കൊറോണയാണത്രെ കൊറോണ
കൊടും ഭീകരനാണ് അവനൊരു കീടം
അഖിലാണ്ഡവും വിറപ്പിച്ചു കൊണ്ടവൻ
അതിവേഗം പടരുന്നു കാട്ടുതീയായി
വിദ്യയിൽ കേമനാം മാനവരൊക്കെയും
കൊറോണ മുന്നിൽ പകച്ചിടുമ്പോൾ
നിർഭയം വിലസിടുന്നു കൊറോണ
ഇനിയാര് ഇനിയാര് മുന്പന്തിയിലെന്നു
രാഷ്ട്രങ്ങളോരോന്നും ഭയന്നിടുന്നു
ഞാനില്ല ഞാനില്ലെന്നോ തിക്കൊണ്ടു
ഓടാൻ ശ്രമിക്കുന്നു ഭീരുക്കളായി
കേമത്തരം കാട്ടാൻ മുൻപന്തിയിൽ നിന്നവർ
കേണിടുന്നു അല്പം ശ്വാസത്തിനായി
കണ്ണിനും കാണാത്ത കാതിനും കേൾക്കാത്ത
കൊറോണ നീയിത്ര ഭീകരനോ
ആണവ ആയുധ കോപ്പുകൾ പോലും നിൻ
ആനന്ദ നൃത്തത്തിൽ കളിപ്പാവയോ
അഹന്തകളെല്ലാം വെടിയുക മനുഷ്യാ നീ
അഹങ്കരിക്കേണ്ടവൻ അവനല്ലയോ
നിസ്സാരനായ് കൃമിയെ കാണാതെ
നിന്റെ നിസ്സാരത ഓർക്കുക നീ