സെന്റ് ബെഹനാൻസ് ഹയർസെക്കണ്ടറി സ്കൂൾ വെണ്ണിക്കുളം

Schoolwiki സംരംഭത്തിൽ നിന്ന്
സെന്റ് ബെഹനാൻസ് ഹയർസെക്കണ്ടറി സ്കൂൾ വെണ്ണിക്കുളം
SBHSS School pic.jpg
വിലാസം
വെണ്ണിക്കുളം

വെണ്ണിക്കുളം പി.ഒ,
പത്തനംതിട്ട
,
689544
സ്ഥാപിതം01 - 06 - 1916
വിവരങ്ങൾ
ഫോൺ04692650555
ഇമെയിൽstbehanansvennikulam@yahoo.co.in
കോഡുകൾ
സ്കൂൾ കോഡ്37053 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ലപത്തനംതിട്ട
വിദ്യാഭ്യാസ ജില്ല തിരുവല്ല
സ്കൂൾ ഭരണ വിഭാഗം
സ്കൂൾ വിഭാഗംപൊതു വിദ്യാലയം
പഠന വിഭാഗങ്ങൾ
ഹൈസ്കൂൾ
മാദ്ധ്യമംമലയാളം‌,ഇംഗ്ളീഷ്
സ്കൂൾ നേതൃത്വം
പ്രിൻസിപ്പൽഉഷാ മാത്യു
പ്രധാന അദ്ധ്യാപകൻസൂസൻ ഐസക്ക്
അവസാനം തിരുത്തിയത്
02-12-202037053
ക്ലബ്ബുകൾ
പ്രോജക്ടുകൾ
തിരികെ വിദ്യാലയത്തിലേക്ക്
എന്റെ ഗ്രാമം
നാടോടി വിജ്ഞാനകോശം
സ്കൂൾ പത്രം
അക്ഷരവൃക്ഷം
ഓർമ്മക്കുറിപ്പുകൾ
എന്റെ വിദ്യാലയം
Say No To Drugs Campaign
ഹൈടെക് വിദ്യാലയം
കുഞ്ഞെഴുത്തുകൾ



പത്തനംതിട്ട ജില്ലയിൽ വെണ്ണിക്കുളത്തിന്റെ വെന്നിക്കൊടിയായി ....നാടിന്റെ നാദമായി...വിരാജിക്കുന്ന ഒരു എയ്ഡഡ് വിദ്യാലയമാണ് സെൻറ് ബഹനാൻസ് ഹയർ സെക്കന്ററി സ്ക്കൂൾ ‍.

ചരിത്രം

അൽപം ചരിത്രം ഒരു ഗ്രാമത്തിനു ഐശ്വര്യവും, സംസ്കാരിക വളർചയും പ്രദാനം ചെയുന്നതിൽ പ്രധാന പങ്കു വഹിക്കുന്നത് ആ ഗ്രാമത്തിലെ വിദ്യാലയമാണ്. വിദ്യാസംമ്പന്നരായ ജനത നാടിൻെറ ഐശ്വര്യമാണ്. വെണ്ണിക്കുളത്തിൻെറ തിലകക്കുറിയായി ദീപമായി പരിലസിക്കുന്ന സെന്റ് ബഹനാൻസ് വിദ്യാലയ മുത്തശ്ശി നൂറിൻെറ പടവുകൾ പിന്നിട്ട് ജൈത്ര യാത്ര തുടരുന്നു. ഇ. എം. എസ്. വാലാങ്കര ( ഇംഗ്ലീഷ് മിഡിൽ സ്ക്കൂൾ ) ഹൈസ്ക്കൂൾ വാലാങ്കര ആയതും ഇപ്പോൾ എം. ഡി. ആൻഡ് കാതെലിക്കേറ്റ് കോ‍ർപറേറ്റിൽ പെട്ടിരിക്കുന്നതുമായ പരിണാമങ്ങളൊക്കെ അറിയുവാൻ ഇന്നത്തെ തലമുറയ്ക്കു താൽപര്യമായിരിക്കുമല്ലൊ. ഈ വിദ്യാലയത്തിന്റെ ചരിത്രം സമ്പൂർണ്ണമായിട്ടെങ്കിലും രേഖപ്പെടുത്തുവാൻ സഹായിചിട്ടുള്ളത് മുൻ പ്രഥമാദ്ധ്യാപകർ, മുൻ മാനേജർമാർ, എന്നിവരും സ്ക്കൂൾ രേഖകൾ വെണ്ണിക്കുളം സബ് രജിസ്റ്ററാഫീസ്ലുിൽ രജിസ്റ്റർ ചെയ്തിട്ടുള്ള ചില പ്രമാണങ്ങൾ എന്നിവയുമാണ്. വെണ്ണിക്കുളം നിവാസികളും വിശിഷ്യാ വെണ്ണിക്കുളം ദേഷാഭിവൃദ്ധിനിസംഘവും, വെണ്ണിക്കുളം സെന്റ് ബഹനാൻസ് പള്ളി ഇടവകക്കാരും ഇവിടെ ഒരു ഇംഗ്ലീഷ് സ്ക്കൂൾ തുടങ്ങുന്നതിനുള്ള പ്രാരംഭനടപടികൾ ആയിരത്തിതൊള്ളായിരത്തിപതിനാലാമാണ്ടോടുകൂടി ആരംഭിച്ചു. ആന്നു തിരുവിതാംകൂർ ചിഫ് ഇൻസ്പെക്ർ ഒാഫ് സ്ക്കൂൾസായിരുന്ന ഒ. എം. ചെറിയാന്റെ അദ്ധ്യക്ഷതയിലാണ് ആദ്യയോഗം ചേർന്നതും ഒരു കമ്മറ്റി രൂപീകരിച്ചതും. ഉദാരമതിയായ കൂടത്തുംമുറിയിൽ ഈപ്പൻ ഗീവറുഗീസാണത്രെ സ്ക്കൂൾ തുടങ്ങുന്നതിനു വെദിയൊരുക്കിയത്.

*  തുടർന്നു വായിക്കുക ......

സ്പതതി

നവതി

ശതാബ്ദി

ഭൗതികസൗകര്യങ്ങൾ

വെണ്ണിക്കുളത്തിന്റെ തിലകക്കുറിയായി വിരാജിക്കുന്ന സെന്റ് ബഹനാൻസ് ഹയർ സെക്കന്ററി സ്‌കൂൾ സമസ്തമേഖലയിലും പുരോഗതി കൈവരിച്ചുകൊണ്ടിരിക്കുന്നു വെന്നത് അഭിമാനാർഹമാണ്. 1916 ൽ സ്ഥാപിതമായ വിദ്യാലയം 2020 ആയപ്പോഴേക്കും കുട്ടികളുടെ എണ്ണത്തിലും ഭൗതീകസാഹചര്യങ്ങളുടെ കാര്യത്തിലും മികച്ച നിലവാരം പുലർത്തിവരുന്നു. യു.പി., ഹൈസ്‌കൂൾ വിഭാഗങ്ങളിലായി ആയിരത്തി ഇരുന്നൂറിലധികം വിദ്യാർത്ഥികൾ അധ്യയനം നടത്തുന്നു. ഉന്നതനിലവാരത്തിലുള്ള ഇരുപത്തിനാല് ക്ലാസ്സ് മുറികൾ, ആഫീസ് കെട്ടിടം, ജില്ലയിലെ തന്നെ മികച്ച ലാബ്, ലൈബ്രറി, സ്മാർട്ട് റൂം, കമ്പൂട്ടർ ലാബ്, പ്രെയർ ഹാൾ, വിശ്രമമുറി, വിശാലമായ രണ്ടു കളിസ്ഥലങ്ങൾ, സ്റ്റേഡിയം, ഉച്ചഭക്ഷണശാല, അടുക്കള, സ്‌കൂൾ ആഡിറ്റോറിയം ഓപ്പൺ ആഡിറ്റോറിയം, ആൺകുട്ടികൾക്കും, പെൺകുട്ടികൾക്കുമുള്ള ടോയ്‌ലെറ്റുകൾ, ശലഭോദ്യാനം, ജൈവപച്ചക്കറിത്തോട്ടം, മഴവെള്ള സംഭരണി, കുടിവെള്ള പദ്ധതി എന്നിവയുണ്ട്. ഹയർ സെക്കന്ററി വിഭാഗത്തിൽ സയൻസ് കൊമേഴ്‌സ് വിഷയങ്ങളിൽ നാനൂറിലധികം വിദ്യാർത്ഥികൾ അധ്യയനം നടത്തിവരുന്നു. ആറ് ക്ലാസ്സ്മുറികൾ സയൻസ് വിഭാഗത്തിനായി ബോട്ടണി, സുവോളജി ലാബുകൾ, ഫിസിക്‌സ് ലാബ്, കൊമേഴ്‌സിനുള്ള കമ്പ്യൂട്ടർ ലാബ്, ലൈബ്രറി സെമിനാർ ഹാൾ, ബയോഗ്യാസ് പ്ലാന്റ്, മഴമറ, പച്ചക്കറി കൃഷി എന്നിവയും സ്വന്തമായുണ്ട്. വർഷങ്ങളായി വെണ്ണിക്കുളം ഉപജില്ലാ കലോത്സവത്തിന് സ്ഥിരം വേദിയാണ്. 2016 ലെ റവന്യൂ ജില്ലാ കലോൽസവത്തിനും ആതിഥ്യം വഹിച്ചു. പുറമറ്റം ഗ്രാമപഞ്ചായത്തിലെ കായിക മത്സരങ്ങൾക്ക് സ്റ്റേഡിയവും, പവയിനം സ്ഥിരം വേദിയാണ്. വെണ്ണിക്കുളം ഗ്രാമത്തിന് അരുമയായ ഈ വിദ്യാലയമുത്തശ്ശി ആയിരത്തി അറുന്നൂറിൽ പരം വിദ്യാർത്ഥികൾക്ക് അക്ഷരവെളിച്ചം പകർന്നുകൊണ്ട് ജൈത്രയാത്ര അനുസ്യൂതം തുടരുന്നു.

പാഠ്യേതര പ്രവർത്തനങ്ങൾ

മാനേജ്മെന്റ്

കോട്ടയം ദേവലോകം ആസ്ഥാനമായിട്ടുള്ള കാതോലിക്കേറ്റ് & എം. ഡി. സ്കൂൾ കോർപ്പറേറ്റ് മാനേജ്മെൻറാണ് വിദ്യാലയത്തിൻറ ഭരണം നടത്തുന്നത്. രക്ഷാധികാരിയായി പരിശുദ്ധ. ബസ്സേലിയോസ് മാർത്തോമ്മ പൗലോസ് ദ്വിദ്യൻ കാതോലീക്കബാവായും, മാനേജരായി His grace Yuhanon Mar Meletius മെത്രാപ്പോലിത്തായും പ്രവർത്തിക്കുന്നു. കേന്ദ്ര ഓഫീസ് ദേവലോകം കാതോലിക്കേറ്റ് അരമനയോടു ചേർന്നുള്ള കെട്ടിടത്തിൽ പ്രവർത്തിക്കുന്നു. നിലവിൽ 46 വിദ്യാലയങ്ങൾ ഈ മാനേജ്മെന്റിന്റെ കീഴിൽ പ്രവർത്തിക്കുന്നുണ്ട്. രണ്ടു ടി ടി ഐ, എട്ടു ഹയർ സെക്കൻറി സ്ക്കൂശ്‍, പതിനൊന്ന് ഹൈസ്കൂൾ, പന്ത്രണ്ട് യു.പി. സ്കൂൾ, മുപ്പത്തിയാറ് എൽ. പി. സ്കൂൾ, രണ്ട് അൺ എയിഡഡ്, ഏഴ് പബ്ളിക് സ്കൂൾ എന്നീ വിദ്യാലയങ്ങൾ ഈ മാനേജ്മെന്റിന്റെ കീഴിൽ പ്രവർത്തിക്കുന്നുണ്ട്. പ്രധാന അദ്ധ്യാപികയായി സേവനമനുഷ്ടിക്കുന്നു. ഹൈസ്കൂൾ വിഭാഗത്തിന്റെ ഹെഡ്മിസ്ട്രസ് ശ്രീമതി സൂസൻ ഐസ്ക്ക്, ഹയർ സെക്കണ്ടറി വിഭാഗത്തിന്റെ പ്രിൻസിപ്പൾ ഡോ. ജേക്ക്ബ് എബ്രഹാം

മറ്റ് വിവരങ്ങൾക്കായി ഉപതാളുകൾ ‍‍

ഹയർ സെക്കൻററിഅദ്ധ്യാപകർ- അദ്ധ്യാപകർ-എച്ച്.എസ് അദ്ധ്യാപകർ-യു.പി.എസ്സ് അനദ്ധ്യാപകർ‍

പ്രധാന പ്രവർത്തനങ്ങൾ

വെണ്ണിക്കുളം ഉപജില്ലാ തലത്തിൽ തുടർച്ചയായി 13ാം തവണയും കായികം, കലോത്സവം, പ്രവ്യത്തിപരിചയം ഐറ്റി വിഭാഗങ്ങളിൽ ഒന്നാം സ്ഥാനംനേടി. ജില്ലാ തലത്തിൽ കായികം, കലോത്സവം, പ്രവ്യത്തി പരിചയം ഇന്നീ വിഭാഗങ്ങളിൽ രണ്ടാം സ്ഥാനവും നേടി. സംസ്ഥാനതലത്തിൽ അറുപതോളം കുട്ടികൾ വിവിധ കുട്ടികൾ വിവിധ മത്സരങ്ങളിൽ പങ്കെടുത്ത് എ, ബി ഗ്രേഡുകൾ കരസ്ഥമാക്കി.

                            ഹയർ സെക്കൻഡറി വിഭാഗം മോണോ ആക്ട്, അറമനമുട്ട് എന്നിവയിൽ സംസ്ഥാന തലത്തിൽ നമ്മുടെ വിദ്യാർത്ഥികൾ രണ്ടാം സ്ഥാനം നേടിയെന്നത്  എടുത്ത്പറയേണ്ട നേട്ടമാണ്. റോഡു സുരക്ഷ, ലഹരി വസ്തു ഉപയോഗം, ആരോഗ്യ സംരക്ഷണം, പരീക്ഷമാർഗ നിർദേശം  തുടങ്ങിയ മേഖലകളിൽ ബോധവൽക്കരണ ക്ലാസുകളിൽ സംഖടിപ്പിച്ചു. വിവിധ വിഷയാടിസ്ഥാനത്തിലുള്ള സെമിനാറുകൾ സംവാദങ്ങൾ എന്നിവ നടത്തി. പത്ത്, പന്ത്രണ്ട് ക്ലാസ്സുകളിലെ വിദ്യാർത്ഥികളെ ഉൾപ്പെടുത്തി വിനോദയാത്ര, ഏഴ്, എട്ട്, ഒമ്പത് ക്ലാസിലെ വിദ്യാർത്ഥികളെ ഉൾപ്പെടുത്തി പഠനയാത്രകൾ എന്നിവ നടത്തി.

നേട്ടങ്ങൾ

1. സോഷ്യൽ സർവ്വീസ് ലീഗ്

       അർഹരായ കുട്ടികൾക്ക് യൂണിഫോം നോട്ടുബുക്കുകൾ എന്നിവ നൽകുക. അത്യാവശ്യ വൈദ്യസഹായം എത്തിക്കുക തുടങ്ങിയ പ്രവർത്തനങ്ങളിൽ ഏർപ്പെട്ടുവരുന്നു   .

2.നൂൺ ഫീഡിംഗ് പ്രോഗ്രാം കമ്മറ്റി

   സ്കൂളിലെ അർഹരായ വിദ്യാർത്ഥികൾക്കുവേണ്ടി സൗജന്യ ഉച്ച ഭക്ഷണ പരിപാടി കാര്യക്ഷമമായി നടത്തുന്നു.  

3. സ്കൂൾ കോ-ഓപ്പരേറ്റീവ് സൊസൈറ്റി

   കുട്ടികൾക്ക് ആവശ്യമായ പാഠപുസ്തകങ്ങൾ, നോട്ട് ബുക്കുകൾ മുതലായവ യഥാസമയം എത്തിച്ച് വിതരണം ചെയ്യുന്നു .

4. പ്രവൃത്തി പരിചയ സംഘടന

   വിദ്യാർത്ഥികളിൽ തൊഴിലിനോടുള്ള അഭിരുചി വളർത്തിയെടുക്കുന്നതിന് ഈ സംഘടന പരിശീലനം നൽകുന്നു. 

5. M G O C S M പ്രയർ ഗ്രൂപ്പ്

   പരിശുദ്ധ പരുമല തിരുമേനിയുടെ നാമത്തിലുള്ള പ്രയർ ഗ്രൂപ്പ് എല്ലാ വെള്ളിയാഴ്ചയും ഉച്ചയ്ക്ക് 12.30ന് അദ്ധ്യരകരെയും കുട്ടികളെയും പങ്കെടുപ്പിച്ച് പ്രാർത്ഥനയും ധ്യാനവും നടത്തിവരുന്നു. 

6. നല്ല പാഠം പദ്ധതി

   നല്ല പാഠം പദ്ധതിയുടെ ഭാഗമായി എല്ലാ വിദ്യാർത്ഥികളെയും പങ്കെടുപ്പിച്ചുകൊണ്ട് സാധന ശേഖരം നടത്തി അർഹരായ വിദ്യാർത്ഥികൾക്കു നൽകി. കൂട്ടുകാരിക്കൊരു വീട് പദ്ധതി വിജയകരമായി പൂർത്തിയാക്കി താക്കോൽദാനം നടത്തി. 

7. ക്യഷി

   ക്യഷി വകുപ്പിൽ നിന്നും ലഭിച്ച പച്ചക്കറിവിത്തുകളുപയോഗിച്ച് ക്യഷി ചെയ്ത സൂരജിന് കുട്ടി കർഷക അവാർഡ് ലഭിച്ചു.  

8. മൗണ്ടനയറിംഗ് പ്രോഗ്രാം

   എച്ച് എസ് എസ് വിഭാഗത്തിൽ നിന്നും 10 കുട്ടികൾ പങ്കെടുക്കുകയും സംസ്ഥാന തലത്തിൽ 8 കുട്ടികൾക്ക് സമ്മാനം  ലഭിക്കുകയും ചെയ്തു. 

9. കലാക്ഷേത്ര അവാർഡ്

   തിരുവല്ല വിദ്യാഭ്യാസ ജില്ലയിൽ  കലാക്ഷേത്ര അവാർഡ് ലഭിച്ച ഏക വിദ്യാലയമാണിത്. 

10. ദിനാചരണങ്ങൾ

   വിവിധ ദിനാചരണങ്ങൾ അതതിന്റെ പ്രാധാന്യമനുസരിച്ച് ആചരിക്കുന്നു. റാലി, വിവിധ മത്സരങ്ങൾ എന്നിവ സംഘടിപ്പിക്കുന്നു. പെരുന്നാളിനോടനുബന്ധിച്ച് തീർത്ഥയാത്ര നടത്തിവരുന്നു 

11. ഐ ഇ ഡി കുട്ടികൾ

   ഭിന്നശേഷിയുള്ള വിദ്യാർത്ഥികൾക്ക് പ്രത്യേക പരിശീലനം നൽകി വരുന്നു.  അനില ഏബ്രഹാം സേവനം നിർവ്വഹിക്കുന്നു. 

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ.

  • റവ.ഫാദർ കെ എ മാത്യു
  • റവ.ഫാദർ എൻ ജി കുര്യൻ
  • ശ്രീ.എം സി മാത്യു
  • ശ്രീ.എം.വി ഏബ്രഹാം
  • ശ്രീ.എൻ ജി നൈനാൻ
  • ശ്രീ.കെ.സി,ജോർജ്
  • ശ്രീ.കെ ജോർജ് തങ്കച്ചൻ.
  • ശ്രീ.കെ സി ചാക്കോ
  • ശ്രീ.സി.എ ബേബി
  • റവ.ഫാദർ കെ എസ് കോശി
  • ശ്രീ.പി ഐ കുര്യൻ
  • ശ്രീ.ജോർജ് ജോൺ
  • ശ്രീമതി..സി എം ഏലിയാമ്മ
  • ശ്രീമതി..കെ റ്റി ദീനാമ്മ
  • ശ്രീമതി. കെ കെ മറിയാമ്മ
  • ശ്രീ.മതി. ശാന്തമ്മ വറുഗീസ്(1998-2001)
  • ശ്രീ. വി എം തോമസ്(2001-2002)
  • ശ്രീ. ചെറിയാൻ മാത്യു(2002-2003)
  • .ശ്രീ.മതി മറിയാമ്മ ഉമ്മൻ. (2003-2005)
  • .ശ്രീ.കെ ഇ ബേബി(2005-2007)
  • ശ്രീ..ഓമന ദാനിയേൽ(2007-2008)
  • ശ്രീമതി വൽസ വറുഗീസ്(2008=2010)
  • ശ്രീ കെ പി സാംകുട്ടി
  • ശീമതി മറിയം റ്റി പണിക്കർി

പ്രശസ്തരായ പൂർവവിദ്യാർത്ഥികൾ

  • മഹാകവി വെണ്ണിക്കുളം ഗോപാലക്കുറുപ്പ്
  • സഭാകവി സി പി ചാണ്ടി
  • പ്രൊഫസർ.പി ജെ കുര്യൻ


വഴികാട്ടി