ജി.വി.എച്ച്.എസ്സ്.എസ്സ്. അത്തോളി/പ്രാദേശിക പത്രം
ഐശ്വര്യമാര്‍ന്ന ഓണത്തെ വരവേറ്റ് ജി.വി. എച്ച്.എസ്.എസ് അത്തോളി
അത്തോളി:സമൃദ്ധിയുടെയും ഐശ്വര്യത്തിന്റെയും പ്രതീകമായ പൊന്നോണത്തെ സ്വാഗതം ചെയ്തുകൊണ്ട് ജി.വി.എച്ച്.എസ്.എസ് അത്തോളി പരമ്പരാഗത നിലനിര്‍ത്തിയിരിക്കുന്നു.ഓണവും ബക്രീദും ഒരുമിച്ചു വന്ന ഈ വര്‍ഷത്തില്‍ ക്ലാസ് തല പൂക്കള മത്സരവും മൈലാ‍‍ഞ്ചിയിടല്‍ മത്സരവും നടത്തി മതസൗഹാര്‍ദം പുലര്‍ത്തിക്കൊണ്ട് എല്ലാ വിദ്യാര്‍ത്ഥികളും അധ്യാപകരും മറ്റു ജീവനക്കാരും സ്കൂള്‍ പി.ടി.എ അംഗങ്ങളും ആഹ്ലാദപൂര്‍വം ആഘോഷിച്ചു. ആഗസ്ത് 31രാവിലെ 8:30തോടെ ആരംഭിച്ച പൂക്കള മത്സരവും മൈലാ‍‍ഞ്ചിയിടല്‍ മത്സരവും ഫലപ്രഖ്യാപനവും മാവേലി വരവും 12:30തോടെ അവസാനിച്ചു.മുസ്ലീം വിദ്യാര്‍ത്ഥികള്‍ക്ക് അറഫാ നോമ്പായതു കാരണം പായസവിതരണം തലേദിവസവും ഓണസദ്യ സ്കൂള്‍ തുറന്ന ശേഷം 14ാം തിയ്യതിയിലേക്കും മാറ്റി വെക്കുകയും ചെയ്തു. കുടുംബശ്രീ വനിതകള്‍ നടത്തിയ ഓണച്ചന്തയും സ്കൂള്‍ മുറ്റത്ത് നടന്നു. എച്ച്.എസ്.എസ് വിഭാഗം വിദ്യാര്‍ത്ഥികളുടെ ചെണ്ടക്കൊട്ടും ബാന്റടി മേളവും പൊടിപൂരമായി നടന്നു.എല്ലാ മത വിശ്വാസികളെയും ഒരുപോലെ കണ്ടുകൊണ്ട് ഈ വിദ്യാലയം മതേതര സമത്വത്തില്‍ മുന്നേറിക്കൊണ്ട് മറ്റുള്ളവര്‍ക്ക് പ്രചോദനമായി.