ഗവ. വി എച്ച് എസ് എസ് വാകേരി/പ്രവർത്തനങ്ങൾ/ഓണം

സ്കൂളിൽ എല്ലാവർഷവും ഓണാഘോഷങ്ങൾ സംഘടിപ്പിക്കാറുണ്ട്. പൂക്കള മത്സരം, കലംതല്ലിപ്പൊട്ടിക്കൽ വടംവലി തുടങ്ങി കായികവും വിനോദപരവുമായ നിരവധി മത്സരങ്ങൾ വിദ്യാർത്ഥികൾക്കായി നടത്തി.

മെഗാതിരുവാതിര 2017 വർഷത്തെ ഓണാഘോഷത്തിന്റെ ഏറ്റവും വലിയ സവിശേഷത വിദ്യാർത്ഥിനികൾ അവതരിപ്പിച്ച മെഗാതിരുവാതിര ആയിരുന്നു സയൻസ് അധ്യാപിക സിനിമോൾ എസ് എസിന്റെ നേതൃത്വത്തിലാണ് മെഗാതിരുവാതിരയ്ക്കു പെൺകുട്ടികൾ ഒരുങ്ങിയത്. ഏറെ നാളത്തെ പരിശീലനം കൊണ്ടാണ് മെഗാ തിരുവാതിര അവതരിപ്പിക്കാൻ കഴിഞ്ഞത്. ഓണാഘോഷത്തിന്റെ മറ്റൊരു പ്രത്യേകത തേൻകുഴി കാട്ടുനായ്ക്ക കോളനിയെ ദത്തെടുക്കൽ കൂടി ആയിരുന്നു. തേൽകുഴി കോളനിയിലെ അന്തേവാസികൾക്ക് ഓണ സദ്യക്കുള്ള വിഭവങ്ങൾ അടങ്ങിയ കിറ്റ് എല്ലാ കുടുംബങ്ങൾക്കും നൽകിക്കൊണ്ടാണ് ഓണാഘോഷത്തിന് വാകേരി സ്കൂൾ തയ്യാറെടുത്തത്. 15047 210.jpg അധ്യാപകരുടേയും രക്ഷാകർത്താക്കളുടേയും നേതൃത്വത്തിലാണ് ഓണസദ്യ തയ്യാറാക്കിയത്. ദത്തെടുത്ത തേൻകുളി കോളനി നിവാസികളെ സ്കൂളിലേക്കു ഷണിച്ചുവരുത്തി അവർക്ക് ഓണസദ്യനൽകി. വിദ്യാർത്ഥികളും നാട്ടുകാരും സദ്യയിൽ പങ്കാളികളായി.