കെ.എ.എം.എൽ.പി.എസ്.കപ്പൂർ

കെ.എ.എം.എൽ.പി.എസ്.കപ്പൂർ
വിലാസം
കപ്പൂര്‍
വിദ്യാഭ്യാസ ഭരണസംവിധാനം
റവന്യൂ ജില്ല	പാലക്കാട്
വിദ്യാഭ്യാസ ജില്ല	ഒറ്റപ്പാലം
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
27-01-2017	20528

ചരിത്രം

                                                                     കെ.എ.എം.എ.എല്‍.പി.എസ്.കപ്പൂര്‍ 
         
              മാരാ‍‍‍‍‍യംകുന്ന്എന്ന സ്ഥലത്ത് സ്ഥിതി ചെയ്യുന്ന കാരൂത്ത് അഹമ്മദ്കുുട്ടി മെമ്മോറിയല്‍ എയ്ഡഡ് ലോവര്‍ പ്രൈമറി സ്കൂള്‍ 1913-ല്‍ ആണ് നിലിവില്‍ വന്നത്.എ.ജെ.ബി.എസ് എന്നാണ് ഇൗ സ്കൂള്‍ ആദ്യം അറിയപ്പെട്ടിരുന്നത്.ഇപ്പോള്‍ ഉള്ള വിദ്യാലയത്തിന്‍റെ പടിഞ്ഞാറുവശത്ത് കൊടക്കല്ലു വളപ്പില്‍ എന്ന സ്ഥലത്തായിരുന്നു ഈ സ്ഥാപനത്തിന്‍റെ തുടക്കം .കാരൂത്ത് അഹമ്മദ്കുട്ടിയുടെ ഭാര്യ ശ്രീമതി പാത്തുണ്ണി ഉമ്മയാണ് ആദ്യത്തെ മാനേജര്‍ 
             ടിപ്പുസുല്‍ത്താന്‍ പൊന്നാനിയിലേക്കുള്ള യാത്രക്കിടയില്‍ സ്ഥല നിര്‍ണ്ണയത്തിനായി കൊടക്കല്ലുകള്‍ സ്ഥാപിച്ചു. അങ്ങനെയാണ് ആ സ്ഥലം കൊടക്കല്ലുവളപ്പ് എന്ന പേരുവന്നത്.ടിപ്പു തന്റെ യാത്രക്കായി കൂറ്റനാട്ടുനിന്നും പൊന്നാനിയിലേക്ക് ഒറ്റ ദിവസം കൊണ്ട്  റോഡ് വെട്ടി.ഈ റോ‍ഡ് ടിപ്പുസുല്‍ത്താന്‍ റോഡ് എന്നും അറിയപ്പെടുന്നു.സ്കൂളിന് മുന്നിലൂടെയാണ് ഈ റോ‍ഡ്. എ.ജെ.ബി.എസ്  പിന്നീട് ചങ്ങരത്തങ്ങാടി എന്ന സ്ഥലത്തേക്ക് മാറ്റി സ്ഥാപിച്ചു.

              1957-ല്‍ വിദ്യാലയം ഇപ്പോള്‍ നിലകൊള്ളുന്ന മാരായംകുന്ന് എന്ന സ്ഥലത്തേക്ക് മാറ്റി സ്ഥാപിച്ചു. 5 മുറികളുള്ള ഒരൊറ്റ കെട്ടിടത്തിലാണ് പഠനം ആരംഭിച്ചത്. 1972-73 ല്‍ മാനേജര്‍ സ്ഥാനം പാത്തുണ്ണി ഉമ്മ മകനായ ശ്രീ അഹമ്മതുണ്ണിക്ക് കൈമാറി . ഓലമേഞ്ഞ കെട്ടിടം ഓടാക്കി. സ്കൂളിന്റെ പേര് കെ.എ. എം. എ.എല്‍ .പി.എസ് കപ്പൂര്‍ എന്നാക്കി.മാനേജ് മെന്റ് ശ്രീമതി കെ.വി.റുഖിയക്ക് കൈമാറി. ശ്രീമതി കെ.വി.റുഖിയയാണ് ഇപ്പോഴത്തെ മാനേജര്‍ . ഇപ്പോള്‍ ഈ സ്ഥാപനത്തിന് 4 ഓട്മേഞ്ഞ കെട്ടിടങ്ങള്‍ ഉണ്ട്.8 ഡിവിഷനുകള്‍ ഉണ്ട്. 2010-11 -ല്‍  പ്രീപ്രൈമറി പി.ടി.എ യുടെ സഹായത്തോടെ തുടങ്ങി. ഈ വര്‍ഷം 2016-17 -ല്‍ 47 കുട്ടികള്‍ പ്രീപ്രൈമറിയില്‍ ഉണ്ട്. 1 മുതല്‍ 4 വരെയുള്ള ക്ലാസ്സുകളിലായി 204 കുട്ടികളും പഠിക്കുന്നു. ഹെഡ്മാസ്റ്റര്‍ ഉള്‍പ്പടെ 9 അധ്യാപകര്‍ ഉണ്ട്.

                ഈ വിദ്യാലയത്തോട് ചേര്‍ന്നുതന്നെയാണ് മാരായംകുന്ന് മുസ്ളീംപളളി. കൂടാതെ മദ്രസ ,വായനശാല എന്നിവയും നിലകൊള്ളുന്നു. ഇതിന്റെ പിന്‍വശത്തുള്ള പാടശേഖരങ്ങള്‍ പനാഞ്ചേരി മന , കൂത്തുള്ളിമന, പറയത്ത്മന എന്നിവരുടേതായിരുന്നു. കൈമാറി കൈമാറി ഇപ്പോള്‍ അത് പലരുടേയും അധീനതയിലാണ്. 

                ഇല്ലത്തറ, കാളകുന്ന്, കൊടക്കല്ലുവളപ്പ്, ചങ്ങരത്തങ്ങാടി എന്നീ പേരുകളെല്ലാം മുന്‍കാലത്ത് ആളുകള്‍ ഈ പ്രദേശത്തെ പല ഭാഗങ്ങളെ വിളിച്ചിരുന്നു. ഇപ്പോള്‍ ഈ പേരുകളൊന്നും പ്രയോഗത്തിലില്ല. പൂണൂല്‍കുളം കുന്നത്തുകാവ്, താഴത്തേക്കാവ് എന്നിവയെല്ലാം വളരെക്കാലം മുമ്പുതന്നെ ഈ പ്രദേശത്ത് ഉള്ളവയാണ്. കുന്നത്തുകാവ് അമ്പലത്തിലേക്ക് ഉത്സവത്തിന് കാളകളെ എഴുന്നള്ളിച്ചു കൊണ്ടുപോയിരുന്ന കുന്നാണ് കാളകുന്ന്.

                 സാമൂഹിക സാംസ്കാരിക രാഷ്ട്രീയ പ്രവര്‍ത്തനങ്ങളില്‍ ഉന്നത സ്ഥാനം വഹിച്ച പല പ്രമുഖ വ്യക്തികളും ഇവിടെ നിന്നു പഠനം പൂര്‍ത്തിയാക്കിയിട്ടുണ്ട്. സ്വാതന്ത്ര്യ സമരസേനാനി ശ്രീ. അഹമ്മത് കാരൂത്ത് ,തോട്ടവിള ഗവേഷണ ഡയറക്ടറായും യു. ന്‍. ഒ യില്‍ W. H. O യുടെ ഉപദേശകസമിതിയില്‍ അംഗമായും സേവനമനുഷ്ഠിച്ച ശ്രീ. കെ. വി അഹമ്മത് ബാവുപ്പഹാജി എന്നിവരെല്ലാം ഈ നാടിന്റെ സംഭാവനകളാണ്.

പാഠ്യേതര പ്രവര്‍ത്തനങ്ങള്‍

• വിദ്യാരംഗം കലാ സാഹിത്യ വേദി.
• ക്ലബ്ബ് പ്രവര്‍ത്തനങ്ങള്‍.

മുന്‍ സാരഥികള്‍

സ്കൂളിന്റെ മുന്‍ പ്രധാനാദ്ധ്യാപകര്‍ :

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍