേരളത്തിലെ ഒരു കൊച്ചുഗ്രാമമാണ് തൃശൂർ ജില്ലയിലെ വടക്കേക്കാട് പഞ്ചായത്തിൽപെട്ട വൈലത്തൂർ . കിഴക്ക് വാണിജ്യകേന്ദ്രമായ കുന്നംകുളവും പടിഞ്ഞാറു കാർഷിക സംസ്കാരത്തിന്റെ പ്രതീകമായ കുട്ടാടൻ പാടശേഖരവും തെക്ക് ഭൂലോക വൈകുണ്ഠമെന്നുവിശേഷിപ്പിക്കാവുന്ന തീർത്ഥാടനകേന്ദ്രം  ഗുരുവായൂരമ്പലവും വടക്ക് മിനിഗൾഫായി മാറിയ വടക്കേക്കാടുമാണ്  വൈലത്തൂരിന്റെ  പ്രധാന അതിർത്തികൾ. വയലുകളുടെ ഊര് എന്നത് ലോപിച്ചാണ്  ' വൈലത്തൂർ ' ഉണ്ടായത്. കുറച്ചു കൂടിവസ്തുനിഷ്ഠമായി പറഞ്ഞാൽ പുന്നയൂർക്കുളം തിരുവളയന്നൂരും കൊച്ചന്നൂരും ചമ്മണ്ണൂരും ആറ്റുപുറവും കൗക്കാനപ്പെട്ടിയും അവിയൂരും കാവീടും കോട്ടപ്പടിയും അഞ്ഞൂരും അകലാടും അടങ്ങിയ പരിസര പ്രദേശത്തെ എല്ലാ ഗ്രാമങ്ങളും ഉൾപ്പെട്ടിരുന്ന ഒരു കൊച്ചുനാടിന്റെ സാംസ്കാരിക ചരിത്രമാണ് വൈലത്തൂരുന് പറയാനുള്ളത്.

വൈലത്തൂരിന്റെ ഹൃദയമാണ്  നായരങ്ങാടി എന്ന് പറയാം. കേരള സംസ്ഥാനരൂപീകരണത്തിനു മുൻപ് മലബാർ പ്രവിശ്യയിലായിരുന്നു ഈ പ്രദേശം. നിയമസഭാ മണ്ഡലം ഗുരുവായൂരും പാർലമെന്റ് മണ്ഡലം തൃശ്ശൂരും ആണ്.

നന്മയുടെ കഥയുറങ്ങുന്ന കടലായി മന സ്ഥിതി ചെയ്യുന്നത് വൈലത്തൂരിലാണ്. പ്രദേശത്തിന്റെ അഭിമാനവും അഭ്ഭൂതാവുമായ കടലായിൽ മനയ്‌ക് നാല് തലമുറയുടെയെകിലും പഴക്കം കണക്കാക്കാം . നവോത്ഥാനപ്രവർത്തനങ്ങളുടെ ഈറ്റില്ലമാണ് കടലായി മന. 1936-ൽ കെ. ദാമോദരൻ മലയാളത്തിലെ ആദ്യ രാഷ്ട്രീയ നാടകമായ 'പാട്ടബാക്കി ' ഇവിടെ വെച്ചാണ് രചിച്ചത്.  ആദ്യകാലങ്ങളിൽ കടലായി മനയിലെ തമ്പുരാനായിരുന്നു വൈലത്തൂർ പഞ്ചായത്ത് പ്രസിഡന്റ് .  ഞമ്മനേങ്ങാട്   തിയേറ്റർ  വില്ലേജ്  എന്ന പേരിലുള്ള നാടകകളരി എടുത്തുപറയേണ്ട ഒന്നാണ്.

 

*   വൈലത്തൂരിലെ ആദ്യകാല ഡോക്ടർ കണ്ടമ്പുള്ളി  ശ്രീനിവാസൻ. ഇവരുടെ തറവാട്ടുവീട്ടിൽ വെച്ചാണ് വർഷങ്ങൾക്കുമുൻപ്  'ഉപ്പ് 'സിനിമ പിടിച്ചത്.