റ്റി.ഇ.എം.വി.എച്ച്.എസ്സ്.എസ്സ് മൈലോട്/എന്റെ ഗ്രാമം
മൈലോട്
കൊല്ലം ജില്ലയിലെ കൊട്ടാരക്കര താലൂക്കിലെപൂയപ്പള്ളി ഗ്രാമ പഞ്ചായത്തിലാണ് മൈലോട് സ്ഥിതി ചെയ്യുന്നത്. പൂയപ്പള്ളിയിൽ നിന്ന് 2.5കിലോ മീറ്ററും ഓയൂരിൽ നിന്ന് 4.6 കിലോമീറ്ററും അകലെ സ്ഥിതി ചെയ്യുന്ന ഒരു പ്രദേശമാണ് മൈലോട്. വയലേലകളും കുളങ്ങളും പാറക്കെട്ടുകളും ഉൾക്കൊള്ളുന്ന ഈ ഗ്രാമം പ്രകൃതി ഭംഗിയാൽ സമ്പൂർണമാണ്. എല്ലാ മതവിഭാഗങ്ങളും ഒത്തൊരുമയോടെ ജീവിക്കുന്ന ഒരു നാടാണിത്.
കേരളത്തിലെ സുപ്രധാനമായ ക്ഷേത്രപ്രവേശനം വിളംബരത്തിന്റെ സ്മരണയ്ക്കായി സ്ഥാപിതമായ ടെമ്പിൾ എൻട്രി മെമ്മോറിയൽ വൊക്കേഷണൽ ഹയർ സെക്കന്ററി സ്കൂൾ(T.E.M.V.H.S.S ) ഇവിടെ സ്ഥിതി ചെയ്യുന്നതിനാൽ ഈ സ്കൂളിന്റെ പേരിലും മൈലോട് പ്രസിദ്ധമാണ്. കഥകളിയുടെ നാടെന്നു പേരുകേട്ട കൊട്ടാരക്കര ഇവിടെ നിന്നും വെറും 15 കി.മീ ദൂരം മാത്രമേ ഉള്ളു.
ഭൂമിശാസ്ത്രം
പാറക്കൂട്ടങ്ങൾ ഉൾപ്പെട്ട കുന്നിൻ പ്രദേശങ്ങളാലും വയലേലകളാലും തോടുകളാലും കുളങ്ങളാലും അനുഗ്രഹീതയായ ഈ നാട് സുഖകരായി ജീവിക്കാനാവശ്യമായ ഭൗതിക സാഹചര്യങ്ങൾ ഇവിടുത്തെ ജനങ്ങൾക്ക് ഒരുക്കിക്കൊടുക്കുന്നു. കൊല്ലം നഗരത്തെയും അഞ്ചൽ നഗരത്തെയും ബന്ധിപ്പിക്കുന്ന പാതയോരത്താണ് മൈലോട് ഗ്രാമം സ്ഥിതി ചെയ്യുന്നത്. ഈ പാതയിലെ കുത്തനെയുള്ള ഇറക്കവും കയറ്റവും വളവുകളും ചിലപ്പോഴെങ്കിലും ഹൈറേഞ്ചു് പ്രദേശത്തെ ഓർമിപ്പിക്കും.
പ്രധാന പൊതു സ്ഥാപനങ്ങൾ
- പബ്ലിക് ലൈബ്രറി
- പോസ്റ്റ്‌ ഓഫീസ്
- മിൽമ സൊസൈറ്റി
- അക്ഷയ സെന്റർ
ശ്രദ്ധേയരായ വ്യക്തികൾ
- മൈലോട് ബാലകൃഷ്ണൻ
- പണ്ഡിറ്റ്‌ ഗോപാലൻ
- മൈലോട് നീലകണ്ഠൻ
ആരാധനാലയങ്ങൾ
നെല്ലിപ്പറമ്പ് ശ്രീകൃഷ്ണ സ്വാമി ക്ഷേത്രം(3 കി.മീ)
മൈലോട് ദുർഗാദേവി ക്ഷേത്രം(1 കി.മീ)
വെളിനല്ലൂർ ശ്രീരാമ സ്വാമി ക്ഷേത്രം (5 കി.മീ)
ചെങ്കൂർ ജുമാ മസ്ജിദ് (2.8 കി.മീ)
ചെറുവക്കൽ സെന്റ് ജോർജ് ഓർത്തഡോക്സ്‌ ചർച്ച് (3കി.മീ)
വിദ്യാഭ്യാസ സ്ഥാപനങ്ങൾ
- റ്റി.ഇ.എം.വി.എച്ച്.എസ്സ്.എസ്സ് മൈലോട്
കേരളത്തിലെ കൊല്ലം ജില്ലയിലെ വെളിയം ബ്ലോക്കിലാണ് ഇത് സ്ഥിതി ചെയ്യുന്നത്. സ്‌കൂളിൽ 1 മുതൽ 12 വരെയുള്ള ഗ്രേഡുകൾ ഉൾപ്പെടുന്നു. സ്കൂൾ കോ-എജ്യുക്കേഷണൽ ആണ്.
