എ.യു.പി.എസ്. മണ്ണഴി/ചരിത്രം

Schoolwiki സംരംഭത്തിൽ നിന്ന്
< എ.യു.പി.എസ്. മണ്ണഴി
12:39, 13 ജനുവരി 2022-നു ഉണ്ടായിരുന്ന രൂപം സൃഷ്ടിച്ചത്:- 18469 (സംവാദം | സംഭാവനകൾ)
(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
സ്കൂളിനെക്കുറിച്ച്സൗകര്യങ്ങൾപ്രവർത്തനങ്ങൾക്ലബ്ബുകൾചരിത്രംഅംഗീകാരങ്ങൾ

സ്കൂളിന്റെ ചരിത്രം

1925 ജൂണ് 1 നാണ് മണ്ണഴി സ്കൂള് എന്ന പേരില് ഒരു പൊതു വിദ്യാലയം ആരംഭിക്കുന്നത്. 77 കുട്ടികളും 3 അധ്യാപകരുമായിരുന്നു സ്കൂളിന്റെ തുടക്കക്കാര്. കുറ്റിപ്പുറം സ്വദേശി ശ്രീ. സി. കുഞ്ഞുണ്ണി നായരാണ് സ്കൂളിന്റെ പ്രഥമ പ്രധാന അധ്യാപകന്. പ്രാഥമിക വിദ്യാലയമായി ആരംഭിച്ച സ്ഥാപനത്തില് 1946 മുതല് 5-ാംതരവും 1952 ല് 7-ാംതരവും നിലവില് വന്നു. 1953 മുതല് 8 കൊല്ലം ഇ എസ് എല് സി കോഴ്സും ( എട്ടാംതരം) നിലവിലുണ്ടായിരുന്നു. കൂരിയാട് സ്വദേശി പറമ്പാടന് ഉണ്ണീന്കുട്ടി മൊല്ലയായിരുന്നു വിദ്യാലയത്തിന്റെ സ്ഥാപകന്. രണ്ട് വര്ഷത്തോളം അദ്ദേഹം മാനേജരായി തുടര്ന്നു. അതിനു ശേഷം സ്കൂള് മാനേജ്മെന്റ് കൈമാറ്റം ചെയ്യപ്പെടുകയും സാമൂതിരി കോവിലക പ്രവൃത്തിക്കാരനായിരുന്ന ശ്രീ. പയ്യാക്കല് മാധവ മേനോനായിരുന്നു പുതിയ മാനേജര്. സുമാര് എട്ടു വര്ഷകാലം അദ്ദേഹം മാനേജര് സ്ഥാനത്ത് തുടര്ന്നു. 1935 ല് സ്കൂള് മാനേജരായി കോല്ക്കളം പ്രദേശത്തെ പൗര പ്രധാനിയായിരുന്ന ഒളകര കുഞ്ഞി മുഹമ്മദ് സാഹിബ് ചുമതലയേറ്റു. ഇതിനെ തുടര്ന്ന് സ്കൂള് ഇന്ന് പ്രവൃത്തിച്ചു വരുന്ന സ്ഥലത്തേക്ക് മാറ്റുകയും ആവശ്യമായ കെട്ടിടങ്ങള് നിര്മ്മിക്കുകയും ചെയ്തു. അദ്ദേഹത്തിന്റ മരണത്തെ തുടര്ന്ന് മൂത്ത പുത്രന് അഹമ്മദ് ഹാജി മാനേജര് ആയി ചുമതലയേറ്റു. 1967 ല് സ്കൂള് മാനേജ്മെന്റ് വീണ്ടും കൈമാറ്റം ചെയ്യപ്പെടുകയും ശ്രീ. കെ. പി. നാരായണന് നായര് മാനേജരായി ചുമതല ഏല്ക്കുകയും ചെയ്തു. 1985 മാര്ച്ച് 31 ന് അദ്ദേഹം മരണമടഞ്ഞതിനെ തുടര്ന്ന് അദ്ദേഹത്തിന്റെ ഭാര്യ കാരാട്ട് കുഞ്ഞിലക്ഷ്മി അമ്മ മാനേജരായി ചുമതലയേറ്റു. അവരുടെ മരണശേഷം 1999 മുതല് അവരുടെ മക്കള് രൂപം നല്കിയ ട്രസ്റ്റിനാണ് മനേജ്മെന്റിന്റെ ചുമതല. ട്രസ്റ്റ് ബോര്ഡ് തെരഞ്ഞെടുത്ത ശ്രീമതി. കാരാട്ട് ശ്രീദേവിയാണ് 199 മുതല് സ്കൂള് മാനേജരായി തുടര്ന്നു വരുന്നത്. ഒമ്പത് പതീറ്റാണ്ടിനിടയില് കളിച്ചും കലഹിച്ചും ആറേഴ് തലമുറകള് ഈ കലാലയത്തിന്റെ കവാടത്തിലൂടെ കടന്നു പോയി. എക്കാലത്തും ഓര്മ്മിക്കുന്ന പ്രഗത്ഭരായ അധ്യാപകരുടെ ഒരു നിര തന്നെ ഈ സ്ഥാപനത്തില് സേവനമനുഷ്ഠിച്ചിട്ടുണ്ട്. രണ്ട് ദശാബ്ദകാലം സ്കൂളിന്റെ പ്രധാനാധ്യാപകനായിരുന്ന യശ്ശരീരനായ ശ്രീ. പി. വി. കൃഷ്ണന് നായര് , ഇ. അച്യുതന് നായര്, പി. ഗോപാലന് മാസ്റ്റര്, കെ. കൃഷ്ണന് നായര്, ഒ. രാമന്കുട്ടി മാസ്റ്റര്, തങ്ങള് മാസ്റ്റര് , കുഞ്ഞു മാസ്റ്റര്, കെ. ഉമ്മര് മാസ്റ്റര്, അബു മാസ്റ്റര്, എ പി ചന്ദ്രന് മാസ്റ്റര്, ഇബ്രാഹിം മാസ്റ്റര്, കൃഷ്ണന്പിള്ള മാസ്റ്റര്, ഭാരതി ടീച്ചര്, സരസമ്മ ടീച്ചര് എന്നിവരെയെല്ലാം സ്മരിക്കാതെ സ്കൂളിന്റെ ചരിത്രം പൂര്ണ്ണമാവില്ല. 1950 മെയ് 15ന് നടത്തപ്പെട്ട സ്കൂള് രജതജൂബിലി ആഘോഷം സ്ഥാപനത്തിന്റെ ചരിത്രത്തിലെ ഒരു നാഴികക്കല്ലായിരുന്നു. 2002 ഫെബ്രുവരി 4,5 6 തീയ്യതികളില് നടത്തിയ പ്ലാറ്റിനെ ജൂബിലി ആഘോഷ പരിപാടികള് വിദ്യാലയ ചരിത്രത്തില് സുവര്ണ്ണ ലിപികളാല് എഴുതപ്പെട്ട ചരിത്ര സംഭവമായിരുന്നു. അന്ന് പ്രധാനാധ്യപകനായിരുന്ന ശ്രീ. ടി പി കൂര്യാക്കോസ് മാസ്റ്ററും ശ്രീ. ഇ. എന് . മോഹനന് മാഷുമാണ് നാടിന്റെ ഉത്സവമാക്കി മാറ്റിയ ആഘോഷ പരിപാടികള്ക്ക് സ്തുത്യര്ഹമായ നേതൃത്വം നല്കിയത്. ഒമ്പത് പതീറ്റാണ്ടു മുമ്പ് വളരെ ചെറിയ ഒരു സ്ഥാപനമായി ആരംഭിച്ച ഈ വിദ്യാലയം ഇന്ന് വളര്ച്ചയുടെ നിരവധി പടവുകള് താണ്ടി 500 ല് പരം കുട്ടികളും 26 അധ്യാപകരുമുള്ള ഒരു മികച്ച കലാലായമായി വളര്ന്നു കഴിഞ്ഞിരിക്കുകയാണ്.