"സെന്റ്.ജോസഫ്.എച്ച്.എസ്.വരാപ്പുഴ/സൗകര്യങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആരോഗ്യപരവും വിദ്യാഭ്യാസപരവുമായി മുന്നോക്കം നിൽക്കുന്ന ഒരു തലമുറയെ വാർത്തെടുക്കുക എന്ന ലക്ഷ്യത്തോടെ നടപ്പിലാക്കിവരുന്ന ഒരു പദ്ധതിയാണ് ഉച്ചഭക്ഷണപരിപാടി.ഉച്ചഭക്ഷണപരിപാടിയിലെ ഗുണഭോക്താക്കളായ വിദ്യാർത്ഥികൾക്ക് പ്രാദേശികമായ സാഹചര്യങ്ങൾ കൂടി കണക്കിലെടുത്ത് പോഷകസമൃദ്ധവും ഗുണമേൻമയുള്ളതുമായ ഭക്ഷണം നൽകുന്നു. ഓണം ,ക്രിസ്തുമസ് എന്നീ വിശേഷാവസരങ്ങളിൽ കുട്ടികൾക്കു വിഭവസമൃദ്ധമായ സദ്യയും നൽകാറുണ്ട്. ഭക്ഷണം പാകം ചെയ്യുന്നതിനായി വൃത്തിയുള്ള പാചകപ്പുരയും അതോടനുബന്ധിച്ച് ഒരു സ്റ്റോർ മുറിയുമുണ്ട്.കുട്ടികൾക്ക് ഭക്ഷണം വിളമ്പുന്നതിനും ഇരുന്നുകഴിക്കുന്നതിനുമായി വിശാലമായ ഒരു ഊട്ടുപുരയുടെ നിർമ്മാണ പ്രവർത്തനങ്ങൾ ദ്രുതഗതിയിൽ പുരോഗമിച്ചുകൊണ്ടിരിക്കുന്നു.

കുട്ടികളുടെ യാത്രാസൗകര്യം പരിഗണിച്ച് ഒരു സ്കൂൾ ബസ് വിദ്യാലയത്തിന് സ്വന്തമായുണ്ട്.

വരാപ്പുഴയുടെ സമീപ്രദേശങ്ങളിലെ  ധാരാളം കുട്ടികൾ സൈക്കിളിലാണ് സ്കൂളിൽ വരുന്നത്.ഇവരുടെ സൈക്കിളും സ്കൂൾ ബസും സൗകര്യപ്രദമായി പാർക്ക് ചെയ്യുന്നതിന് വിശാലമായ ഒരു സൈക്കിൾ ഷെഡ് സ്കൂളിലുണ്ട്.

ആൺകുട്ടികൾക്കും പെൺകുട്ടികൾക്കുമായി വൃത്തിയുള്ള ടോയ്‌ലറ്റുകൾ സ്കൂളിൽ സജ്ജമാക്കിയിട്ടുണ്ട്.ഇവ എല്ലാ ദിവസവും വൃത്തിയായി സൂക്ഷിക്കുന്നതിനും വേണ്ട ശ്രദ്ധ ചെലുത്തുന്നു.