ഗവൺമെന്റ് എച്ച്. എസ്. എസ്. നെടുവേലി/നാടോടി വിജ്ഞാനകോശം

Schoolwiki സംരംഭത്തിൽ നിന്ന്
< ഗവൺമെന്റ് എച്ച്. എസ്. എസ്. നെടുവേലി
22:25, 12 ജനുവരി 2017-നു ഉണ്ടായിരുന്ന രൂപം സൃഷ്ടിച്ചത്:- Ghssneduveli (സംവാദം | സംഭാവനകൾ) ('കന്നുകാലി വനം എന്ന പ്രദേശമാണ് പില്‍ക്കാലത്ത...' താൾ സൃഷ്ടിച്ചിരിക്കുന്നു)

കന്നുകാലി വനം എന്ന പ്രദേശമാണ് പില്‍ക്കാലത്ത് നെടുവേലി എന്ന പേരില്‍ അറിയപ്പെടാന്‍ തുടങ്ങിയത്. കയറ്റിറക്കമുള്ള പ്രദേശമാണിവിടം. അടിവാരത്ത് വയലും തുടര്‍ന്ന് ചെറു കയറ്റവുമായി നെടിയ മലയുടെ മുകളിലേക്ക് കയറുന്ന ഭൂവിതാനമാണിത്.അതാകാം ഒരു പക്ഷേ നെടുവേലിയായതിന് കാരണം. ഏറ്റവും മുകളിലെത്തിയാല്‍ വിദൂരതയില്‍ കടല്‍ കാണാം. കൊഞ്ചിറ എന്ന പ്രദേശമുള്‍ക്കൊള്ളുന്ന ഭാഗമാണ് നെടുവേലി.കോണ്‍ ചിറയാണ് കൊഞ്ചിറയായതെന്ന നാട്ടുപഴമക്കാര്‍ പറയുന്നു.വയലുകള്‍ക്ക് തെക്ക് ഭാഗത്തായി ജലസമൃദ്ധമായ ചിറയുണ്ട്.കോണിലെ ചിറ ഇതാണ്.നെടുവേലി വഴി കടന്നു പോകുന്ന ചെറു തോട് കൊഞ്ചിറ വഴി ഒടുവില്‍ വാമനപുരം നദിയില്‍ എത്തിച്ചേരുന്നു.വാമനപുരം നദിയുടെ ഉത്ഭവ കേന്ദ്രം കൂടിയാണ് ഈ പ്രദേശം. നെല്‍കൃഷി ഇന്നും പരിപാലിക്കുന്ന കര്‍ഷക സമൂഹം ഇവിടെ സജീവമാണ്. കൊയ്ത്തൊഴിഞ്ഞ പാടത്ത് ഭഗവതിയെ പച്ചപ്പന്തല്‍ കെട്ടി കുടിയിരുത്തി ആരാധിക്കുന്ന കര്‍ഷക സമൂഹത്തിന്റെ അമ്മ ദേവതാരാധനയുടെ പാരമ്പര്യം നെടുവേലിക്കുമുണ്ട്.സ്കൂളിനു സമീപത്ത് വയല്‍ക്കരയില്‍ സ്ഥിതി ചെയ്യുന്ന കൊഞ്ചിറ മുടിപ്പുര ദേവീ ക്ഷേത്രം ഇതിനു തെളിവാണ്.നൂറ്റാണ്ട് പഴക്കമുള്ള ദേവാലയമാണിത്.ഉരുളും കുത്തിയോട്ടവും താലപ്പൊലിയും പ്രധാന ചടങ്ങുകളാണ്.ഉത്സവാഘോഷങ്ങളില്‍ കഥകളിക്ക് ഇവിടെ ഏറെ പ്രാധാന്യം നല്‍കാറുണ്ട്.