തിരിച്ചടി
ഒരു ദിവസം ദൈവത്തിന്റെ മുന്നിൽ രണ്ടു പേർ എത്തി .ഒന്ന് കോവിഡും മറ്റൊന്ന് മനുഷ്യനും .
ദൈവം ചോദിച്ചു ," നിങ്ങൾക്കെന്താണ് വേണ്ടത് ? "
ഇരുവരും ഒരേ സ്വരത്തിൽ പറഞ്ഞു , "ഞങ്ങളിൽ ആരാണ് സ്വർഗത്തിൽ പോവേണ്ടത് ?"
അപ്പോൾ ദൈവം പറഞ്ഞു ," നിങ്ങളിൽ ആരാണോ ഏറ്റവും കൂടുതൽ ആൾക്കാരെ ഉപദ്രവിച്ചത് അയാൾക്ക്‌
നരകത്തിൽ പോകാം , മറ്റേയാൾക്കു സ്വർഗ്ഗത്തിലും പോകാം ."
അപ്പോൾ മനുഷ്യൻ പറഞ്ഞു ," ഞാൻ ആരെയും ഉപദ്രവിച്ചിട്ടില്ല ,കോവിഡ് ആണ് എല്ലാ മനുഷ്യരെയും ഉപദ്രവിച്ചത് ."
അപ്പോൾ കോവിഡ് എതിർത്തുകൊണ്ട് പറഞ്ഞു ," ഞാൻ ആരെയും ഉപദ്രവിച്ചില്ല , ഈ മനുഷ്യൻ കാരണമാണ് ഞാൻ എവിടെ എത്തിച്ചേർന്നത് .കൂടാതെ ഈ മനുഷ്യൻ പ്രകൃതിയെയും ജീവജാലങ്ങളെയും ഉപദ്രവിച്ചു . അഹങ്കാരം നിറഞ്ഞ മനുഷ്യൻ ചെയ്തത്ര ഉപദ്രവം ഞാൻ ആർക്കും ചെയ്തിട്ടില്ല ".
എല്ലാം കേട്ട് നിന്ന ദൈവം പറഞ്ഞു ," നാളിതുവരെയായി ദ്രോഹങ്ങൾ മാത്രം ചെയ്ത മനുഷ്യാ നീ തന്നെയാണ് നരകത്തിൽ പോകേണ്ടത് . എന്നാൽ ഈ യാതനകാലത്തു നീ കാണിച്ച ഒത്തൊരുമ , സഹജീവിസ്നേഹം അത് കാണാതിരിക്കാനും വയ്യ .അതുകൊണ്ടു മനുഷ്യാ ഈ കോവിഡിനെ തുരത്താനുള്ള മരുന്ന് നിന്റെ ഒത്തൊരുമയിൽ പിറവിയെടുക്കുന്ന ദിവസം നിനക്ക് ഈ നരകത്തിൽ നിന്നും മോചനം ഉണ്ടാകും !!!
 സാങ്കേതിക പരിശോധന - Mtdinesan തീയ്യതി: 19/ 04/ 2020 >> രചനാവിഭാഗം - കഥ
തല കുനിച്ചു കൊറോണ ഭൂതം
അമലും വിമലും ചങ്ങാതിമാരാണ് . അവർ എന്തുകാര്യവും ഒരുമിച്ചാണ് ചെയ്യുന്നത് .രണ്ടുപേരും വ്യാപാരികളാണ് .കാലത്തു കടയിൽ പോയാൽ രാത്രിയാകും തിരിച്ചെത്താൻ അതുകൊണ്ടു തന്നെ വീട്ടുകാര്യങ്ങൾ നോക്കാൻ സമയം കിട്ടാറില്ല .ഒരു ദിവസം ആ നാട്ടിൽ ഒരു ഭൂതം വന്നെത്തി . ആ നാട്ടിലെ ജനങ്ങൾ ഭൂതത്തെ കൊറോണ എന്നാണു വിളിക്കുന്നത് . ഭൂതത്തെ ഏവർക്കും പേടിയാണ് .ജനങ്ങളെ ആ ഭൂതം ആക്രമിച്ചു കീഴടക്കും .ഇതുകാരണം ആ നാട്ടിലെ സ്കൂളുകളും സ്ഥാപനങ്ങളും അടച്ചിട്ടു . ആൾക്കാർക്ക് പണിയില്ലാതായി . അവർ പരിസരം നിരീക്ഷിച്ചു . ആകെ മലിനം .അവർ പരിസരം ശുചിയാക്കി .പിന്നെ ചീര , പയർ , വഴുതിന എന്നിവ നട്ടു . പിന്നെ മാസ്ക് ധരിച്ചു പുറത്തിറങ്ങി . തിരിച്ചുവന്നതിനുശേഷം കൈകൾ സോപ്പിട്ടു കഴുകി . അകലം പാലിച്ചുനിന്നു .ഇതുകണ്ട കൊറോണ ഭൂതം നാണിച്ചു തിരിച്ചുപോയി .
|
|
