ഔവർ ലേഡീസ് സി.ജി.എച്ച്.എസ്. പള്ളുരുത്തി/അക്ഷരവൃക്ഷം/അമ്മയായ പ്രകൃതി

അമ്മയായ പ്രകൃതി പ്രകൃതി നമ്മുടെ അമ്മയാണ്. അമ്മയെ സംരക്ഷിക്കേണ്ട കടമ നമ്മൾക്കെല്ലാവർക്കുമുണ്ട് . പരിസ്ഥിതി സംരക്ഷിക്കുന്നതിന് വേണ്ടി ഐക്യ രാഷ്ട്ര സഭയുടെ ആഭിമുഖ്യത്തിൽ 1972 ജൂണ് 5 മുതലാണ് ലോക പരിസ്ഥിതി ദിനം ആചരിച്ച് തുടങ്ങിയത് . പ്രകൃതി നമ്മോട് കുറെ കാര്യങ്ങൾ സംസാരിക്കുന്നുണ്ട് . പക്ഷെ നമ്മൾ അത് കേൾക്കാനോ മനസ്സിലാക്കാനോ അതിനോട് സംസാരിക്കാനോ തയ്യാറാവുന്നില്ല . നഗരങ്ങൾ എല്ലാം മലിനീകരണത്തിന്റെ മാരക ഫലങ്ങൾ അനുഭവിച്ചു തുടങ്ങിയിരിക്കുന്നു . കൂടുതൽ ആളുകൾ നഗരങ്ങളിൽ താമസിക്കുന്നു . അത് കുടിവെള്ളത്തിനും ശുചീകരണത്തിനും പ്രശ്നങ്ങൾ ഉണ്ടാകുന്നു . അതോടൊപ്പം ആരോഗ്യ പ്രശ്നങ്ങൾ ഏറി വരികയും ചെയ്യുന്നു . മനുഷ്യ വംശത്തെ തന്നെ കൊന്നൊടുക്കുവാൻ ശേഷിയുള്ള മാരക രോഗങ്ങൾ പടർന്നു പിടിക്കുന്നു . ഫാക്ടറികളിലും വാഹനങ്ങളിലും നിന്നുള്ള മലിനീകരണം പരിസ്ഥിതിയെ ദോഷകരമായി ബാധിക്കും . ഈ മലിന വായു ശ്വസിക്കുന്നത് ആരോഗ്യ പ്രശ്നങ്ങൾക്ക് കാരണമാകുന്നു . നമ്മുടെ പരിസ്ഥിതിയെ പരിരക്ഷിക്കുന്നില്ലെങ്കിൽ അത് തുടർന്ന് കൂടുതൽ മോശമാവുകയും നമ്മുടെ കുട്ടികൾ അതിന്റെ അനന്തര ഫലങ്ങൾ അനുഭവിക്കേണ്ടി വരികയും ചെയ്യും . കൂടാതെ സസ്യങ്ങളും മൃഗങ്ങളും നശിക്കുകയും ചെയ്യും . പ്രകൃതി വിഭവങ്ങൾ അന്യമായി തീരും . പ്രകൃതിയെ നശിപ്പിക്കലിന്റെ അനന്തര ഫലത്തിന്റെ ഉദാഹരണം ആണ് കേരളത്തെ പിടിച്ചു കുലുക്കിയ പ്രളയം . കണ്ടവും കായലും കൃഷിയിടങ്ങളും നികർത്തി മനുഷ്യൻ ഫ്‌ളാറ്റുകൾ കെട്ടിപ്പൊക്കിയതിന്റെ ഭവിഷ്യത്താണ് പ്രളയമായി പ്രകൃതി മനുഷ്യന് തിരിച്ചടിയായി നൽകിയത് . പരിസ്ഥിതി ആയ അമ്മയെ വേദനിപ്പിക്കാതെ സംരക്ഷിച്ചു കൊണ്ട് വേണം ഇനിയുള്ള ജീവിതം നാം ഓരോരുത്തരും നയിക്കേണ്ടത് .