ജി.എച്ച്.എസ്. തലച്ചിറ/ലിറ്റിൽകൈറ്റ്സ്
| Home | 2023 - 26 | 2024 - 27 | 2025 - 28 |
  ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 -- Help
|
വിദ്യാർത്ഥികളിൽ കാണുന്ന സാങ്കേതികവിദ്യാപ്രയോഗക്ഷമതയെ ഹൈടെക്പദ്ധതിയുടെ മികവു വർദ്ധിപ്പിക്കാനുള്ള പ്രവർത്തനങ്ങൾക്കുള്ള ചാലകശക്തിയാക്കുന്നതിനായി സ്കൂളുകളിൽ നടപ്പിലാക്കിയ പദ്ധതിയാണ് ആണ് ലിറ്റിൽ കൈറ്റ്സ്. ഇന്ത്യയിലെ കുട്ടികളുടെ ഏറ്റവും വലിയ ഐടി കൂട്ടായ്മയാണ്ലിറ്റിൽ കൈറ്റ്സ്. തലച്ചിറ ഗവൺമെൻറ് ഹൈസ്കൂളിൽ ലിറ്റിൽ കൈറ്റ്സ് പദ്ധതി പ്രവർത്തനങ്ങളുടെ ചുമതല സജീവ് ആർ, സ്മിത എസ് എന്നിവർ നിർവഹിക്കുന്നു. വിവിധ പരിശീലനങ്ങൾ, വിദഗ്ധരുടെ ക്ലാസുകൾ, ഫീൽഡ് വിസിറ്റുകൾ, ക്യാമ്പുകൾ എന്നിവ സമയബന്ധിതമായി സംഘടിപ്പിക്കുന്നു. അനിമേഷൻ,മൊബൈൽ ആപ്പ് നിർമ്മാണം, ഗ്രാഫിക് ഡിസൈനിങ്, മലയാളം കമ്പ്യൂട്ടിംഗ്, ഹാർഡ്വെയർ, ഇലക്ട്രോണിക്സ്, റോബോട്ടിക്സ്, സൈബർ സുരക്ഷ തുടങ്ങിയവയിൽ പ്രത്യേക പരിശീലനം നൽകുന്നു.
ഹൈടെക് സ്കൂൾ പദ്ധതി പ്രകാരം നടപ്പിലാക്കിയ ലിറ്റിൽ കൈറ്റ്സ് ക്ലബ്ബിന്റെ പ്രവർത്തനം 2018 ൽ സ്കൂളിൽ ആരംഭിച്ചു (LK/2018/39259). 2019 സബ്ജില്ലാതല ക്യാമ്പിൽ ആറു കുട്ടികളും ജില്ലാതല ക്യാമ്പിൽ ഒരു കുട്ടിയും പങ്കെടുത്തു. 2020- 22 ബാച്ചിൽ 20 കുട്ടികളും 2020-23 ബാച്ചിൽ 20 കുട്ടികളും അംഗങ്ങളായി തുടരുന്നു.
ലിറ്റിൽ കൈറ്റ്സ് അവാർഡ് 2026 -കൊല്ലം ജില്ല ഒന്നാം സ്ഥാനം- ഗവ. ഹൈസ്കൂൾ തലച്ചിറ
പൊതുവിദ്യാലയങ്ങളിൽ കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന 'ലിറ്റിൽ കൈറ്റ്സ്' പദ്ധതിയിലെ ജില്ലാതല അവാർഡുകൾ പ്രഖ്യാപിച്ചു. കൊട്ടാരക്കര ഉപ ജില്ലയിലെ ഗവ.ഹൈസ്കൂൾ തലച്ചിറ, കൊല്ലം ജില്ലയിലെ മികച്ച യൂണിറ്റായി തിരഞ്ഞെടുക്കപ്പെട്ടു.
2025-26 അധ്യായന വർഷം ശ്രദ്ധേയമായ സാമൂഹിക ഇടപെടലുകൾ മുൻനിർത്തിയാണ് തലച്ചിറ ഗവ.ഹൈസ്കൂൾ ഒന്നാം സ്ഥാനത്തിന് അർഹമായത്. ഭിന്നശേഷി കുട്ടികൾക്കും രക്ഷിതാക്കൾക്കും നൽകിയ പ്രത്യേക പരിശീലനം,
യൂണിറ്റുകളുടെ ദൈനംദിന പ്രവർത്തനം, സാമൂഹിക ഇടപെടൽ, സ്കൂൾ വിക്കി, ഹൈടെക് ക്ലാസ്റൂം പരിപാലനം, സ്കൂൾ പാർലമെൻ്റ് തെരഞ്ഞെടുപ്പിൽ സോഫ്റ്റ് വെയർ , സ്കൂളിനായി CasaOS എന്ന വെബ് സെർവർ, വൈവിദ്ധ്യമാർന്ന റോബോ ഫെസ്റ്റ് തുടങ്ങി സ്കൂൾ ലിറ്റിൽ കൈറ്റ്സ്' നടത്തിയ മികവാർന്ന പ്രവർത്തനങ്ങൾ പരിഗണിച്ചാണ് കൈറ്റ് സി.ഇ.ഒ കെ. അൻവർ സാദത്ത് ചെയർമാനായ സമിതി ജേതാക്കളെ നിശ്ചയിച്ചത്. അവധിക്കാലത്ത് നടക്കുന്ന ലിറ്റിൽ കൈറ്റ്സ് സംസ്ഥാന ക്യാമ്പിനോടനുബന്ധിച്ച് അവാർഡുകൾ വിതരണം ചെയ്യും.
കൊല്ലം ജില്ലയിലെ ഏറ്റവും മികച്ച ലിറ്റിൽകൈറ്റ്സ് യൂണിറ്റിനുള്ള ഒന്നാം സ്ഥാനം നേടി വിജയ കുതിപ്പ് തുടരുകയാണ് കൊട്ടാരക്കര സബ് ജില്ലയിലെ ഈ സ്കൂൾ. 190 ൽ പരം ലിറ്റിൽകൈറ്റ്സ് യൂണിറ്റുകളുള്ള കൊല്ലം ജില്ലയിലെ മറ്റ് സ്കൂളുകളേക്കാൾ മികച്ച പ്രകടനം നടത്തിയാണ്, തലച്ചിറ ഗവ:ഹൈസ്കൂൾ ഈ ചരിത്രനേട്ടം കൈവരിച്ചത്. നിലവിൽ 8,9,10 ക്ലാസ്സുകളിലായി 88 കുട്ടികൾ ആണ് സ്കൂൾ ലിറ്റിൽകൈറ്റ് യൂണിറ്റിലുള്ളത്. ശ്രീ സുനിൽകുമാർ പ്രഥമാധ്യാപകനായ സ്കൂളിൽ ശ്രീ. സജീവ്.ആർ, ശ്രീമതി.സ്മിത. എസ് എന്നിവർ കൈറ്റ് മെൻ്റേഴ്സായി പ്രവർത്തിച്ച് വരുന്നു. അനിമേഷൻ പ്രോഗ്രാമിങ്, മലയാളം കമ്പ്യൂട്ടിങ്, ഡെസ്ക്ടോപ്പ് പബ്ലിഷിങ്, മീഡിയ പരിശീലനം, ഇലക്ട്രോണിക്സ്, റോബോട്ടിക്സ്, നിർമിത ബുദ്ധി ,സൈബർ സുരക്ഷ തുടങ്ങി വിവിധ മേഖലകളിൽ കുട്ടികൾക്ക് പരിശീലനം നൽകി വരുന്നു.
മുഖ്യപ്രവർത്തനങ്ങൾ-2021-22
ഏകദിന ക്യാമ്പ്
2020-23 ബാച്ചിലെ ലിറ്റിൽ കൈറ്റ്സ് അംഗങ്ങളുടെ ഏകദിന ക്യാമ്പ് സ്കൂൾ ഹെഡ്മിസ്ട്രസ് ശ്രീമതി ലിനി എസ് നിർവഹിച്ചു. 20 കുട്ടികളും ക്യാമ്പിൽ പങ്കെടുത്തു. അനിമേഷൻ, പ്രോഗ്രാമിംഗ് എന്നിവയ്ക്കുള്ള പരിശീലനമാണ് ക്യാമ്പിൽ നൽകിയത്.
| 39259-ലിറ്റിൽകൈറ്റ്സ് | |
|---|---|
 | |
| സ്കൂൾ കോഡ് | 39259 |
| യൂണിറ്റ് നമ്പർ | LK/2018/39259 |
| അംഗങ്ങളുടെ എണ്ണം | 20 |
| റവന്യൂ ജില്ല | കൊല്ലം |
| വിദ്യാഭ്യാസ ജില്ല | കൊട്ടാരക്കര |
| ഉപജില്ല | കൊട്ടാരക്കര |
| ലീഡർ | അർഷദ് എസ് എച്ച് |
| ഡെപ്യൂട്ടി ലീഡർ | ആസിയ ഷെഹീർ |
| കൈറ്റ് മാസ്റ്റർ / മിസ്ട്രസ് 1 | സജീവ് ആർ |
| കൈറ്റ് മാസ്റ്റർ / മിസ്ട്രസ് 2 | സ്മിത എസ് |
| അവസാനം തിരുത്തിയത് | |
| 19-03-2026 | 39259 |
ഡിജിറ്റൽ മാഗസിൻ 2019
മികവുത്സവം 2025 (Robo Fest)
തലച്ചിറ ഗവൺമെൻറ് ഹൈസ്കൂളിൽ ലിറ്റിൽ കൈറ്റ്സിന്റെ നേതൃത്വത്തിൽ മികവുത്സവം 2025 (Robo Fest) 21/02/25 ന് സംഘടിപ്പിച്ചു. ബഹുമാനപ്പെട്ട സ്കൂൾ ഹെഡ്മാസ്റ്റർ ശ്രീ സുനിൽകുമാർ സാർ ഉദ്ഘാടനം ചെയ്തു. ശ്രീ അഭിഷേക് .ജി ( Master Trainer ,KITE Kollam ) ഫെസ്റ്റ് സന്ദർശിച്ചു. സ്കൂൾ എസ്. എം. സി. ചെയർമാൻ ശ്രീ അഭിലാഷ്, എം. പി. ടി. എ പ്രസിഡൻ്റ് ശ്രീമതി രമ്യ, PTA വൈസ് പ്രസിഡൻറ് ശ്രീമതി കലാദേവി എന്നിവർ പങ്കെടുത്തു. കൈറ്റ് മാസ്റ്റർ ശ്രീ സജീവ് .ആർ , കൈറ്റ് മിസ്ട്രസ്സ് ശ്രീമതി .സ്മിത. എസ്, ലിറ്റിൽ കൈറ്റ് അംഗം റോബിൻ ബിജു എന്നിവർ ഫെസ്റ്റിന് നേതൃത്വം നൽകി.
