സെന്റ് മേരീസ് ഗവ. ഹൈസ്കൂൾ കുന്നന്താനം
സെന്റ് മേരീസ് ഗവ. ഹൈസ്കൂൾ കുന്നന്താനം | |
---|---|
വിലാസം | |
പാലക്കാത്തകിടി പത്തനംതിട്ട ജില്ല | |
സ്ഥാപിതം | 01 - 06 - |
വിദ്യാഭ്യാസ ഭരണസംവിധാനം | |
റവന്യൂ ജില്ല | പത്തനംതിട്ട |
വിദ്യാഭ്യാസ ജില്ല | തിരുവല്ല |
സ്കൂൾ ഭരണ വിഭാഗം | |
മാദ്ധ്യമം | മലയാളം |
അവസാനം തിരുത്തിയത് | |
18-04-2017 | Sudev.kmr |
കോട്ടയം, പത്തനംതിട്ട ജില്ലകളുടെ അതിര്ത്തിയില് സ്ഥിതി ചെയ്യുന്ന ഒരു ഗവണ്മെന്റ് വിദ്യാലയമാണ് സെന്റ്മേരീസ് ഗവണ്മെന്റ് സ്കൂള്. 1920-ല് സ്ഥാപിച്ച ഈ വിദ്യാലയം പത്തനംതിട്ട ജില്ലയിലെ ഏറ്റവും പഴക്കമേറിയ വിദ്യാലയങ്ങളിലൊന്നാണ്.
ചരിത്രം
1920 മെയില് ഒരു ലോവര് പ്രൈമറി സ്കൂള് എന്ന നിലയിലാണ് ഈ വിദ്യാലയം സ്ഥാപിതമായത്. 1925 ല് മിഡില് സ്കൂളായും 1984 -ല് ഹൈസ്കൂളായും ഉയര്ത്തപ്പെട്ടു. കുന്നന്താനം ഗ്രാമ പഞ്ചായത്തിലെ ഏക ഗവ. ഹൈസ്കൂളാണ് ഇത്. ശതാബ്ദിയിലേക്ക് അടുത്തുകൊണ്ടിരിക്കുന്ന ഈ സ്കൂള് അയല് ജില്ലയായ കോട്ടയത്തിനും പ്രയോജനകരമാണ്. വര്ഷാവര്ഷങ്ങളായി മികച്ച വീജയം ശതമാനം നേടിക്കൊണ്ടിരുന്ന ഈ സ്കൂള് കഴിഞ്ഞ ആറു വര്ഷങ്ങളായി SSLC ക്ക് നൂറു മേനിയുടെ തിളക്കത്തിലാണ്.
ഭൗതികസൗകര്യങ്ങള്
ഒരേക്കര് ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 14 ക്ലാസ് മുറികളും കളിസ്ഥലവും വിദ്യാലയത്തിനുണ്ട്.
ഹൈസ്കൂളിനു് ആധുനിക സൗകര്യങ്ങളോടുകൂടിയ കമ്പ്യൂട്ടര് ലാബുണ്ട്. ഏകദേശം പതിനഞ്ചോളം കമ്പ്യൂട്ടറുകളുണ്ട്. . ബ്രോഡ്ബാന്റ് ഇന്റര്നെറ്റ് സൗകര്യം ലഭ്യമാണ്..ആധുനിക ഇന്ററാക്ടീവ് സ്മാര്ട്ട് ക്ലാസ്സ് മുറി കമ്പ്യൂട്ടര് ലാബില് സജ്ജീകരിച്ചിരിക്കുന്നു.ഒന്നു മുതല് നാലു വരെയുള്ള ക്ലാസ്സുകള് ക്രമീകരിച്ചിരിക്കുന്ന പൈമറി വിഭാഗം കെട്ടിടം ആസ്ബസ്റ്റോസ് മേല്ക്കൂരയോടുകൂടിയതാണ്. സ്ഥലം. എം.എല്.എ. (ഇപ്പോള് മന്ത്രി)ശ്രീ മാത്യു റ്റി. തോമസിന്റെ ഫണ്ടില് നിന്നും ഒരു കോടി രൂപ പുതിയ കെട്ടിടത്തിനായി അനുവദിച്ചിട്ടുണ്ട്. പണിയുടെ പ്രാരംഭ പ്രവര്ത്തനങ്ങള് നടന്നു വരുന്നു. 2015,2016 നേട്ടങ്ങളുടെ വര്ഷങ്ങള് ആണ്.ഏറ്റവും കൂടുതല് കുട്ടികള് ഒന്നാം ക്ലാസ്സില് ചേര്ന്നതിനുള്ള മല്ലപ്പള്ളി BRC യുടെ അവാര്ഡ്, തിരുവല്ല വിദ്യാഭ്യാസ ജില്ലയിലെ Best PTA ക്കുള്ള അവാര്ഡ്, പത്തനംതിട്ടജില്ലയിലെ Best PTA ക്കുള്ള അവാര്ഡ്, എന്നിവ സ്കൂളിനെ തേടിയെത്തിയത് 2015 ലാണ്. സ്കൂളിന്റെ അഭിമാനമാണ് പൂര്വ്വ വീദ്യാര്ത്ഥി കൂടിയായ മലങ്കര കത്തോലിക്കാ സഭയുടെ കര്ദ്ദിനാള് ബസേലിയോസ് മാര് ക്ലിമ്മിസ് തിരുമേനി. 2015 ല് അദ്ദേഹം 4 കമ്പ്യൂട്ടറുകള് സംഭാവന ചെയ്തത് നന്ദിയോടുകൂടി സ്മരിക്കുന്നു. ഇതേ വര്ഷം തന്നെ എം.എല്.എ. ഫണ്ടില് നിന്നും 2കമ്പ്യൂട്ടറുകളും എം. പി. ശ്രീ ആന്റോ ആന്റണി യുടെ ഫണ്ടില് നിന്നും 2കമ്പ്യൂട്ടറുകളും ഒരു പ്രിന്ററും ലഭിച്ചത് കൃതജ്ഞതയോടെ ഒര്ക്കുന്നു.. ഹെഡ്മാസ്റ്ററുടെ സുഹൃത്തായ മുട്ടുമണ്ണില് ശ്രീ തോമസ് എം. സാം കുട്ടികളുടെ ഉപയോഗത്തിനായി 75 കസേരകളും അധ്യാപകരുടെ ഉപയോഗത്തിനായി 17 കസേരകളും തന്നത് ഏറെ ഉപകാരപ്രദമായി.. അതുപോലെ ഹെഡ്മാസ്റ്ററുടെ ബന്ധു വായ കുറ്റപ്പുഴ ശ്രീ ആനന്ദ് വര്ഗീസ് തന്ന 70 കസേരകളും വളരെയധികം ഉപകാരപ്പെടുന്നുണ്ട്. RMSA ഫണ്ടുപയോഗിച്ച് കമ്പ്യൂട്ടര് ലാബിന്റെ തറ ടൈല്സ് പാകി. സ്കൂളിനു സ്വന്തമായി ഒരു സൗണ്ട് സിസ്റ്റം അധ്യാപകരുടെ സഹായത്താല് വാങ്ങിക്കാനിടയായി. പി.റ്റി.എ. യുടെ നേതൃത്വത്തില് ആരംഭിച്ച പ്രീപ്രൈമറി ക്ലാസ്സിലെ അമ്പതോളം കുട്ടികള്ക്ക് ഉപയോഗിക്കാനായി Baby Chairs ലഭ്യമാക്കിയതും സ്റ്റാഫ് കൗണ്സിലിന്റെ സഹായത്താലാണ്. ഒരു മുറിയില് ഒരു ലൈറ്റ് ഓണാക്കിയാല് മറ്റു മുറികളിലെ വൈദ്യുതോപകരണങ്ങള് പ്രവര്ത്തിപ്പിക്കാനാകാത്ത അവസ്ഥയുണ്ടായിരുന്നത് മാറ്റി കുറ്റമറ്റ വൈദ്യുത വിതരണ സംവിധാനം സജ്ജമാക്കിയതും സറ്റാഫ് കൗണ്സിലിന്റെ സഹായത്താലാണ്. പി.റ്റി.എ.യുടെ സഹകരണത്താല് കുറെയേറെ ഡസ്കും ബഞ്ചും നന്നാക്കി എടുക്കാന് സാധിച്ചു. ഓഡിറ്റോറിയത്തില് സ്റ്റേജിന് മുന്വശ കര്ട്ടനും പിന് വശ കര്ട്ടനും പുതുതായി തയ്യാറാക്കാന് അധ്യാപകരുടെ സഹകരണത്താല് സാധിച്ചു. ലൈബ്രറി, ലാബ് സൗകര്യങ്ങള് പ്രവര്ത്തനക്ഷമമമാക്കിയത് കൂട്ടായ പ്രവര്ത്തനത്തിന്റെ ഫലമാണ്. 2016 ഉം നേട്ടങ്ങളുടെ വര്ഷമാണ്. തുടര്ച്ചയായി രണ്ടാം വര്ഷവും തിരുവല്ലാ വിദ്യാഭ്യാസജില്ലയിലേയും പത്തനംതിട്ട ജില്ലയിലേയും Best PTA award നേടുവാന് കഴിഞ്ഞു. ചങ്ങനാശ്ശേരി SB കോളേജില് നടന്നുവരുന്ന SADP പ്രോഗ്രാമിന്റെ ഭാഗമായുള്ള സയന്സ് ക്വിസ് മത്സരത്തില് അഹല്യാ പ്രകാശ്, ആവണി എസ്. എന്നീ കു ട്ടികള് പ്രഗത്ഭരായ മറ്റു സ്കൂളുകളെ പിന്നിലാക്കി രണ്ടാം സ്ഥാനം കരസ്ഥമാക്കി. ഷൊര്ണൂര് വച്ചു നടന്ന സംസ്ഥാന ശാസ്ത്രമേളയില് സ്റ്റില് മോഡല് വിഭാഗത്തില് സാന്ദ്ര ജിനു, ശ്രീജേഷ് മോഹന് ടീം A ഗ്രേഡ് കരസ്ഥമാക്കി. മല്ലപ്പള്ളി ഉപജില്ലാ ഐ.ടി. മേളയില് വിപിന് പി.വിജയന് ഡിജിറ്റല് പെയിന്റിംഗിന് ഒന്നാം സ്ഥാനം കരസ്ഥമാക്കി. ജില്ലാ കായികമേളയില് അനിജിത് പി.കെ. 80 m ഹര്ഡില്സില് മൂന്നാംസ്ഥാനം നേടുകയും മലപ്പുറത്തുവച്ചു നടക്കുന്ന സംസ്ഥാന കായിക മത്സരത്തില് പങ്കടുക്കുകയും ചെയ്യുന്നു. മല്ലപ്പള്ളി ഉപജില്ലാ കലോത്സവത്തില് ഗവ.സ്കൂളുകളുടെ പട്ടികയില് ഏറ്റവും കൂടുതല് പോയിന്റു് നേടി. കുമാരി ആവണി ഏസ് ന് കുച്ചുപ്പുടി, കേരള നടനം, നാടോടി നൃത്തം എന്നിവയില് ഒന്നാം സ്ഥാനം ലഭിച്ചു. പരിചമുട്ടു കളിയില് ഹൈസ്കൂള് വിഭാഗത്തില് ഒന്നാം സ്ഥാനം ലഭിച്ചു. UP വിഭാഗം നാടക മത്സരത്തില് ഒന്നാം സ്ഥാനം ലഭിച്ചു. ഹൈസ്കൂള് വിഭാഗം നാടന്പാട്ട് മത്സരത്തില് A ഗ്രേഡോടുകൂടി രണ്ടാം സ്ഥാനം ലഭിച്ചു. RMSA യുടെ ആഭിമുഖ്യത്തില് നടത്തപ്പെടുന്ന പഠനയാത്രക്കായി പത്താംക്ലാസ്സിലെ കുമാരി ശ്രേയാമോള് എ.ആര്. തെരഞ്ഞെടുക്കപ്പെട്ടു.
പാഠ്യേതര പ്രവര്ത്തനങ്ങള്
- ജെ.ആര്.സി.
- സ്കൂള് വാഹന സൗകര്യം
- സ്കൂള് റേഡിയോ പ്രോഗ്രാം, "VOICE OF KAYAPPOOVAM കിളിക്കൊഞ്ചല്"
- പഠനയാത്രകള്
- ഉച്ചഭക്ഷണ പരിപാടിയില് രക്ഷിതാക്കളുടെ സഹകരണം.
- പ്രാദേശിക പി.റ്റി. എ.
- കലോത്സവ മത്സരങ്ങളില് കുട്ടികള്ക്കാവശ്യമായ പരിശീലകരെ ഏര്പ്പാടാക്കല്
- കായിക മത്സരങ്ങളില് പ്രത്യേക പരിശീലനം
- സാധുജനസഹായ പരിപാടി
- വിദ്യാലയ അടുക്കളത്തോട്ടം
- അസംബ്ലിയിലെ ക്വിസ് പ്രോഗ്രാമും സമ്മാന വിതരണവും
- മികച്ച പ്രവര്ത്തനങ്ങള് കാഴ്ച വക്കുന്നരെ ആദരിക്കല്
- ക്ലാസ് മാഗസിന്, സ്കൂള് മഗസിന്
- "വീട്ടിലൊരു പത്രം " പരിപാടി.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്ത്തനങ്ങള്.
മാനേജ്മെന്റ്
പത്തനംതീട്ട ജില്ലാ പഞ്ചായത്തിന്റെ അധീനതയിലാണ് സ്കൂള്. മല്ലപ്പള്ളി ഉപജില്ലാ വിദ്യാഭ്യാസ ഓഫീസര് ശ്രീ ഷാജി കെ. ആന്റണി, തിരുവല്ലാ ജീല്ലാ വിദ്യാഭ്യാസ ആഫീസര് ശ്രീമതി ഡി, ഉഷാദേവി, പത്തനംതിട്ട ജില്ലാ വിദ്യാഭ്യാസ ഉപഡയറക്ടര് ശ്രീമതി എസ്. സുജാത എന്നിവര് സ്കൂളിന്റെ മേല്നോട്ടം വഹിക്കുന്നു.
മുന് സാരഥികള്
സ്കൂളിന്റെ മുന് പ്രധാനാദ്ധ്യാപകര്.
ശ്രീ തോമസ് മാത്യു ; 1983-88,
ശ്രീമതി വി. വസന്താദേവി ; 1988. , ശ്രീമതി ഏലിയാമ്മ ജോര്ജ്ജ് 1988-92 .., ശ്രീ കെ.പി. ഫിലിപ്പ് 1992-93 .., ശ്രീമതി കെ.എന്. രാധക്കുട്ടിയമ്മ 1993-98 .. , ശ്രീമതി പി.പി.അന്ന 1998-99 .. , ശ്രീമതി റ്റി. ശാന്ത 1999-01 .. , ശ്രീമതി വി. ശോശാമ്മ ഐസക്ക് 2001-02 .. , ശ്രീമതി ജി.വിജയകുമാരി 2002-03 .. , ശ്രീമതി കെ. കനകമ്മ 2003-04.. , ശ്രീമതി പി.റ്റി.സൂസമ്മ 2004-06 .. , ശ്രീ റ്റി.വി.മാത്യു 2006-07 .. , ശ്രീമതി വത്സമ്മ മാത്യു 2007-08 .. , ശ്രീമതി കെ. ഖദീജ 2008 .., ശ്രീമതി എസ്. സാവിത്രി അന്തര്ജ്ജനം 2008-10 .. ശ്രീമതി എസ്. ശ്യാമളകുമാരി 2010-11 .. , ശ്രീമതി കെ.ഗിരിജാമണി 2011 .. , ശ്രീ മത്തായി വര്ഗീസ് 2011-14 .. , ശ്രീമതി എസ്. രമണി 2014 .. , ശ്രീ എ.ജെ. സെബാസ്റ്റ്യന് 2014-15 .. , ശ്രീ സണ്ണിക്കുട്ടി കുര്യന് 2015-... .. , |
പ്രശസ്തരായ പൂര്വവിദ്യാര്ത്ഥികള്
സ്കൂളിന്റെ അഭിമാനമാണ് പൂര്വ്വ വീദ്യാര്ത്ഥി കൂടിയായ മലങ്കര കത്തോലിക്കാ സഭയുടെ കര്ദ്ദിനാള് ബസേലിയോസ് മാര് ക്ലിമ്മിസ് തിരുമേനി.
പ്രശസ്തരായ പൂര്വവിദ്യാര്ത്ഥികള്
ഹായ് സ്കൂള് കുട്ടിക്കൂട്ടം
![](/images/3/32/37033_kuttikkoottam.jpg)
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്ഗ്ഗങ്ങള്
|
{{#multimaps: 9.437362, 76.617703|zoom=15}}