നീലിമ നിറഞൊരാ ആകാശവാനിലായി
കൂരിരിട്ടു എത്തിയ നേരമായ്
ഭീകരത നിറഞ്ഞോരാ നേരമപ്പോൾ
സൂര്യനങ്ങ് ഓടിയൊളിച്ചു പിന്നിൽ
സുന്ദര ദിവാകരൻ തന്നുടെ സൌരഭ്യം
ആസ്വദിച്ചാ നേരം നിന്നൊരാ പുഷ്പങ്ങൾ
സുന്ദര ദേവൻ തൻ തേങ്ങലിൽ നോക്കുന്നു
പെട്ടെന്നു മായുന്നു പ്രാണനാഥൻ
കൂട്ടങ്ങളായി പുഷ്പങ്ങളോതി
പെരുമഴയെത്തുന്നു ഇടിനാദവുമായി
തലചായ്ക്ക കൂട്ടരേ ജീവനു വേണ്ടി
കാർമേഘമിങ്ങു തൂകി തുടങ്ങി
ശാന്തി നിറഞ്ഞൊരാ അന്തരീക്ഷത്തിൽ
നിമിഷ നേരം കൊണ്ട് പെരുമഴയെത്തി
മൂകമായി നിന്നൊരാ പ്രകൃതി തൻ രൂപം
മായാതെ നിൽക്കുന്നു മനസിനുള്ളിൽ
