കുമരകം ഗവ എസ്എൽബി എൽപിഎസ്/ചരിത്രം

തൊട്ടുകൂടായ്മയും, തീണ്ടിക്കൂടായ്മയും നിലനിന്നിരുന്ന ഒരു സാമൂഹ്യ കാലഘട്ടമായിരുന്നു അന്ന്. അന്നത്തെ സാമൂഹ്യ വ്യവസ്ഥിതിയിൽ പെൺകുട്ടികൾക്ക് വിദ്യാഭ്യാസം നിഷിദ്ധമായിരുന്നു. ഈ സാഹചര്യത്തിൽ പെൺകുട്ടികളുടെ വിദ്യാഭ്യാസം പ്രോത്സാഹിപ്പിക്കുന്നതിന് വേണ്ടി അവർക്ക് മാത്രമായി ആരംഭിച്ച ആദ്യത്തെ സ്കൂളാണിത്. അതുകൊണ്ട് തന്നെ ഗ്രാമീണ ജനങ്ങൾക്കിടയിൽ "പെൺപള്ളിക്കൂടം" എന്ന പേര് തന്നെ ഈ വിദ്യാലയത്തിനുണ്ട് അന്ന് തൊട്ടിന്നുവരെ ജീവിതത്തിൻറെ നാനാ മേഖലകളിൽ പ്രശസ്തിയാർജ്ജിച്ച പല വ്യക്തികൾക്കും പ്രാഥമീക വിദ്യാഭ്യാസം നൽകിയ ഒരു സരസ്വതീ ക്ഷേത്രമാണിത്.