അകവൂർ എച്ച്.എസ്.ശ്രീമൂലനഗരം/പ്രവർത്തനങ്ങൾ/2025-26
| Home | 2025-26 |
|
Archive   2022-23 2023-24 2024-25 2025-26
|
🎉 പ്രവേശനോത്സവം 2025
2025ലെ പ്രവേശനോത്സവം സമുചിതമായി ആഘോഷിച്ചു. കുട്ടികൾ ജൂൺ രണ്ടാം തീയതി രാവിലെ 9 മണിയോടെ പുത്തനുടുപ്പുകളും പുത്തൻ ബാഗുകളും പുത്തൻ പുസ്തകങ്ങളും പുത്തൻ പ്രതീക്ഷകളുമായി സ്കൂളിൽ എത്തിച്ചേർന്നു. രാവിലെ 11 മണിക്ക് പ്രാർത്ഥനാ ഗീതത്തോടെ ഈ അധ്യയന വർഷത്തെ പ്രവേശനോത്സവം സമാരംഭിച്ചു. കാഞ്ഞൂർ പഞ്ചായത്ത് പ്രസിഡൻറ് ശ്രീമതി പ്രിയ രഘു ഉദ്ഘാടനം ചെയ്തു. തുടർന്ന് ആലുവ വിമൺ സിവിൽ എക്സൈസ് ഓഫീസർ ആയ ശ്രീമതി ധന്യ കെ ജെ , "വേണ്ട ലഹരിയും ഹിംസയും" എന്ന വിഷയത്തിൽ മുഖ്യപ്രഭാഷണം നടത്തി. ശ്രീമതി മോളി ബെന്നി, ലിംഗ സമത്വ ബോധവൽക്കരണ ക്ലാസ് നടത്തി. ശ്രീമൂലനഗരം പഞ്ചായത്ത് പ്രസിഡൻറ് ശ്രീ വി എം ഷംസുദ്ദീൻ, വാർഡ് മെമ്പർ ശ്രീമതി റിൻസി സാജു , സ്കൂൾ മാനേജർ ശ്രീ സുനിൽകുമാർ, ഗ്രാമസേവാസമിതി സെക്രട്ടറി ശ്രീ പി സന്തോഷ് കുമാർ, സഹോസ പ്രസിഡൻറ് ശ്രീ ബിജു കൈത്തോട്ടുങ്കൽ, എം പി ടി എ ശ്രീമതി നിമ്മി ഫൈസൽ എന്നിവർ ആശംസകൾ അറിയിച്ചു. സ്കൂൾ സീനിയർ അസിസ്റ്റൻറ് ശ്രീമതി പ്രിയ കെ എൻ നന്ദി പ്രകടിപ്പിച്ചു. ഒരു മണിയോടെ ഉച്ചഭക്ഷണം കൊടുത്ത് കുട്ടികളെ രക്ഷകർത്താക്കളോടൊപ്പം വീട്ടിലേക്ക് വിട്ടു https://youtube.com/shorts/rPydsaVaauM?si=jxx9Qi__u_LiSwEo
ലോക പരിസ്ഥിതി ദിനം
2025 ജൂൺ അഞ്ചാം തീയതി അകവൂർ ഹൈസ്കൂളിൽ ലോക പരിസ്ഥിതി ദിനം ആഘോഷിച്ചു . സ്പെഷ്യൽ അസംബ്ലി, മരം നടൽ, ഔഷധത്തോട്ട നിർമ്മാണം, ശാസ്ത്ര ക്വിസ്, പ്ലാസ്റ്റിക് വിരുദ്ധ ക്യാമ്പയിൻ എന്നിവ സംഘടിപ്പിച്ചു
⭐ വിദ്യാരംഗം കലാസാഹിത്യ വേദി ഉദ്ഘാടനവും വായന ദിനാചരണവും
അന്താരാഷ്ട്ര വായന ദിനമായ ജൂൺ 19ന് വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വായന ദിനാചരണം സംഘടിപ്പിച്ചു. അകവൂർ ഹൈസ്കൂളിലെ പൂർവ്വ വിദ്യാർത്ഥിയും പ്രശസ്ത സാഹിത്യ സാംസ്കാരിക നായകനുമായ ശ്രീ ശ്രീമൂലനഗരം മോഹനൻ ചടങ്ങ് ഉദ്ഘാടനം ചെയ്തു. സ്കൂൾ പിടിഎ പ്രസിഡൻറ് ശ്രീ കെ എ നൗഷാദ് അധ്യക്ഷനായ യോഗം സ്കൂൾ ഹെഡ്മിസ്ട്രസ് ശ്രീമതി ദീപാ സുകുമാർ സ്വാഗതം ചെയ്തു.സ്കൂൾ വിദ്യാരംഗം കോഡിനേറ്റർ ശ്രീമതി മഞ്ജുളവർമ്മ നന്ദി പ്രകാശിപ്പിച്ചു .https://youtube.com/shorts/Ce0PetlNQ9I?si=aOi7KN9pzDIwvCuj
⭐വിദ്യാരംഗം കലാസാഹിത്യ വേദി ബഷീർ ദിനവുമായി ബന്ധപ്പെട്ട് ഡിജിറ്റൽ പോസ്റ്റർ നിർമ്മാണം(LITTLE KITES), ബഷീർ ദിന ക്വിസ് എന്നിവ നടത്തുകയുണ്ടായി. സ്കൂൾതല വിജയികൾHS വിഭാഗം സായൂജ്യ കെ.ആർ (9 B ), ഹസ്ബിയ കെ.ആർ (9 C). UP വിഭാഗം മുഹമ്മദ് സിനാൻ കെ എം(7C), അബ്ദുള്ള നാസ്വിഹ്(7B).https://youtu.be/4MN7bn2_nSU?si=8mBYhOMkyWQ0qJzT
ലോക ലഹരി വിരുദ്ധ ദിനം
2025 ജൂൺ 26 ന് ലോക ലഹരി വിരുദ്ധ ദിനം ആചരിച്ചു. പോസ്റ്റർ നിർമ്മാണം, ലഹരിവിരുദ്ധ ആശയം കുട്ടികൾക്ക് നൽകുന്ന നൃത്താവതരണം, 'ലഹരിക്കെതിരെ എൻറെ ഹൃദയത്തിൽ നിന്ന്' എന്ന ആശയം പ്രചരിപ്പിക്കുന്നതിനായി കൈമുദ്രപതിക്കൽ, ലഹരി വിരുദ്ധ ബോധവൽക്കരണം എന്നിവ സംഘടിപ്പിച്ചു.
സ്കൂൾ പാർലമെൻ്റ് ഇലക്ഷൻ
ജൂലൈ - 18 ന് സ്കൂൾ പാർലമെൻ്റ് ഇലക്ഷൻ നടത്തി . തീർത്തും ജനാധിപത്യപരമായ മാതൃകയിലായിരുന്നു ഇലക്ഷൻ നടത്തിയത്. ജനാധിപത്യം ജീവിത ശൈലി കൂടിയാണെന്ന് കുട്ടികളെ ബോധ്യപ്പെടുത്താൻ സാധിച്ചു. വോട്ട് ചെയ്യേണ്ടതെങ്ങനെയെന്ന് കുട്ടികളെ മനസ്സിലാക്കി കൊടുക്കാൻ ഇതുവഴി സാധിച്ചു. സാധാരണ ഇലക്ഷൻ നടക്കുന്ന എല്ലാ രീതികളും ഇതിലും അവലം ബിച്ചു കുട്ടികൾക്ക് വേറിട്ട ഒരനുഭവം നൽകാൻ ഇതുവഴി സാധിച്ചു.
ചാന്ദ്രദിനം
2025 ജൂലൈ 21-ന് സ്കൂളിൽ Moon Day (ചാന്ദ്രദിനം) ഉത്സാഹപൂർവം ആചരിച്ചു. ഈ ദിനം മൂൺലാൻഡിംഗ് ദിനമായി ലോകം മുഴുവൻ ആഘോഷിക്കുന്ന ദിനമാണ്. 1969-ലെ ജുലൈ 21-ന് Neil Armstrong ചന്ദ്രനിൽ കാൽവച്ചു, അതിനുശേഷം ഇന്ത്യ ഉൾപ്പെടെ ലോകമാകെ ശാസ്ത്രത്തിലെ വലിയ ചുവടുവയ്പ്പായി ഈ ദിവസം മാറി.
കുട്ടികൾ നടത്തിയ പ്രധാന പ്രവർത്തനങ്ങൾ:
1. പ്രസംഗ മത്സരം: "ചന്ദ്രനിൽ കാലുവച്ച ആദ്യ മനുഷ്യൻ" എന്ന വിഷയത്തിൽ
2. റോക്കറ്റ് മോഡൽ നിർമ്മാണം – വിദ്യാർത്ഥികൾ റീസൈക്കിൾ മെറ്റീരിയലുകൾ ഉപയോഗിച്ച് .
3. ചിത്രരചന മത്സരങ്ങൾ: ചന്ദ്രൻ, ഗ്രഹങ്ങൾ, ആകാശഗംഗ എന്നീ വിഷങ്ങളിലായി.
4. ഓറിയന്റേഷൻ ക്ലാസ്: ശാസ്ത്രാധ്യാപകൻ ചന്ദ്രയാന്റെയും ISROയുടെ ദൗത്യങ്ങളെയും കുറിച്ച്
https://youtu.be/OdBBqUKVllo?si=bEuj_77oS68yXv3t
രാമായണക്വിസ്
📋 30/07/25 ന് ലാംഗ്വേജ് ക്ലബ്ബിൻ്റെ ആഭിമുഖ്യത്തിൽ രാമായണക്വിസ് നടത്തി. യു പി വിഭാഗത്തിൽ ഒന്നാം സ്ഥാനം അലൻ, രണ്ടാം സ്ഥാനം മാനവ് എന്നിവർക്ക് ലഭിച്ചു. ഹൈസ്കൂൾ വിഭാഗത്തിൽ ഒന്നാം സ്ഥാനം ചെമ്പകവല്ലി , രണ്ടാം സ്ഥാനം ദിവൃ എന്നിവർക്കും ലഭിച്ചു.
സ്കൗട്ട്സ് ആൻഡ് ഗൈഡ്സ് സ്കാർഫ്ഡേ ആചരിച്ചു
2025 ഓഗസ്റ്റ് ഒന്നാം തീയതി സ്കൗട്ട് ആൻഡ് ഗൈഡ്സിന്റെ നേതൃത്വത്തിൽ സ്കാർഫ്ഡേ ആചരിച്ചു. സ്കൗട്ട്സ് ആൻഡ് ഗൈഡ്സിന്റെ പ്രതീകാത്മകതയും തത്വങ്ങളും പൊതുജനങ്ങളിലേക്ക് എത്തിക്കുന്നതിന് വേണ്ടിയാണ് സ്കാർഫ്ഡേ ആചരിക്കുന്നത്
.
ഔഷധ കഞ്ഞി വിതരണം
🥣 4/8/25 കുട്ടികൾക്കായി ഔഷധ കഞ്ഞി വിതരണം നടത്തി.കർക്കിടകത്തിലെ ഔഷധകഞ്ഞി എന്നത് ആയുർവേദ സംസ്കാരത്തിൽ വളരെ പ്രധാനപ്പെട്ട ഒരു രീതി ആണ്. കർക്കിടകത്തിൽ ശരീരത്തിന്റെ പ്രതിരോധ ശേഷി കുറയുന്നതിനാൽ രോഗങ്ങൾ വരാൻ സാധ്യത കൂടും. അതിന് ഓഷധകഞ്ഞി ഒരു പ്രതിവിധിയാണ്. https://youtu.be/cR_19OcOHuQ?si=4GMVqJaXLODjf8xm
✍️ സ്കൂൾ കലോത്സവം സംസ്കൃതി 2025- OFFSTAGE ITEMShttps://youtu.be/3Sps4p7nv08?si=Uv5udhTGIh15tUd7
💉വാക്സിനേഷൻ
5/8/25 കാഞ്ഞൂർ പ്രാഥമിക ആരോഗ്യ കേന്ദ്രത്തിൻ്റെ നേതൃത്വത്തിൽ 5, 10 ക്ലാസ്സുകളിലെ കുട്ടികൾക്ക് Td വാക്സിൻ നൽകി.
🧾 7/8/25 കയ്യെഴുത്ത് പത്ര പ്രകാശനം
ഇംഗ്ലീഷ് ക്ലബ്ബിൻറെ ആഭിമുഖ്യത്തിൽ പത്താം ക്ലാസിലെ കുട്ടികൾ തയ്യാറാക്കിയ "സ്കൂൾ സ്ഫിയേഴ്സ്" എന്ന ഇംഗ്ലീഷ് പത്രത്തിൻറെ കയ്യെഴുത്തു പ്രതി സ്കൂൾ ഹെഡ്മിസ്ട്രസ് ശ്രീമതി ദീപാ സുകുമാർ പ്രകാശനം ചെയ്തു
. https://youtube.com/shorts/3WgYr9HJ0bk?si=3PonoqPIUcGw_P3d
🥁 11/8/25 ലഹരി ബോധവൽക്കരണവും മിഴാവ് മേളവും
വളർന്ന് വരുന്ന പുതുതലമുറയ്ക്ക് ഭാരതീയ കലാരൂപങ്ങളും മേളങ്ങളുമാണ് ലഹരിയാകേണ്ടത് എന്ന് മനസ്സിലാക്കി കൊടുക്കുവാൻ കേന്ദ്ര സർക്കാരിൻ്റെ സാംസ്കാരിക സ്ഥാപനമായ ഡൽഹിയിലെ ഇന്ദിരാ ഗാന്ധി നാഷണൽ സെൻ്റർ ഫോർ ദി ആർട്സിന്റെ (ഐജിഎൻസിഎ) കേരള ഘടകമായ തൃശൂർ കേന്ദ്രവും ശ്രീമൂലനഗരം അകവൂർ ഹൈസ്കൂളും സംയുക്തമായി സംഘടിപ്പിച്ച ഒരു ശില്പശാല. പുരാതന കലാരൂപമായ കൂടിയാട്ടത്തിന്റെ പശ്ചാത്തല വാദ്യമായ മിഴാവിൻ്റെ സ്വതന്ത്ര അവതരണമായ മിഴാവ് മേളം പോലുള്ള കലകളാണ് ലഹരിയാകേണ്ടത് എന്ന സന്ദേശം കൊടുത്തു കൊണ്ടുള്ള പ്രഭാഷണവും തുടർന്ന് മിഴാവു രംഗത്തെ പ്രഗല്ഭ കലാകാരൻ കലാമണ്ഡലം രാജീവ് നയിക്കുന്ന മിഴാവുമേളവും ഇന്ന് അകവൂർ ഹൈസ്കൂൾ ഓഡിറ്റോറിയ ത്തിൽ സംഘടിപ്പിച്ചു. https://youtu.be/3VFZSp8sitc?si=PtJLHmswDKOjicVe
ഡിജിറ്റൽ പത്ര പ്രകാശനം
2023-2026 ലിറ്റിൽ കൈറ്റ്സ് ബാച്ചിലെ കുട്ടികൾ സ്കൂളിലെ ആദ്യ ടേമിലെ വാർത്തകൾ ഉൾക്കൊള്ളിച്ചുകൊണ്ട് തയ്യാറാക്കിയ ഡിജിറ്റൽ പത്രം '"വൈഖരി" യുടെ ഹാർഡ് കോപ്പിയുടെ പ്രകാശനം സ്വാതന്ത്ര്യദിനാഘോഷത്തോടനുബന്ധിച്ച് സ്കൂൾ ഹെഡ്മിസ്ട്രസ് ശ്രീമതി ദീപാ സുകുമാർ നിർവഹിച്ചു.
സ്വാതന്ത്ര്യദിനാഘോഷം
ഭാരതത്തിൻറെ 78 ആം സ്വാതന്ത്ര്യദിനം സ്കൂളിൽ ആഘോഷപൂർവ്വം ആചരിച്ചു. രാവിലെ 8 .55 ന് പതാക ഉയർത്തി. തുടർന്ന് കുട്ടികളുടെ മാസ്സ് ഡ്രിൽ ഉണ്ടായിരുന്നു. യോഗ നടപടികളിൽ സ്കൂൾ ഹെഡ്മിസ്ട്രസ് ശ്രീമതി ദീപാ സുകുമാർ സ്വാഗതം ആശംസിച്ചു. സ്കൂൾ പിടിഎ പ്രസിഡണ്ട് അധ്യക്ഷനായ യോഗനടപടികളിൽ സ്കൂൾ മാനേജരായ ശ്രീ പി ആർ സുനിൽകുമാർ, സ്കൂൾ സീനിയർ അസിസ്റ്റൻറ് ആയ ശ്രീമതിപ്രിയ കെ എൻ എന്നിവർ ആശംസകൾ അറിയിച്ചു. മാസ്റ്റർ സാജൻ ദഹാൽ കൃതജ്ഞത അറിയിച്ചു. തുടർന്ന് കുട്ടികളുടെ വിവിധ കലാപരിപാടികൾ ഉണ്ടായിരുന്നു. എല്ലാ കുട്ടികൾക്കും സ്വാതന്ത്ര്യദിനാഘോഷത്തോടനുബന്ധിച്ച് മധുരം നൽകി.https://youtu.be/KndsoeIkNBc?si=8-0xuJKdSvVV5pN6
ഓണാഘോഷം
സ്കൂളിൽ എല്ലാ വർഷവും ഓണാഘോഷം ആവേശകരമായി നടത്തപ്പെടുന്നു. ഈ വർഷവും 27/08/2025 ന് അതിഗംഭീരമായി ഓണാഘോഷം നടത്തി. വിദ്യാർത്ഥികൾ പൂക്കളം ഒരുക്കുകയും, ഓണപ്പാട്ട്, തിരുവാതിര, വടം വലി , ഓണക്കളികൾ, വിവിധ കലാപരിപാടികൾ എന്നിവ അവതരിപ്പിക്കുകയും ചെയ്തു. അധ്യാപകരും, കുട്ടികളും, പി ടി എ പ്രതിനിധികളും ഒരുമിച്ച് പങ്കെടുത്ത് ആഘോഷം ഭംഗിയാക്കി. ഓണസദ്യയും വിവിധ മത്സരങ്ങളും കുട്ടികൾക്ക് ഏറെ സന്തോഷം പകർന്നു. https://youtu.be/b1p_Jr4uky8?si=1hUTVivFnboiIl3x
CAPPING CEREMONY
JRC A level കുട്ടികളുടെ capping ceremony 11/09/2025, വ്യാഴാഴ്ച സ്കൂൾ അസംബിളിയിൽ വച്ച് നടത്തപ്പെട്ടു. HM in charge പ്രിയ ടീച്ചർ കുട്ടികൾക്ക് യൂണിഫോം വിതരണം ചെയ്തു. JRC കോർഡിനേറ്റർ പൂർണശ്രീ ടീച്ചർ നേതൃത്വം നൽകി.
ശാസ്ത്ര- സാമൂഹ്യശാസ്ത്ര- ഗണിത- ഭാഷാ -മേള
സ്കൂളിലെ ഈ വർഷത്തെ ശാസ്ത്രമേള 2025 സെപ്റ്റംബർ പതിനഞ്ചാം തീയതി അതിഗംഭീരമായി സംഘടിപ്പിച്ചു. കുട്ടികളിൽ ഗവേഷണാത്മക ചിന്ത വളർത്തിയെടുക്കുക, ശാസ്ത്ര അഭിരുചി വർദ്ധിപ്പിക്കുക എന്നീ ലക്ഷ്യങ്ങളോടെയാണ് ശാസ്ത്രമേള സംഘടിപ്പിക്കുന്നത്. വളരെ വ്യത്യസ്തങ്ങളായ പ്രദർശന വസ്തുക്കൾ വിഷയാടിസ്ഥാനത്തിൽ കുട്ടികൾ തയ്യാറാക്കി എന്നുള്ളത് അഭിനന്ദനങ്ങൾ അർഹിക്കുന്നതാണ്.
സ്റ്റിൽ മോഡലുകൾ , വർക്കിംഗ് മോഡലുകൾ,പരീക്ഷണങ്ങൾ, പ്രോജക്ടുകൾ, വ്യത്യസ്ത തരം ചാർട്ടുകൾ, ഹെർബേറിയം , ജോമട്രിക്കൽ ചാർട്ടുകൾ , കളക്ഷനുകൾ എന്നിവ ആരെയും ആകർഷിക്കുന്നവ ആയിരുന്നു.
https://youtu.be/AwXmd_BiS80?si=x358RnqBunGt20jS
സ്കൂൾ കലോത്സവം " സംസ്കൃതി"
കുട്ടികളുടെ വിവിധ കലാപരിപാടികൾ സമന്വയിപ്പിച്ചുകൊണ്ട് സ്കൂൾ കലോത്സവം "സംസ്കൃതി" സെപ്റ്റംബർ മാസം 16, 17 തീയതികളിലായി അതിഗംഭീരമായി നടക്കുകയുണ്ടായി. സ്കൂൾ പിടിഎ പ്രസിഡൻറ് ശ്രീ കെ എ നൗഷാദ് അധ്യക്ഷനായ യോഗ നടപടികൾ, ഇന്ത്യയ്ക്ക് അകത്തും പുറത്തുമായി 10000 ത്തിൽ അധികം വേദികളിൽ ചാക്യാർകൂത്ത് അവതരിപ്പിച്ചിട്ടുള്ള, ചാക്യാർകൂത്ത് കുലപതിയും സ്കൂളിലെ പൂർവ്വ വിദ്യാർത്ഥിയുമായ Dr. എടനാട് രാജൻ നമ്പ്യാർ ഉദ്ഘാടനം ചെയ്തു. സ്കൂൾ ആർട്സ് ക്ലബ് സെക്രട്ടറിയായ കുമാരി ഗൗരി കൃഷ്ണ സ്വാഗതം പറഞ്ഞു. സ്കൂൾ ഹെഡ്മിസ്ട്രസ് ശ്രീമതി ദീപാ സുകുമാർ ആശംസകൾ അറിയിച്ചു . സീനിയർ അസിസ്റ്റൻറ് ശ്രീമതി പ്രിയ കെ എൻ കൃതജ്ഞതാ പ്രസംഗം നടത്തി. കുട്ടികളുടെ വിവിധങ്ങളായ കലാപരിപാടികളാൽ സമ്പന്നമായ "സംസ്കൃതി 2025" വളരെ ഉന്നത നിലവാരം പുലർത്തി.
https://youtu.be/pwUkfzYh1hw?si=r7NzTTbHyN-_qYx
https://youtube.com/shorts/sx-w5DPoshc?si=CbFtHIJlczQluuvS
https://youtube.com/shorts/irQFZdvRFGI?si=ZvibhQnTZWc_r28W
https://youtube.com/shorts/ezj6p2lfY90?si=rx4BCftmQbBLb9iY
https://youtu.be/pDJ1BSzCANk?si=CLYghHWaMDOFJ0tp
സ്കൂൾ സ്പോർട്സ് ഡേ
സെപ്റ്റംബർ 19 ആം തീയതി പതാക ഉയർത്തലോടെ സമാരംഭിച്ചു. പിടിഎ പ്രസിഡൻറ് ശ്രീ കെ എ നൗഷാദ് ചടങ്ങിൽ സംസാരിച്ചു. സ്കൂൾ ഫിസിക്കൽ എജുക്കേഷൻ അധ്യാപകൻ ശ്രീ സുനു ജോസിന്റെ നേതൃത്വത്തിൽ വിവിധങ്ങളായ കായിക മത്സരങ്ങൾ നടത്തുകയും വിജയികൾക്ക് സമ്മാനങ്ങൾ നൽകുകയും ചെയ്തു.
https://youtube.com/shorts/OiTwyX1M00k?si=7c7Tbk4Tck0Gvsxh
സോഫ്റ്റ്വെയർ ഫ്രീഡം ഫെസ്റ്റ്
അകവൂർ ഹൈസ്കൂളിലെ ലിറ്റിൽ കൈറ്റ്സ് ക്ലബ്ബിൻറെ നേതൃത്വത്തിൽ , സ്വതന്ത്ര സോഫ്റ്റ്വെയർ ദിനാചരണത്തിന്റെ ഭാഗമായി , സോഫ്റ്റ്വെയർ ഫ്രീഡം ഫെസ്റ്റിന് തുടക്കം കുറിച്ചു. സ്കൂൾ മാനേജർ ശ്രീ പി .ആർ. സുനിൽകുമാർ ഫെസ്റ്റ് ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് ശ്രീമതി ദീപ സുകുമാർ യോഗത്തിൽ ആശംസകൾ അറിയിച്ചു. ലിറ്റിൽ കൈറ്റ്സ് മിസ്ട്രസ്സുമാരായ ശ്രീമതി രഞ്ജി ഗോപിനാഥ്, ശ്രീമതി അനി. സി.നായർ എന്നിവർ നേതൃത്വം വഹിച്ചു. സ്കൂൾ അസംബ്ലിയിൽ കുമാരി അലോണ അജീഷ് സ്വതന്ത്ര സോഫ്റ്റ്വെയർ ദിനാചരണത്തോടനുബന്ധിച്ച് പ്രതിജ്ഞ ചൊല്ലി കൊടുത്തു.
മെഗാ റോബോ ഫെസ്റ്റ് 2025
ശ്രീമൂലനഗരം: അകവൂർ ഹൈസ്കൂളിൽ ലിറ്റിൽ കൈറ്റ്സ് ക്ലബ്ബിൻറെ ആഭിമുഖ്യത്തിൽ "റോബോ ഫെസ്റ്റ്" സംഘടിപ്പിച്ചു. പത്താം ക്ലാസിൽ പഠിക്കുന്ന ലിറ്റിൽ കൈറ്റ്സ് അംഗങ്ങൾ തയ്യാറാക്കിയ റോബോട്ടിക് ഉപകരണങ്ങളുടെ പ്രദർശനം എറണാകുളം ആസ്ഥാനമായി പ്രവർത്തിക്കുന്ന ലൂമിനാർ ടെക്നോ ലാബിന്റെ സ്ഥാപകനും മാനേജിംഗ് ഡയറക്ടറുമായ ശ്രീ രാഹുൽ മോഹൻകുമാർ ഉദ്ഘാടനം ചെയ്തു. സ്കൂൾ പിടിഎ പ്രസിഡണ്ട് ശ്രീ കെ .എ നൗഷാദ് അധ്യക്ഷൻ ആയിരുന്ന യോഗത്തിൽ കൈറ്റ് മാസ്റ്റർ ട്രെയിനി ശ്രീ ഉണ്ണി ഗൗതമൻ, സ്കൂൾ മാനേജർ ശ്രീ പി .ആർ സുനിൽകുമാർ എന്നിവർ ആശംസകൾ അറിയിച്ചു. ലിറ്റിൽ കൈറ്റ്സ് മിസ്ട്രസ്മാരായ ശ്രീമതി രഞ്ജി ഗോപിനാഥ്, അനി. സി .നായർ, രശ്മി പി .വി എന്നിവർ നേതൃത്വം നൽകി.
https://youtu.be/4t5W2ngi21E?si=26OAfOU2cCDkyE-b
ടീൻസ് ക്ലബ്ബ് ഉദ്ഘാടനം
പൊതുവിദ്യാഭ്യാസ വകുപ്പ് സ്കൂളുകളിൽ നടപ്പിലാക്കുന്ന ടീൻസ് ക്ലബ്ബിന്റെ ഉദ്ഘാടനം അകവൂർ ഹൈസ്കൂളിൽ നടന്നു. ഡോക്ടർ രാജേശ്വരി അമ്മ ക്ലബ്ബ് ഉദ്ഘാടനം ചെയ്യുകയും കൗമാരപ്രായക്കാരിലെ വ്യക്തി ശുചിത്വം എന്ന വിഷയത്തെക്കുറിച്ച് ക്ലാസ് നയിക്കുകയും ചെയ്തു. സ്കൂൾ ഹെഡ്മിസ്ട്രസ് ദീപ ടീച്ചർ അധ്യക്ഷത സ്കൂൾ ഹെഡ്മിസ്ട്രസ് ദീപ ടീച്ചർ അധ്യക്ഷത വഹിച്ചു. എസ്ആർ.ജി കൺവീനർ ക്രിയ ടീച്ചർ സ്വാഗതം ആശംസിച്ച യോഗത്തിൽ പിടിഎ പ്രസിഡന്റ് ആശംസകൾ അർപ്പിച്ച് സംസാരിച്ചു. അഡോള് സയൻസ് ക്ലബ്ബിന്റെ മോഡൽ ടീച്ചർ ആയ പ്രീതി ടീച്ചർ നന്ദികൾ ന അഡോള് സയൻസ് ക്ലബ്ബിന്റെ മോഡൽ ടീച്ചർ ആയ പ്രീതി ടീച്ചർ കൃതജ്ഞത അർപ്പിച്ചു.
വയോജനദിനം
വയോജന ദിനം ഈ വർഷം October 3 ന് ആഘോഷിച്ചു.ലോകപ്രശസ്ത നങ്ങ്യാർകൂത്ത് കലാകാരി ശ്രീമതി സരോജിനി നങ്ങ്യാരമ്മയെ ചടങ്ങിൽ ആദരിച്ചു. മുതിർന്നവരെ ആദരിക്കുകയും, അവരുടെ അനുഭവങ്ങളും ജീവിതപാഠങ്ങളും പുതിയ തലമുറയ്ക്ക് കൈമാറുകയും ചെയ്യുന്നതാണ് ഈ ദിനത്തിന്റെ ലക്ഷ്യം എന്ന് സ്കൂൾ ഹെഡ്മിസ്ട്രസ് ശ്രീമതി ദീപ സുകുമാർ യോഗത്തിൽ പറഞ്ഞു. സമൂഹത്തിൻ്റെ പുരോഗതിയിൽ വയോജനങ്ങളുടെ പങ്ക് വളരെ പ്രധാനമാണ്. സ്കൂൾ, കുടുംബം, സമൂഹം എന്നിവിടങ്ങളിലെല്ലാം മുതിർന്നവരെ ബഹുമാനിക്കുകയും, അവർക്കാവശ്യമായ സ്നേഹവും കരുതലും നൽകുകയും ചെയ്യേണ്ടത് നമ്മുടെ ഉത്തരവാദിത്തമാണ് എന്ന് ശ്രീമതി നജീബ കെ.എം. സംസാരിച്ചു.
https://youtube.com/shorts/8i_t0qE-83M?si=UPKkFyh90zhRCHcW
LITTLE KITES CAMP PHASE 2
അകവൂർ ഹൈസ്കൂളിലെ 2024-2027 ബാച്ച് ലിറ്റിൽ കൈറ്റ്സ് അംഗങ്ങൾക്കായി 01/11/2025 ൽ ഏകദിന ക്യാമ്പ് സംഘടിപ്പിച്ചു. എക്സ്റ്റേണൽ ആർപി ആയ ആഷ്ലി ഡേവിഡ് ടീച്ചർ, സ്കൂൾ ലിറ്റിൽ കൈറ്റ്സ് മിസ്ട്രസ്മാരായ ശ്രീമതി രഞ്ജി ഗോപിനാഥ്, ശ്രീമതി അനി സി നായർ എന്നിവരുടെ നേതൃത്വത്തിൽ പ്രോഗ്രാമിംഗ് ,ആനിമേഷൻ എന്നിവയിൽ കുട്ടികൾക്ക് പരിശീലനം നൽകി.