(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
പട്ടണഭൂതം
ഞാൻ ജനിച്ചതു വുഹാൻ പട്ടണത്തിലോ
അതോ മനുഷ്യന്റെ പരീക്ഷണ ശാലയിലോ
ആണെന്നും അല്ലെന്നും പറയുന്നു ചിലർ
എന്തായാലും മനുഷ്യനോട് ചങ്ങാത്തം
കൂടലാണെന്റെ വിനോദം
നിങ്ങളെ പോലെയല്ലോ എല്ലാനാടും
ചുറ്റിക്കറങ്ങാൻ എനിക്കുമുണ്ടൊരു മോഹം
ആളുകൾ എന്നെ പേടിച്ച് പുറത്തിറങ്ങാതായി
അങ്ങകലെ കൊച്ചു കേരളത്തിലും
എന്റെ കൂട്ടുകാർ എത്തി.
വൈറസിനു മരുന്നില്ലെന്ന മധുരമൊഴി
ആരോ ചൊല്ലുന്നതു കേട്ടു
ഞങ്ങൾക്കവർ ചെല്ലപ്പേരുമിട്ട്
സകല അടവുകളും പയറ്റി
സർക്കാരോ പോലീസോ ആരോഗ്യപ്രവർത്തകരോ
ആരായാലും ഞങ്ങൾക്കുവേണ്ട
മനുഷ്യന്റെ കൂടിച്ചേരൽ
കാണാനാവാതെ മടുത്തു ഈ ജീവിതം
