ഗവ. എച്ച്. എസ്. എസ്. ആന്റ് വി. എച്ച്. എസ്. എസ്. കളമശ്ശേരി/ഗ്രന്ഥശാല

  എല്ലാ വിഷയങ്ങളെയും പ്രതിപാദിക്കുന്ന നിരവധി വിജ്ഞാനപ്രദങ്ങളായ പുസ്തകങ്ങൾ ഞങ്ങളുടെ ഗ്രന്ഥശാലയിൽ ഉണ്ട്. ഗ്രന്ഥശാലയിലെ പുസ്തകങ്ങൾ പാഠ്യവിഷയാടിസ്ഥാനത്തിലും മലയാള പുസ്തകങ്ങളെ ഭാഷാസാഹിത്യ വിഭാഗത്തിൻറെ അടിസ്ഥാനത്തിലും ക്രമീകരിച്ചിട്ടുണ്ട്. വിശാലമായ ഒരു വായനശാലയും ഈ വിദ്യാലയത്തിലുണ്ട്. ലൈബ്രറി പിരീഡുകളിൽ കുട്ടികളെ വായനശാലയിൽ കൊണ്ടുവന്ന് ആനുകാലിക പ്രസിദ്ധീകരണങ്ങളും പത്രങ്ങളും വായിക്കാനുള്ള അവസരം നൽകുന്നു. അധ്യയന വർഷാരംഭത്തിൽ ഓരോ ക്ലാസുകളിലേക്കുള്ള ലൈബ്രറി പുസ്തകങ്ങൾ ചുമതലയുള്ള അധ്യാപകനെ ഏൽപ്പിക്കുന്നു. അവരുടെ കുട്ടികൾക്ക് വിതരണം ചെയ്യുന്നത് കൂടാതെ വെള്ളിയാഴ്ചകളിൽ കുട്ടികൾക്ക് ലൈബ്രറിയിൽ വന്ന് പുസ്തകങ്ങൾ തെരഞ്ഞെടുക്കാനുള്ള അവസരം ഒരുക്കിയിട്ടുണ്ട്. ഈ വർഷം വായനാ ദിനത്തോടനുബന്ധിച്ച് പുസ്തകപ്രദർശനം, കുട്ടികൾക്കുള്ള ചോദ്യോത്തരി, എഴുതുവാനുള്ള പ്രോത്സാഹനം എന്ന നിലയ്ക്ക് കഥ, കവിത തുടങ്ങിയ രചനാ മത്സരങ്ങൾ എന്നിവ നടത്തി.പുസ്തകത്തൊട്ടിൽ എന്ന പുതിയൊരു പാരിപാടി തുടങ്ങി.