എം.ജി.എം.എൻ.എസ്സ് .എസ്സ്.എച്ച്.എസ്സ്. ളാക്കാട്ടൂർ/പ്രവർത്തനങ്ങൾ/2025-26
==പ്രവേശനോൽസവം 2025==
| Home | 2025-26 |
|
Archive   2022-23 2023-24 2024-25 2025-26
|
ളാക്കാട്ടൂർ എം.ജിഎം എൻ.എസ്.എസ് എച്ച്.എസ്.എസ് സ്കൂളിലെ 2025 വർഷത്തെ പ്രവേശനോത്സവം അതിവിപുലമായി ജൂൺ രണ്ടാം തീയതി രാവിലെ 10 മണി മുതൽ ആരംഭിച്ചു. സ്കൂൾ മാനേജർ ശ്രീ. രാമചന്ദ്രൻ നായരുടെ അധ്യക്ഷതയിൽ നടന്ന പരിപാടിയിൽ സ്കൂൾ ഹെഡ്മിസ്ട്രസ്സ് ശ്രീമതി സ്വപ്ന ബി നായർ സ്വാഗത പ്രസംഗം നടത്തി. പ്രവേശനോത്സവ ഉദ്ഘാടനം മഹാത്മാ ഗാന്ധി യൂണിവേഴ്സിറ്റി സിൻഡിക്കേറ്റ് മെമ്പർ ആയ ശ്രീ. അഡ്വക്കേറ്റ് റെജി സഖറിയ നിർവഹിച്ചു.
എസ്സ്.എസ്സ്.എൽ.സി പരീക്ഷയിൽ എല്ലാ വിഷയങ്ങൾക്കും എ പ്ലസ് നേടിയ കുട്ടികളെ കൂരോപ്പട ഗ്രാമപഞ്ചായത്ത് പ്രസിഡൻ്റ് ശ്രീമതി അമ്പിളി മാത്യു ഉപഹാരം നൽകി ആദരിച്ചു.
മൂന്നാം വാർഡ് മെമ്പർ ശ്രീമതി മഞ്ജു കൃഷ്ണ കുമാർ, സ്കൂൾ പ്രിൻസിപ്പാൾ ശ്രീ. കെ. കെ ഗോപകുമാർ, പി. റ്റി.എ പ്രസിഡൻ്റ് ശ്രീമതി സന്ധ്യാ ജി നായർ, പി.റ്റി.എ വൈസ് പ്രസിഡൻ്റ് ശ്രീ. അശോക് കുമാർ എന്നിവർ ആശംസാ പ്രസംഗം നടത്തി. സ്കൂളിൽ പുതിയതായി പ്രവേശനം നേടിയ വിദ്യാർഥികളെ ക്ലാസ് ടീച്ചർ പ്രശസ്തരുടെ പുസ്തകം നൽകിയാണ് ക്ലാസിലേക്ക് സ്വീകരിച്ചത്. സ്കൂൾ ലിറ്റിൽ കൈറ്റ്സ്, സ്കൗട്ട്,ഗൈഡ് , റെഡ് ക്രോസ് ക്ലബ് വിദ്യാർത്ഥികളുടെ നേതൃത്ത്വത്തിൽ എല്ലാ കുട്ടികൾക്കും മധുര പലഹാര വിതരണം നടത്തി. ലിറ്റിൽ കൈറ്റ്സ് കുട്ടികൾ പരിപാടിയുടെ ഡോക്യുമെൻ്റേഷൻ നടത്തുകയും ചെയ്തു. കുട്ടികളുടെ വിവിധ കലാപരിപാടികളോടെ ഉച്ചക്ക് പ്രവേശനോത്സവ പരിപാടി അവസാനിച്ചു .
ലഹരി വിരുദ്ധ ക്യാമ്പയിൻ
"Say No to Drugs" എന്ന പേരിൽ 03/06/2025 ൽ സ്കൂൾ അദ്ധ്യാപകർ,ലിറ്റിൽ കൈറ്റ്സ് ,സ്കൗട്ട് ആൻഡ് ഗൈഡ് കുട്ടികളുടെ നേതൃത്വത്തിൽ ലഹരി വിരുദ്ധ ദിനം ആചരിച്ചു.പത്താം ക്ലാസ് കുട്ടികളുടെ നേതൃത്വത്തിൽ നടത്തിയ സ്കൂൾ സ്പെഷ്യൽ അസംബ്ലിയിൽ ലഹരി വിരുദ്ധ പ്രതിജ്ഞയെടുത്തു. കൈറ്റ് വിക്ടേഴ്സ് വഴി ബഹു. മുഖ്യമന്ത്രിയുടെ ലഹരി വിരുദ്ധ സന്ദേശം ലൈവ് ആയി കാണാൻ കുട്ടികൾക്ക് അവസരം നൽകി .കൂടാതെ ബോധവൽക്കരണ പരിപാടികൾ, ഫ്ലാഷ് മോബ് എന്നിവയും നടത്തി.
ട്രാഫിക് ബോധവൽക്കരണം
സ്കൂൾ സോഷ്യൽ സയൻസ് ക്ലബ്ബിൻറെ നേതൃത്വത്തിൽ 04-06-2025 ൽ കുട്ടികൾക്കായി ട്രാഫിക് - റോഡ് നിയമങ്ങളെപ്പറ്റിയും സ്കൂൾ ബസ് സുരക്ഷിതത്വത്തെ കുറിച്ച്ചും ബോധവൽക്കരണം നടത്തി.
കരാട്ടെ ചാംപ്യൻഷിപ്പ്
ജില്ലാതല കരാട്ടെ ചാമ്പ്യൻഷിപ്പിൽ മൂന്നാം സമ്മാനവും വെങ്കല മെഡലും നേടിയ 6C ക്ലാസിലെ കീർത്തന കെ അരുൺ
സംസ്ഥാന ശാസ്ത്രമേളയിലെ വിജയം
കേരളാ സ്കൂൾ ശാസ്ത്രമേളയിൽ ഐ റ്റി വിഭാഗം അനിമേഷനിൽ സ്റ്റേറ്റ് ലെവൽ ഒന്നാം സ്ഥാനവും എ ഗ്രേഡും നേടിയ ഹരിനാരായണൻ വി യെ സ്കൂൾ മാനേജർ ശ്രീ രാമചന്ദ്രൻ നായർ ,പി റ്റി എ പ്രെസിഡന്റ് ശ്രീ അശോക് കുമാർ , സ്കൂൾ ഹെഡ്മിസ്ട്രസ് ശ്രീമതി സ്വപ്ന ബി നായർ എന്നിവർ സ്കൂൾ സ്ഥിതി ചെയ്യുന്ന ഗ്രാമമായ ളാക്കാട്ടൂരിൽ വെച്ച് ബാൻഡ് മേളത്തിന്റെ അകമ്പടിയോട് കൂടി അനുമോദച്ചു. സ്കൂൾ ചരിത്രത്തിൽ ശാസ്ത്രമേളയിൽ ഒന്നാം സ്ഥാനം ആദ്യമായി കിട്ടിയതിൽ അധ്യാപകർ എല്ലാ കുട്ടികൾക്കും മധുര വിതരണം നൽകി.
