ബി എസ് യു പി എസ് കാലടി/അക്ഷരവൃക്ഷം/പരിസ്ഥിതിയും മനുഷ്യനും

പരിസ്ഥിതിയും മനുഷ്യനും 1972 മുതലാണ് പരിസ്ഥിതി ദിനം നാം ആചരിച്ചു തുടങ്ങിയത്. പ്രകൃതി അമ്മയാണ്. മണ്ണും മനുഷ്യനും ഭൂപ്രകൃതിയും മറ്റു ജീവജാലങ്ങളും കുന്നുകളും പുഴകളുമെല്ലാം എല്ലാം പരിസ്ഥിതിയുടെ സന്തുലനാവസ്ഥ നിലനിർത്താൻ പോന്ന പ്രധാന ഘടകങ്ങളാണ്. മരങ്ങൾ മുറിക്കുകയും കുന്നുകൾ നിരത്തുകയും പ്രകൃതിലോല പ്രദേശങ്ങൾ നശിപ്പിക്കുകയും വഴി ഭൂമിക്ക് ദോഷം സംഭവിക്കുന്നു. മഴ തീർത്തും ഇല്ലാതാവുകയും, മഴയെ ആശ്രയിച്ചുള്ള കാർഷിക വൃത്തിയെ കാര്യമായി ബാധിക്കുകയും ചെയ്യുന്നു. പ്രകൃതിക്ക് ദോഷകരമല്ലാത്ത പ്രവർത്തനങ്ങളിൽ മനുഷ്യർ ഏർപ്പെടേണ്ടതാണ്. പ്ലാസ്റ്റിക് മാലിന്യങ്ങൾ നമ്മുടെ പ്രകൃതിയെ പ്രതികൂലമായി ബാധിക്കുകയും മണ്ണിന്റെ ഈർപ്പം ഇല്ലാതാക്കുകയും ചെയ്യുന്നു. പുഴകളെ മലിനമാക്കുന്നത് വഴി മത്സ്യ സമ്പത്ത് ഗണ്യമായി കുറയുന്നു.കൃഷിയിടങ്ങൾ നശിപ്പിക്കപ്പെടുന്നത് വഴി കിണറുകളിൽ വെള്ളം വറ്റുകയും, കുടിവെള്ള ക്ഷാമം നേരിടുകയും ചെയ്യുന്നു. ഇതെല്ലാം മുന്നിൽ കണ്ട് പ്രവർത്തിക്കാൻ നമുക്ക് സാധിക്കണം. കുട്ടികളായ നമ്മുടെ ഉള്ളിൽ പ്രകൃതി സ്നേഹം അനിവാര്യമാണ്. പ്രകൃതി സംരക്ഷണത്തിനായി നമുക്ക് തോളോട് തോൾ ചേർന്നു നിൽക്കാം. ആര്യനന്ദ ശ്രീധരൻ 7D ബ്രഹ്മാനന്ദോദയം യു. പി . എസ് സ്കൂൾ, കാലടി അങ്കമാലി ഉപജില്ല എറണാകുളം അക്ഷരവൃക്ഷം പദ്ധതി, 2020 ലേഖനം