മാർത്തോമ്മാ എച്ച്.എസ്.എസ് , പത്തനംതിട്ട/അക്ഷരവൃക്ഷം/ രോഗ പ്രതിരോധ ശേഷി
രോഗ പ്രതിരോധ ശേഷി
ഓരോ വ്യക്തിയിലും രോഗങ്ങളെ ചെറുത്തു നിർത്താനുള്ള കഴിവുണ്ട്. ഈ കഴിവുകൾ ഓരോരുത്തരിലും ഓരോ അളവിലാണ്. ചിലർക്ക് രോഗങ്ങൾ പെട്ടെന്ന് പിടിപെടും, മറ്റ് ചിലർക്ക് രോഗങ്ങൾ അത്ര പെട്ടെന്ന് ബാധിക്കുകയില്ല. നാം ഏവരും നമ്മിലെ ഈ ശക്തി വർധിപ്പിക്കാനൻ വേണ്ട മുൻകരുതലുകൾ എടുക്കേണ്ടതാണ്. രോഗപ്രതിരോധശേഷി വർധിപ്പിക്കാൻ അത്യാവശ്യം വേണ്ടത് ആത്മവിശ്വാസം ആണ്. കോവിഡ്-19 പോലുള്ള രോഗങ്ങൾ പടർന്നു പിടിക്കുമ്പോൾ ഭയക്കാതിരിക്കുക. എന്തിനെയും നേരിടാനുള്ള ധൈര്യമുണ്ടായിരിക്കുക. പ്രത്യേകമായ മുൻകരുതലുകളും ശ്രദ്ധയും കാണിക്കുക. പരിസര ശുചിത്വം പാലിക്കേണ്ടത് അത്യാവശ്യമാണ്. വൃത്തിയുള്ള അന്തരീക്ഷത്തിൽ ശരീരവും മനസ്സും ശുദ്ധമായിരിക്കും. ശുദ്ധമനസ്സുള്ള ശരീരത്തിൽ രോഗങ്ങളെ നശിപ്പിക്കാനുള്ള കഴിവ് കൂടുതലായിരിക്കും. പ്രതിരോധശേഷി വർദ്ധിപ്പിക്കാനുള്ള ഘടകങ്ങളാണ് പോഷകാഹാരവും, വ്യായാമവും. ശരീരത്തിന്റെ ഉന്മേഷം പോലെ തന്നെ പ്രധാനമാണ് മനസ്സിന്റെ ഉന്മേഷം. കലാ പ്രവർത്തനങ്ങൾ, വായന, കളികൾ ഇവയെല്ലാം മാനസിക ഉന്മേഷം വർദ്ധിപ്പിക്കുന്നതിന് ഉതകുന്നതാണ്. നമ്മുടെ രോഗപ്രതിരോധശേഷി വർധിപ്പിക്കാൻ നല്ല ഒരു ഘടകം കൂടിയാണ് കഴിയും, ചിരിയും. കാൻസർ എന്ന മഹാരോഗത്തെ ചിരിയിലൂടെ അതിജീവിച്ച മഹാ മനുഷ്യനായ ഇന്നസെന്റിന്റെ കഥ 5 - ക്ലാസിൽ പഠിക്കുന്നുണ്ട്. ചിരി മനുഷ്യന്റെ ആയുസ്സിലെ പ്രധാനമായ ഒരു ഘടകം ആണ്. അതുപോലെ തന്നെ ഈശ്വര വിശ്വാസം, ധ്യാനം, യോഗ എന്നിവയും ആരോഗ്യകരമായ ജീവിതം പ്രദാനം ചെയ്യുന്നു. രോഗപ്രതിരോധശേഷി മുഖ്യമായും ജന്മനാ ആർജിക്കുന്നതാണ്. എന്നാൽ ജീവിതരീതി രോഗപ്രതിരോധശേഷി ആർജിക്കാൻ ഒരു പരിധി വരെ സഹായിക്കുന്നു. രോഗം വന്നിട്ട് ചികിത്സിച്ച് ഭേദമാക്കുന്നതിലും നല്ലത് രോഗം വരാതെ നോക്കുന്നതാണ്.അതിനാൽ നമ്മുടെ സ്വഭാവത്തെയും ജീവിതരീതിയേയും നേരായ വിധത്തിൽ തിരുത്തി ആരോഗ്യകരമായ ഒരു ജീവിതം നയിക്കാൻ ശ്രമിക്കേണ്ടതാണ്.
|
