ഈ മൗനമിന്നെന്തിന്?
ദു:ഖത്തിൻ അടയാളമോ
പ്രതിഷേധത്തിൽ പ്രതീകമോ
മൊഴിഞ്ഞാലും പ്രകൃതി നീ -
യീവിധം വാടുവാൻ കാരണമെന്തെന്ന്
നിൻ മുഖം വാടിയാൽ തളരുമീ ഭൂമിയും
നശ്വരമായിടും മർത്ത്യന്റെ ജന്മവും
പൂക്കളും പുഴുക്കളും പുൽക്കൊടിതൻ നാദവും
നിന്നുടെ പ്രതിഷേധ ജ്വാലയിൽ മുങ്ങിയി-
കാലവും വഴിതെറ്റി പോയിടുന്നു
പ്രളയമായ് വരൾച്ചയായ് കൊറോണയായ്
ഭൂമിലെ കലിയുഗം തീർക്കാനായ് വന്നിടുന്നു.
നിന്നോട് ചെയ്തൊരാ പാവത്തിൻ ഫലമായ്
ഭൂമിയിൽ പലതും നടന്നീടുന്നു.
വീടുകൾ ജയിലായി മാറിയ ഈ നേരം
പച്ചപിൻ പന്തലായി മാറുമീ ഭൂമിയും
അവിടെയൊരു സ്വർഗം നെയ്തീടുവാനായി പൂക്കളും പുഴുക്കളും വന്നീടുമല്ലോ
ഓർക്കുക മനുഷ്യാ നീ നശ്വരമാക്കിയ ഭൂമി
അത് നിന്നുടേതായിരുന്നു…
