നളന്ദ

പ്രമാണം:Nalanda.jpg

നാളന്ദയിലെ സരിപുത്രസ്തൂപം

പുരാതന ഇന്ത്യയിലെ ഒരു സര്‍വകലാശാലയായിരുന്നു നാളന്ദ. ലോകത്തെ ആദ്യ അന്താ‍രാഷ്ട്ര റെസിഡെന്‍ഷ്യല്‍ സര്‍വകലാശാലയായി കണക്കാക്കുന്നു. ബുദ്ധമത വൈജ്ഞാനികകേന്ദ്രമായിരുന്ന നാളന്ദ ബിഹാറിന്റെ തലസ്ഥാനമായ പറ്റ്നക്ക് 55 മൈല്‍ തെക്കുകിഴക്കായാണ്‌ സ്ഥിതി ചെയ്തിരുന്നത്. അഞ്ചാം നൂറ്റാണ്ടില്‍ ഗുപ്തസാമ്രാജ്യത്തിനു കീഴിലാണ് നാളന്ദ സര്‍വകലാശാല ജന്മമെടുക്കുന്നത്. ഗുപ്തസാമ്രാജ്യത്തിലെ നരസിംഹഗുപ്തന്‍ (നരസിംഹബാലാദിത്യന്‍) ആണ്‌ ഇത് പണികഴിപ്പിച്ചത്. ലോകമെമ്പാടുമുള്ള രണ്ടായിരത്തോളം അദ്ധ്യാപകരും പതിനായിരത്തോളം വിദ്യാര്‍ത്ഥികളും ഇവിടെ ഉണ്ടായിരുന്നു. ഇവിടെത്തന്നെ താമസിച്ചായിരുന്നു അവര്‍ പഠിച്ചിരുന്നത്. 427 മുതല്‍ 1197 വരെയുള്ള എണ്ണൂറു വര്‍ഷക്കാലത്തോളം നാളന്ദ പ്രവര്‍ത്തിച്ചു.

സമുച്ചയം, പ്രവര്‍ത്തനം

ഒരു കവാടമുള്ളതും ഉയര്‍ന്ന മതിലുകള്‍ കെട്ടി വേര്‍തിരിച്ചതുമായിരുന്നു സര്‍വകലാശാലയുടെ പറമ്പ്. ആയിരക്കണക്കിന് ഗ്രന്ഥങ്ങളുണ്ടായിരുന്ന ഗ്രന്ഥശാല ഒരു ഒമ്പതുനിലക്കെട്ടിടത്തിലായിരുന്നു നിലനിന്നിരുന്നത്. നൂറു പ്രഭാഷണശാലകളുണ്ടായിരുന്ന നാളന്ദയില്‍ ഏതാണ്ട് പതിനായിരം വിദ്യാര്‍ത്ഥികള്‍ ഒരേ സമയം പഠിച്ചിരുന്നു. പ്രന്ത്രണ്ടു വര്‍ഷത്തെ പാഠ്യപദ്ധതിയായിരുന്നു ഇവിടെയുണ്ടായിരുന്നത്. വിദ്യാഭ്യാസം സൗജന്യവുമായിരുന്നു. സര്‍വകലാശാലയുടെ പ്രവര്‍ത്തനത്തിന്‌ നൂറോളം ഗ്രാമങ്ങളില്‍ നിന്ന് ധനസഹായം ലഭിച്ചിരുന്നു..

ഷ്വാന്‍ ത്സാങിന്റെ സന്ദര്‍ശനം

ഏഴാം നൂറ്റാണ്ടില്‍ ഇന്ത്യ സന്ദര്‍ശിച്ച ചൈനീസ് സഞ്ചാരി ഷ്വാന്‍ ത് സാങ് നാളന്ദയിലെത്തുകയും ഇവിടെ അദ്ധ്യയനം നടത്തുകയും ചെയ്തിരുന്നു. അദ്ദേഹം നാളന്ദയെപ്പറ്റി ഇങ്ങനെ അഭിപ്രായപ്പെടുന്നു‌:- ഫലകം:ഉദ്ധരണി

അദ്ധ്യാപകര്‍

നാളന്ദയില്‍ ഒരുകാലത്ത് പ്രധാനാദ്ധ്യാപകനായിരുന്നു ശീലഭദ്രന്‍. പാണ്ഡിത്യം മൂലം തെക്കുകിഴക്കേ ഏഷ്യയില്‍ മുഴുവന്‍ അദ്ദേഹം പ്രശസ്തനായിരുന്നു. ശീലഭദ്രന്റെ പ്രശസ്തിയാണ്‌ ഷ്വാന്‍ ത് സാങിനെ നാളന്ദ സന്ദര്‍ശിക്കാന്‍ പ്രേരിപ്പിച്ച ഘടകം എന്ന് അഭിപ്രായമുണ്ട്. പ്രശസ്ത ബുദ്ധമതചിന്തകനും ആയുര്‍വേദാചാര്യനുമായ നാഗാര്‍ജ്ജുനനും നാളന്ദയിലെ അദ്ധ്യാപകനായിരുന്നു.

അധ:പതനം

1193-ല്‍ ബക്തിയാര്‍ ഖില്‍ജി നാളന്ദാസര്‍വകലാശാസമുച്ചയം ആക്രമിച്ചു കീഴടക്കുകയും തീവക്കുകയും ചെയ്തു. സര്‍വകലാശാല ഒരു നൂറുവര്‍ഷം കൂടി നിലനിന്നുവെങ്കിലും അധ:പതനത്തിലേക്ക് കൂപ്പുകുത്തി.

അവശിഷ്ടങ്ങള്‍

പ്രമാണം:Nalanda seal.jpg

നാളന്ദ സര്‍‌വകലാശാലയുടെ മുദ്ര

രാജ്‌ഗിറിന് പതിനഞ്ചു കിലോമീറ്റര്‍ ദൂരെയാണ് നാളന്ദയുടെ അവശിഷ്ടങ്ങള്‍ സ്ഥിതി ചെയ്യുന്നത്. 800 വര്‍ഷങ്ങളായി ഈ അവശിഷ്ടങ്ങള്‍ അങ്ങനെ കിടക്കുന്നു.

ഏകദേശം 1,50,000 ചതുരശ്രമീറ്റര്‍ വിസ്തീര്‍ണ്ണത്തില്‍ ഈ അവശിഷ്ടങ്ങള്‍ വ്യാപിച്ചു കിടക്കുന്നു. ഹുയാന്‍സാങിന്റെ വിവരണം അടിസ്ഥാനമാക്കി നോക്കിയാല്‍ നാളന്ദയുടെ 90 ശതമാനം ഭാഗവും ഇനിയും ചികഞ്ഞെടുത്തിട്ടില്ല.

നശിച്ച് ആയിരത്തോളം വര്‍ഷങ്ങള്‍ക്കു ശേഷം നാളന്ദ സര്‍വകലാശാല ഇന്ന് പുനര്‍നിര്‍മ്മിക്കാനൊരുങ്ങുന്നതായി വാര്‍ത്തയുണ്ട്.

ഇതും കാണുക

• തക്ഷശില സര്‍വകലാശാല