ജി എഫ് യു പി എസ് കീഴൂർ
| ജി എഫ് യു പി എസ് കീഴൂർ | |
|---|---|
| വിലാസം | |
ജി എഫ് യു പി സ്കുള്‍ കീഴൂര്‍ | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കാസറഗോഡ് |
| വിദ്യാഭ്യാസ ജില്ല | കാസറഗോഡ് |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 14-04-2019 | 11459 |
ചരിത്രം
1918 -ല്‍ ശ്രീ കുറുമ്പാ ഭഗവതി ക്ഷേത്രം വക സ്ഥലത്ത് (30 സെന്റില്‍) പ്രൈവറ്റ് വിദ്യാലയമായിട്ടായിരുന്നു തുടക്കം. 1/2ക്ലാസ്സില്‍ ആരംഭിച്ച വിദ്യാലയം പിന്നീട് ഫിഷറീസ് ഡിപ്പാര്‍ട്ട്മെന്റ് ഏറ്റെടുക്കുകയും സര്‍ക്കാര്‍ വിദ്യാലയമാക്കി മാറ്റുകയും ചെയ്തു. കീഴൂര്‍കടപ്പുറം എജ്യുക്കേഷന്‍ കമ്മിറ്റിയുടെ ശ്രമഫലമായി 2007-ല്‍ 8 സെന്റ് സ്ഥലം കൂടി വാങ്ങിക്കുവാനും എം. എല്‍. എ. സുനാമി പുനരധിവാസ പദ്ധതി പ്രകാരം 4 മുറികള്‍ ഉള്ള ഒരു കെട്ടിടം കൂടി നിര്‍മ്മിക്കുവാനും സാധിച്ചു. സാമുഹിക-രാഷ്ട്രീയ വൈജ്ഞാനിക മേഖലകളില്‍ വ്യക്തിമുദ്ര പതിപ്പിച്ച അനേകര്‍ക്ക് ആദ്യാക്ഷരം പകര്‍ന്നു നല്‍കാന്‍ ഈ വിദ്യാലയത്തിനു കഴിഞ്ഞിട്ടുണ്ട്
ഭൗതികസൗകര്യങ്ങള്‍
സ്കൂളിനു സ്വന്തമായി 38 സെന്റ് സ്ഥലമുണ്ട്. 6 കെട്ടിടങ്ങളിലായി 11ക്ലാസ്സ് മുറികള്‍, ഓഫീസ് മുറി, സ്റ്റാഫ് മുറി ,സ്കൂള്‍ ലൈബ്രറി, കംപ്യുട്ടര്‍ ലാബ് , ലാബോറട്ടറി, ഡൈനിംഗ് ഹാള്‍ എന്നിവയും മെച്ചപ്പെട്ട കഞ്ഞിപ്പുരയും വിറകു പുരയും 12 ശൗചാലയങ്ങളും ഉണ്ട്. 17 കമ്പ്യൂട്ടറുകള്‍, ഒരു പ്രൊജക്ടര്‍, 3 പ്രിന്ററുകള്‍, ഇന്റര്‍നെറ്റ് സൗകര്യം, മികച്ച ജലവിതരണസൗകര്യം, വൈദ്യുതീകരണം എന്നിവ നിലവിലുണ്ട്.
പാഠ്യേതര പ്രവര്‍ത്തനങ്ങള്‍
നല്ല പാഠം -കൃഷികള്‍---വാഴ , നെല്ല് , പച്ചക്കറി വിദ്യാരംഗം കലാസാഹിത്യവേദി പ്രവര്‍ത്തി പരിചയം കല-കായിക പ്രവര്‍ത്തനങ്ങള്‍ ശുചീകരണസ്ക്വാഡ്
പൊതുവിദ്യാഭ്യാസസംരക്ഷണയജ്ഞം
പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുന്നതിനുള്ള തീവ്രയജ്ഞപരിപാടിയുടെ ഭാഗമായി കേരളസര്‍ക്കാര്‍ നേതൃത്വം നല്‍കുന്ന പൊതുവിദ്യാഭ്യാസസംരക്ഷണയജ്ഞം മികവാര്‍ന്ന രീതിയില്‍ സംഘടിപ്പിച്ചു. എച്ച് എം കോണ്‍ഫറന്‍സ് വിശദാംശങ്ങള്‍ പ്രത്യേക എസ്ആര്‍ജി ചേര്‍ന്ന് അദ്ധ്യാപകര്‍ക്ക് നല്‍കി. സ്കൂള്‍ എസ് എം സി ചെയര്‍മാന്‍ ശ്രീ രാജേഷ് , പി ടി എ പ്രസിഡണ്ട് ശ്രീ ചന്ദ്രന്‍ എന്നിവര്‍ ചട്ടഞ്ചാല്‍ ഹയര്‍ സെക്കന്ററി സ്കൂളില്‍ ചേര്‍ന്ന പ്രത്യേക യോഗത്തില്‍ പങ്കെടുത്തു. തുടര്‍ന്ന് സ്കൂളില്‍ പോസ്റ്റര്‍ ,ബ്രോഷര്‍, ബാനര്‍ എന്നിവ ലഭ്യമാക്കി പൊതുജനങ്ങളിലേക്ക് പരിപാടിയുടെ സന്ദേശം എത്തിച്ചു. പൂര്‍വ്വവിദ്യാര്‍ത്ഥികള്‍, പി ടി എ , എം പി ടി എ , എസ് എം സി പ്രവര്‍ത്തക സമിതിയോഗം ചേര്‍ന്ന് പ്രവര്‍ത്തനങ്ങള്‍ ആസൂത്രണം ചെയ്തു. ഗൃഹസന്ദര്‍ശനം നടത്തി. 27/01/2017 നു രാവിലെ അസംബ്ളി ചേര്‍ന്നു. കുട്ടികള്‍, രക്ഷിതാക്കള്‍ , അദ്ധ്യാപകര്‍ , പൂര്‍വ്വവിദ്യാര്‍ത്ഥികള്‍ എന്നിവര്‍ക്ക് പൊതുവിദ്യാസസംരക്ഷണയജ്ഞ പരിപാടിയുടെ വിശദാംശങ്ങള്‍ എച്ച് എം ശ്രീ സേവ്യര്‍ ആന്റണി മാസ്റ്റര്‍ നല്‍കി. തുടര്‍ന്ന് രക്ഷിതാക്കളും പൂര്‍വ്വവിദ്യാര്‍ത്ഥികളും ജനപ്രതിനിധികളും നാട്ടുകാരും ചേര്‍ന്ന് സംരക്ഷണവലയം തീര്‍ത്തു. സ്കൂള്‍ ഹെഡ്മാസ്റ്റര്‍ പ്രതിജ്ഞ ചൊല്ലികൊടുത്തു. യോഗത്തില്‍ ഏകദേശം 70 ഓളം പേര്‍ പങ്കെടുത്തു.
മാനേജ്‌മെന്റ്
കാസര്‍ഗോഡ് ഉപജില്ലയിലെ മികച്ച വിദ്യാലയങ്ങളില്‍ ഒന്നാണ് കീഴൂര്‍ ഗവ.ഫിഷറീസ് യു .പി. സ്കൂള്‍. ചെമ്മനാട് ഗ്രാമപഞ്ചായത്തിന്റെ അധികാര പരിധിയില്‍ വരുന്ന സ്കൂളാണിത്. എസ് .എസ് .എ., ഗ്രാമപഞ്ചായത്ത് എന്നീ ഏജന്‍സികളില്‍ നിന്നും നിര്‍ലോഭമായ സഹായം ഈ സ്കൂളിനു ലഭിച്ചു വരുന്നുണ്ട്.
മുൻസാരഥികൾ
സ്കൂളിന്റെ മുൻ പ്രധാനാദ്ധ്യാപകർ :
സാമിക്കുട്ടി മാസ്റ്റർ, ഗോപാലൻ മാസ്റ്റർ, എ നാരായണൻ മാസ്റ്റർ, ദാമോദരൻ മാസ്റ്റർ, സണ്ണി മാസ്റ്റർ, മുഹമ്മദ്കുഞ്ഞി മാസ്റ്റർ, ഗോപാലൻ മാസ്റ്റർ,സേവ്യർ ആന്റണി മാസ്റ്റർ2017, കെ പി ലക്ഷ്‌മണൻ മാസ്റ്റർ(2017-18), എം.നാരായണൻ മാസ്റ്റർ (2018-19)
പ്രശസ്തരായ പൂർവ്വ വിദ്യാർത്ഥികൾ
എൻ .എ മുഹമ്മദ്(രാഷ്ട്രീയ പ്രവർത്തകൻ) ഡോ.രാമചന്ദ്രൻ(ശാസ്ത്രജ്ഞൻ ഐ .എസ്. ആർ. ഒ.) ഡോ.കെ. എസ് . റഫീഖ്(എം.ബി.ബി.എസ്.)
വഴികാട്ടി
കളനാട് റെയില്‍വെ സ്റ്റേഷനില്‍ നിന്നും 1/2 കി.മീ. പടിഞ്ഞാറ് കടലിനോട് അടുത്താണ് സ്കൂള്‍ സ്ഥിതിചെയ്യുന്നത്. കാസര്‍ഗോഡ് - ചെമ്പരിക്ക റൂട്ടില്‍ കീഴൂര്‍ ടൗണില്‍ നിന്ന് 100മീറ്റര്‍ പടിഞ്ഞാറ്