ഗവൺമെന്റ് എച്ച്.എസ്. കാച്ചാണി/അക്ഷരവൃക്ഷം/ഇന്നീ വഴി വരെ

ഇന്നീ വഴി വരെ ഇന്നീയുഗം വരെ എന്തിനോവേണ്ടി നാം തേടിയതൊക്കെയും വ്യർത്ഥമായി പായുന്നു നമ്മൾ അലയുന്നു നമ്മൾ...... എന്തിന് വേണ്ടിയാണെന്നറിഞ്ഞു.... ഇന്നതിൻ പൊരുൾ നാമറിഞ്ഞു   കരയും കടലും ഭൂമിയൊട്ടാകെ നാം വെട്ടിപ്പിടിക്കുന്നു - തീർന്നീല്ല, ത്വര അശേഷം- അടങ്ങിയിട്ടില്ല ഒട്ടും അത്യാഗ്രഹവും അത്യാർത്തി പൂണ്ടു നാം അന്യഗ്രഹവും കൈകുമ്പിളിൽ ആക്കുവാൻ വെമ്പൽ പൂണ്ടു കെട്ടിപ്പടുത്തു നാം നിർമ്മാണശാലകൾ കൂട്ടിക്കുഴച്ചു നാം .... ഭയാനകമാം കണ്ടെത്തലുകൾ എല്ലാം തച്ചുടച്ച് മുന്നേറുവാനുള്ള ഈ വ്യഗ്രതയിൽ..... ചിന്താശക്തി നശിച്ചിരുന്നു       നേടണം ഞാൻ മാത്രമുള്ളൊരു ലോകം എന്ന ഹുങ്കാരത്തോടെ പഠിച്ചവയൊക്കെയും കാറ്റിൽ പറത്തുന്നു, പഠിപ്പിച്ച മാഷെയും, പെറ്റമ്മയേയും ഞാനാണധിപൻ- ഞാനാണധിപൻ  ഈ ലോകത്തിനൊക്കെയും എന്നോതാൻ വെമ്പൽ പൂണ്ടു ആർത്തട്ടഹസിച്ചിടുന്നു ഒരു നാളാ നിർമ്മാണശാലയിൽ നിന്നതാ...... ഭരണത്തിൻ വിത്ത് പുറത്ത് ചാടി  നാം തീർത്ത മകുടങ്ങൾ നമ്മുടെ മേലതാ......... ഭരണത്തിൻ ശീല വിരിച്ചിടുന്നു കോവിടിന്നാഴിയിൽ മുങ്ങി- നിവരുവാനാകാതെ മാനവൻ വ്യർത്ഥമായി നിന്നിതാ , തേങ്ങിടുന്നു അഹങ്കാരമൊട്ടും...... കുറഞ്ഞിടാതെ. നിവ്യദത്ത് എസ്സ് 9ബി ഗവണ്മെന്റ് ഹൈസ്കൂൾ,കാച്ചാണി തിരുവനന്തപുരം നോർത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sai K shanmugam തീയ്യതി: 16/ 04/ 2020 >> രചനാവിഭാഗം - കവിത