ഇന്നത്തെ നാളിന്റെ പ്രാധാന്യമെന്തെന്ന് ഞാനുമെന്റമ്മയോടോതി നിൽക്കെ... ഇന്നും ഇനിവരും കാലമെല്ലാം നമ്മൾ ഈ വീട്ടിലെ ബന്ധനത്തിൽ. എത്ര നാളെന്നോ എങ്ങനെയെന്നോ ആരാണ് പിന്നിലെ ശക്തിയെന്നോ... ഉറ്റവരില്ല, ചങ്ങാതിമാരില്ലാ , അയൽപക്കക്കാരാണേൽ കാണാനില്ല. നാട്ടിലെ മീൻകാരൻ വന്നുവെന്നാകിലും മുഖമെല്ലാം മൂടിയ മാസ്കുമായി. പാവങ്ങളെന്നോ പണക്കാരനെന്നോ ജാതിമതഭേദ വ്യത്യാസമില്ലാതെ ലോകം മുഴുവനും ഭീതിവിതച്ചു - കൊണ്ടിത്തിരിക്കുഞ്ഞൻ വിലസിടുന്നു. പാമ്പിനേം കിളികളേം കൂട്ടിലടച്ചിട്ട- മനുഷ്യനെ കോവിഡും കൂട്ടിലാക്കി... ഓർക്കുക മർത്ത്യരെ ഭൂമിയെ നോവിച്ചാൽ വ്യാധികൾ അനവധി വന്നുചേരും.
സാങ്കേതിക പരിശോധന - supriya തീയ്യതി: 19/ 04/ 2020 >> രചനാവിഭാഗം - കവിത
