ലിറ്റിൽ കൈറ്റ് (Little KITES) കേരള സർക്കാരിന്റെ ഐ.ടി.@സ്കൂൾ പദ്ധതി (IT@School Project) പ്രകാരം ആരംഭിച്ച, വിദ്യാർത്ഥികൾക്ക് സാങ്കേതിക വിദ്യാഭ്യാസം നൽകുന്നതിന് ഉദ്ദേശിച്ചിരിക്കുന്ന ഒരു ഐ.ടി. ക്ലബ് പദ്ധതിയാണ്. കേരളത്തിലെ എയ്ഡഡ്, ഗവ. ഹൈസ്കൂളുകളിലെ 8 മുതൽ 12 വരെ ക്ലാസുകളിലായുള്ള വിദ്യാർത്ഥികൾക്കായി രൂപീകരിച്ചിരിക്കുന്ന ഈ ക്ലബ്ബ്, രാജ്യത്തേതിൽ ഏറ്റവും വലിയ വിദ്യാർത്ഥി ഐ.ടി. നെറ്റ്വർക്ക് ആണെന്ന് വിശേഷിപ്പിക്കപ്പെടുന്നു.തീർച്ചയായും, ലിറ്റിൽ കൈറ്റ് പദ്ധതിയിലൂടെ വെൺകുറിഞ്വിഞി എസ് എൻ ഡി പി ഹയർസെക്കൻഡറി സ്ക്കുളിലെ വിദ്യാർത്ഥികൾക്ക് ഭാവിയിലെ ഡിജിറ്റൽ ലോകത്തേക്ക് ഉറച്ച കാലിടിപ്പോടെ ചുവടുവെക്കാൻ കഴിയുന്ന വിധത്തിൽ സജ്ജമാകാനാകും.{{Infobox littlekites
2024 - 27 അദ്ധ്യാന വർഷത്തെ ലിറ്റിൽ കൈറ്റ് പ്രവർത്തനങ്ങൾ ജൂൺ മുതൽ ആരംഭിച്ചു. ലിറ്റിൽ കൈറ്റ് അദ്ധ്യാപകരായ ശ്രിമതി ബിന്ദു കെ പി , നന്ദു സി ബാബു എന്നിവർ നേത്യത്വത്തിൽ പ്രവർത്തനങ്ങൾ നടക്കുന്നു. ഈ വർഷത്തെ അർഹരായ കുട്ടികളെ കണ്ടെത്തുന്നതിനായുള്ള അഭിരുജി പരിക്ഷക്കായി തയ്യാറെടുപ്പുകൾ ആരംഭിക്കുകയും ആകെ 38 കുട്ടികളിൽ നിന്നും അർഹരായ 37 കുടികളെ വിജയിപ്പിച്ചകൊണ്ട് ഈ വർഷത്തെ പ്രവർത്തനങ്ങൾ ആരംഭിച്ചു.
ലഹരി മദ്യവും മയക്കുമരുന്നുകളും വിദ്യാർത്ഥികളുടെ ആരോഗ്യത്തേയും ഭാവിയേയും നിർണയിക്കുന്ന വലിയൊരു സാമൂഹിക പ്രശ്നമായി മാറിക്കൊണ്ടിരിക്കുന്നു. അതിനാൽ, വിദ്യാർത്ഥികൾക്കും യുവാക്കൾക്കും ലഹരികളുടെ ദോഷങ്ങളെക്കുറിച്ച് ബോധം നൽകുന്നത് ഏറ്റവും അത്യാവശ്യമാണ്. ലിറ്റിൽ കൈറ്റ് കുട്ടികളുടെ സഹകരണത്തോടെ ഞങ്ങളുടെ സ്കൂളിൽ ലഹരി വിരുദ്ധ ബോധവൽകരണ പരിപാടി സംഘടിപ്പിച്ചിരുന്നു. ആരോഗ്യ വകുപ്പിന്റെ സഹകരണത്തോടെ നടന്ന ഈ പരിപാടിയിൽ ഡോക്ടർമാർ, പോലീസ് ഉദ്യോഗസ്ഥർ, സാമീഹ്യപ്രവർത്തകർ എന്നിവർ സംസാരിച്ചു. ലഹരികളുടെ ശാരീരികവും മാനസികവുമായ ദോഷങ്ങൾ, സമൂഹത്തിനുള്ള ദുരിതം, നിയമപരമായ ദണ്ഡങ്ങൾ തുടങ്ങിയവയെക്കുറിച്ച് അവരാണ് വിശദീകരിച്ചത്.. "ലഹരി നിന്നെ ഇല്ലായ്മ ആക്കും" എന്ന സന്ദേശം പലരുടെയും മനസ്സിൽ തങ്ങിപ്പോയത് ശ്രദ്ധേയമായിരുന്നു. ഇത്തരത്തിലുള്ള ബോധവൽകരണ പരിപാടികൾ വിദ്യാർത്ഥികളിൽ നല്ല മുന്നറിയിപ്പും കരുത്തും നൽകുന്നു. ലഹരിമുക്ത സമൂഹം സാക്ഷാത്കരിക്കാൻ ഇത്തരം ശ്രമങ്ങൾ അത്യന്താപേക്ഷിതമാണ്. നാം എല്ലാവരും ചേർന്ന് ലഹരിക്കെതിരെ ഒരു സംയുക്ത പോരാട്ടം നടത്തിയാൽ മാത്രമേ നമ്മുടെ ഭാവികരങ്ങൾ സുരക്ഷിതമാകു.
സ്കുൾ പാർലമെന്റ് ഇലക്ഷൻ - 2025
2025 ആഗസ്റ്റ് 14 : സ്കുൾ പാർലമെന്റ് തിരഞ്ഞെടുപ്പ് വിദ്യാർത്ഥികളിൽ നേതൃത്വഗുണം, ഉത്തരവാദിത്തബോധം, ജനാധിപത്യ മൂല്യങ്ങൾ എന്നിവ വളർത്തുന്ന ഒരു പ്രധാന പരിപാടിയാണ്. തിരഞ്ഞെടുപ്പ് ദിവസം വിദ്യാർത്ഥികൾ സ്ഥാനാർത്ഥികളെ കുറിച്ച് കേട്ടു മനസ്സിലാക്കുകയും, വോട്ടിംഗ് വഴി തങ്ങളുടെ പ്രതിനിധികളെ തെരഞ്ഞടുക്കുകയും ചെയ്യും. പ്രിസൈഡിങ്ങ് ഓഫീസർ , പോളിങ്ങ് ഓഫീസർമാർ തുടങ്ങി ഒരു യഥാർത്ഥ ഇലക്ഷനുള്ള എല്ലാ അധികാരികളുടെയും ചുമതലകൾ പൂർണ്ണമായും കുട്ടികൾ തന്നെ വഹിച്ചു കൊണ്ട് സ്കൂൾ പാർലമെന്റ് ഇലക്ഷൻ നടന്നു. ഓരോ ക്ലാസിലെയും വിദ്യാർത്ഥികളുടെ പേരുകൾ ഉൾപ്പെടുത്തിയ വോട്ടർ പട്ടിക തയ്യാറാക്കിയിരുന്നു. ഓഡിറ്റോറിയത്തിൽ ക്രമീകരിച്ച 3 ബൂത്തുകളിലായാണ് വിദ്യാർത്ഥികൾ അവരുടെ സമ്മതിദാനം നിർവഹിച്ചത്. പ്രത്യേകം തയ്യാറാക്കിയ കൗണ്ടറിൽ പോളിംഗ് ഓഫീസർമാർ ബൂത്ത് ക്രമീകരിക്കുകയും ചെയ്തു.
വോട്ടർ പട്ടികയിലെ പേര് വായിച്ച് വോട്ടർ കൊണ്ടുവരുന്ന സ്ലിപ്പ് പരിശോധിച്ച് രേഖപ്പെടുത്തി, കയ്യിൽ മഷി പുരട്ടിയതിനു ശേഷം വോട്ടിംഗ് കമ്പാർട്ട്മെന്റിൽ സ്ഥാപിച്ചിരിക്കുന്ന ഇലക്ഷൻ സോഫ്റ്റ്വെയർ ഇൻസ്റ്റാൾ ചെയ്ത കമ്പ്യൂട്ടറിലാണ് വോട്ട് രേഖപ്പെടുത്തിയത്. വോട്ടെടുപ്പ് പൂർത്തിയായതിനുശേഷം കൗണ്ടിംഗ് ഏജന്റ്, സ്ഥാനാർത്ഥികൾ, ക്ലാസ്സ് ടീച്ചർ എന്നിവരുടെ സാന്നിധ്യത്തിൽ ഫല പ്രഖ്യാപനം നടത്തി. തുടർന്ന് പ്രധാന അദ്ധ്യാപിക ശ്രീമതി ബീന റ്റി രാജന്റെ സാന്നിധ്യത്തിൽ സ്കൂൾ പാർലമെൻറ് കൂടുകയും സ്കൂൾ ഭാരവാഹികളെ തിരഞ്ഞെടുക്കുകയും ചെയ്തു.
മുഖ്യ ഭരണാധികാരിയും ലിറ്റിൽ കൈറ്റ് മാസ്റ്ററുമായ ശ്രീ നന്ദു സി ബാബു, ഔപചാരികമായി സ്കൂൾ പാർലമെന്റ് ഇലക്ഷൻ ഫലം പ്രഖ്യാപിച്ചു.
യഥാർത്ഥ രീതിയിലുള്ള ഇലക്ഷനും ഇലക്ട്രോണിക്ക് വോട്ടിങ്ങ് മെഷീന്റെ പ്രവർത്തനവും കുട്ടികൾക്ക് ഇതുവഴി അറിയാൻ സാധിച്ചു. ജനാധിപത്യരീതിയിൽ വോട്ടെടുപ്പിന്റെ പ്രാധാന്യം മനസ്സിലാക്കാനും ഈ തെരഞ്ഞെടുപ്പ് സഹായകമായി . സ്കൂളിലെ ലിറ്റിൽ കൈറ്റ് കട്ടികൾ ഇലക്ഷന് വേണ്ടി വിവിധ മേഖലകളിൽ വ്യാപൃതരായിരുന്നു
2025 സെപ്റ്റംബർ മാസത്തിൽ ലോകമെമ്പാടും പോലെ ഞങ്ങളുടെ സ്കുളിലും “സോഫ്റ്റ്വെയർ സ്വാതന്ത്ര്യ ദിനം” ആഘോഷിച്ചു. ലോകമെമ്പാടുമുള്ള ഉപയോക്താക്കളെ സ്വതന്ത്രവും തുറന്ന ഉറവിടത്തിലുള്ള സോഫ്റ്റ്വെയറുകളിലേക്ക് പ്രേരിപ്പിക്കാനും അവയുടെ പ്രാധാന്യം വിദ്യാർത്ഥികൾക്കിടയിൽ പങ്കുവെയ്ക്കാനുമാണ് ഈ ദിനാഘോഷത്തിന്റെ ലക്ഷ്യം. സ്വാതന്ത്ര്യ സോഫ്റ്റ്വെയർ ദിനാചരണത്തിന്റെ ഭാഗമായി, വിദ്യാർത്ഥികളിൽ സ്വതന്ത്ര സോഫ്റ്റ്വെയറുകളെക്കുറിച്ചുള്ള അവബോധം വളർത്തുന്നതിനായി വെൺകുറിഞ്ഞി എസ് എൻ ഡി പി സ്കൂളിൽ ശില്പശാലകൾ, പ്രദർശനങ്ങൾ, പോസ്റ്ററുകൾ എന്നിങ്ങനെ വിവിധ പരിപാടികൾ സംഘടിപ്പിച്ചു. ഇത് പുതിയ തലമുറയ്ക്ക് സ്വതന്ത്ര സോഫ്റ്റ്വെയറുകളുടെ പ്രാധാന്യത്തെക്കുറിച്ചും അവ സമൂഹത്തിൽ ചെലുത്തുന്ന സ്വാധീനത്തെക്കുറിച്ചും മനസ്സിലാക്കാൻ സഹായിച്ചു. ഈ ആഘോഷം വിദ്യാർത്ഥികളിൽ സാങ്കേതിക സ്വാതന്ത്ര്യത്തിന്റെ പ്രാധാന്യം, ചിലവുകുറഞ്ഞ സോഫ്റ്റ്വെയർ പരിഹാരങ്ങളുടെ പ്രയോഗം, പങ്കിടിലിന്റെ സംസ്കാരം എന്നിവയെക്കുറിച്ചുള്ള ബോധവൽക്കരണം നൽകുകയും വലിയൊരു പഠനാനുഭവമായി മാറുകയും ചെയ്തു.
സ്വാതന്ത്ര്യ സോഫ്റ്റ്വെയർ ദിനാചരണത്തോടനുബന്ധിച്ച് 2025 സെപ്റ്റംബർ 22-ന് എസ് എൻ ഡി പി ഹയർ സെക്കൻഡറി സ്കുളിൽ രക്ഷാകർത്താക്കൾക്കായി സെമിനാർ സംഘടിപ്പിച്ചു. 2023-26 ബാച്ചിലെ വിദ്യാർത്ഥികളുടെ നേതൃത്വത്തിൽ നടന്ന ഈ പരിപാടിയിൽ, സ്വതന്ത്ര സോഫ്റ്റ്വെയറുകളുടെ ഉപയോഗം, അവയുടെ പ്രാധാന്യം, സമൂഹത്തിൽ മുതിർന്നവർക്ക് അവ എങ്ങനെ പ്രയോജനപ്പെടുത്താം തുടങ്ങിയ വിഷയങ്ങളിൽ ആദിത്യ സുജിത്ത് വിശദമായ ക്ലാസ് നയിച്ചു. ഈ സംരംഭം, സാങ്കേതികവിദ്യയുടെ ലോകത്ത് സ്വതന്ത്ര സോഫ്റ്റ്വെയറുകളുടെ സാധ്യതകളെക്കുറിച്ച് രക്ഷാകർത്താക്കൾക്ക് അവബോധം നൽകുന്നതിന് സഹായകമായി.
ഞങ്ങളുടെ സ്കൂളിൽ സോഫ്റ്റ്വെയർ സ്വാതന്ത്ര്യ ദിനം പ്രത്യേക അസംബ്ലി മുഖേന ആചരിച്ചു. പരിപാടി രാവിലെ പ്രാർഥനയോടെ ആരംഭിച്ചു. തുടർന്ന് ദിനത്തിന്റെ പ്രാധാന്യം വ്യക്തമാക്കിക്കൊണ്ട് ലിറ്റിൽ കൈറ്റ് ക്ലബ് അംഗങ്ങൾ പ്രസംഗിച്ചു.
സോഫ്റ്റ്വെയർ സ്വാതന്ത്ര്യ ദിനത്തിന്റെ ലക്ഷ്യം – വിദ്യാർത്ഥികൾക്കും അധ്യാപകർക്കും സ്വതന്ത്രവും തുറന്ന ഉറവിടത്തിലുള്ള സോഫ്റ്റ്വെയറുകളുടെ പ്രാധാന്യം ബോധ്യപ്പെടുത്തുക എന്നതാണ്.
അസംബ്ലിയിൽ വിദ്യാർത്ഥികൾ:
സ്വതന്ത്ര സോഫ്റ്റ്വെയറുകളുടെ നാല് സ്വാതന്ത്ര്യങ്ങൾ ഉപയോഗിക്കുക, പഠിക്കുക, മാറ്റങ്ങൾ വരുത്തുക, പങ്കുവെയ്ക്കുക അവതരിപ്പിച്ചു.
ലിനക്സ് , ഓപ്പൺ ഓഫീസ് , ജിമ്പ് പോലുള്ള സോഫ്റ്റ്വെയറുകളുടെ ഉപയോക്തൃ സൗകര്യങ്ങളും പ്രാധാന്യവും അവതരിപ്പിച്ചു.
സോഫ്റ്റ്വെയർ സ്വാതന്ത്ര്യത്തെക്കുറിച്ചുള്ള പ്രശ്നോത്തരി മത്സരം നടത്തി.
വിദ്യാർത്ഥികൾ സ്വാതന്ത്ര്യത്തിന്റെ സന്ദേശം ഉൾക്കൊള്ളുന്ന കവിതയും പോസ്റ്ററുകളും അവതരിപ്പിച്ചു.
ഹെഡ്മിസ്ട്രസ് ശ്രീമതി ബീന രാജൻ സോഫ്റ്റ്വെയർ സ്വാതന്ത്ര്യത്തിന്റെ ആവശ്യകതയെക്കുറിച്ചും ഡിജിറ്റൽ ഇന്ത്യയുടെ ഭാവി ഇത്തരം സ്വതന്ത്ര സാങ്കേതികവിദ്യകളെ ആശ്രയിച്ചിരിക്കുന്നു എന്നതിനെക്കുറിച്ചും പ്രചോദനാത്മകമായ സന്ദേശം നൽകി.
ഞങ്ങളുടെ സ്കൂളിൽ സോഫ്റ്റ്വെയർ സ്വാതന്ത്ര്യ ദിനം പ്രതിജ്ഞയോടെ ആചരിച്ചു. അസംബ്ലി ആരംഭിച്ചതിന് ശേഷം ലിറ്റിൽ കൈറ്റ് അംഗങ്ങൾ ദിനത്തിന്റെ പ്രാധാന്യം വിശദീകരിച്ചു. തുടർന്ന് എല്ലാവരും ഒരുമിച്ച് പ്രതിജ്ഞ ചൊല്ലി. അസംബ്ലിയിൽ ലിറ്റിൽ കൈറ്റ് അംഗം ഷിയോണാ ബാബു പ്രതിജ്ഞ ചൊല്ലിക്കൊടുത്തു. ഈ അസംബ്ലി വിദ്യാർത്ഥികളിൽ സാങ്കേതിക സ്വാതന്ത്ര്യ ബോധം, പങ്കിടലിന്റെ സംസ്കാരം, ചിലവുകുറഞ്ഞ സോഫ്റ്റ്വെയർ പ്രയോഗത്തിന്റെ സാധ്യതകൾ എന്നിവ വളർത്തി.
ലിറ്റിൽ കൈറ്റ് അംഗം ഗോപിക രമേശ് സ്വതന്ത്ര സോഫ്റ്റ്വെയറുകളെക്കുറിച്ചുള്ള സന്ദേശം വിദ്യാർത്ഥികൾക്ക് നൽകി. സ്വതന്ത്ര സോഫ്റ്റ്വെയറുകൾ എങ്ങനെ ഉപയോഗിക്കാം, അവ സമൂഹത്തിൽ ചെലുത്തുന്ന സ്വാധീനം എന്താണ് എന്നിവ ഈ സന്ദേശത്തിലൂടെ വിദ്യാർത്ഥികൾക്ക് മനസ്സിലാക്കാൻ സാധിച്ചു.
ഫ്രീഡം ഫെസ്റ്റ് 2025 -പോസ്റ്റർ പ്രദർശനം
2025 - 28 ബാച്ച് എട്ടാം ക്ലാസിലെ ലിറ്റിൽ കൈറ്റ്സ് വിദ്യാർത്ഥികൾ തയ്യാറാക്കിയ വിവിധ സ്വതന്ത്ര സോഫ്റ്റ്വെയറുകളുടെ പോസ്റ്ററുകൾ അസംബ്ലിയിൽ പ്രദർശിപ്പിച്ചു. ഈ പോസ്റ്ററുകൾ വളരെ ആകർഷകമായി ഒരുക്കിയിരുന്നത് വിദ്യാർത്ഥികളുടെ ശ്രദ്ധ പിടിച്ചുപറ്റി.
ഞങ്ങളുടെ സ്കൂളിൽ റോബോട്ടിക്സ് പ്രദർശനം ആവേശകരമായി സംഘടിപ്പിച്ചു. പരിപാടി ഹെഡ്മിസ്ട്രസ് ശ്രീമതി ബീന രാജൻ ഉദ്ഘാടനം ചെയ്തു. തുടർന്ന് ലിറ്റിൽ കൈറ്റ് വിവിധ ബാച്ചിലെ കുട്ടികൾ ചേർന്ന് തയ്യാറാക്കിയ വിവിധ റോബോട്ടിക് മോഡലുകൾ അവതരിപ്പിച്ചു.
പ്രദർശനത്തിലെ പ്രധാന ആകർഷണങ്ങൾ:
ലൈൻ ഫോളോവർ റോബോട്ട് – സെൻസർ സഹായത്തോടെ രേഖ പിന്തുടർന്ന് സഞ്ചരിച്ചു.
ഓബ്സ്റ്റക്കിൾ അവോയിഡൻസ് റോബോട്ട് – തടസ്സം കണ്ടാൽ ദിശ മാറ്റി മുന്നോട്ട് നീങ്ങുന്ന മാതൃക.
ഹ്യൂമനോയ്ഡ് റോബോട്ട് – ലളിതമായ കൈകാല ചലനങ്ങൾ പ്രദർശിപ്പിച്ചു.
സ്വയം പ്രവർത്തിക്കുന്ന മെക്കാനിക്കൽ മോഡലുകൾ – ചെറിയ യന്ത്രങ്ങൾ, ഓട്ടോമേഷൻ ആശയങ്ങൾ.
വിദ്യാർത്ഥികൾ റോബോട്ടിക്സിന്റെ ഭാവി,ആർട്ടിഫിഷ്യൽ ഇന്റലിജൻസ് തുടങ്ങിയ വിഷയങ്ങൾ വിശദീകരിച്ചു. സമിപ സ്കൂളുകളായ സെൻറ് ജോർജ് എൽപി സ്കൂൾ , എസ് എൻ ഇംഗ്ലീഷ് മീഡിയം പ്രൈമറി സ്കൂൾ എന്നിവിടങ്ങളിൽ നിന്ന് കുട്ടികൾ റോബോട്ടിന്റെയും പ്രവർത്തനം നേരിട്ട് കാണാനും ചോദ്യങ്ങൾ ചോദിക്കാനും അവസരം ലഭിച്ചു.ഈ പ്രദർശനം വിദ്യാർത്ഥികളിൽ ശാസ്ത്രാത്മക കൗതുകം, ടീം വർക്ക്, സാങ്കേതികവിദ്യയോടുള്ള താൽപര്യം എന്നിവ വളർത്തിയ ഒരു മനോഹരമായ അനുഭവമായി.
വെൺകുറിഞ്ഞി എസ് എൻ ഡി പി ഹയർ സെക്കൻഡറി സ്കൂൾ ലിറ്റിൽ കൈറ്റ്സ് യൂണിറ്റിന്റെ ആഭിമുഖ്യത്തിൽ കുട്ടികൾക്കായി സൈബർ സുരക്ഷ ബോധവൽക്കരണ ക്ലാസ് സെപ്തംബർ മാസം 28 ന് സ്ക്കുൾ ലൈബ്രറി ഹാളിൽ വച്ച് നടത്തപ്പെട്ടു. 2023-25 ബാച്ച് കുട്ടികളാണ് ഈ പ്രവർത്തനങ്ങൾക്ക് നേതൃത്വത്തിൽ നൽക്കിയത്, അവർ അവതരിപ്പിച്ച പ്രസന്റേഷൻ വളരെ മികച്ചത് ആയിരുന്നു, പ്രസ്തുത പരിപാടിക്ക് ലിറ്റിൻ കൈറ്റ് മാസ്റ്റർമാർ ആവശ്യമായ പിന്തുണ നൽകി.
2024 - 27 ലിറ്റിൽ കൈറ്റ് കുട്ടികളുടെ രണ്ടാംഘട്ട സ്കൂൾതല ക്യാമ്പ്
ഒൿടോബർ 23 : 2024 - 27 ബാച്ച് ലിറ്റിൽ കൈറ്റ് കുട്ടികളുടെ രണ്ടാംഘട്ട സ്കുൾതല ക്യാമ്പ് ഇന്നേ ദിവസം നടത്തപ്പെട്ടു . രാവിലെ 9 . 30 മണിക്ക് ആരംഭിച്ച ക്യാമ്പിന്റെ ഉദ്ഘാടനം ഹെഡ്മിസ്ട്രസ് ശ്രീമതി ബീന രാജൻ ചെയ്തു . മൂന്നര വരെ നടന്ന ക്ലാസ് സമീപ സ്കൂളിലെ ലിറ്റിൽ കൈറ്റ് മെന്ററായ ശ്രീ സിജു സാർ ക്ലാസുകൾ കൈകാര്യം ചെയ്തു. പ്രസ്തുത ക്ലാസിൽ സ്ക്രാച്ച് , ആനിമേഷൻ, വീഡിയോ എഡിറ്റിംഗ് ആപ്ലിക്കേഷൻ കെഡിഎൻ ലൈവ് തുടങ്ങിയവ പരിചയപ്പെടുത്തി. കുട്ടികൾക്ക് വളരെയധികം പ്രയോജനപ്രദമായ ഈ ക്യാമ്പ് സ്കൂൾ ലിറ്റിൽ കൈറ്റ് മെന്റർമാരായ ശ്രീമതി കെ പി ബിന്ദു ടീച്ചറിന്റെയും നന്ദു സി ബാബുവിന്റെയും നേതൃത്വത്തിലാണ് നടത്തപ്പെട്ടത്.
ഒക്ടോബർ മാസം 24 , 25 തീയതികളിലായി പത്തനംതിട്ട ജില്ലയിലെ റാന്നി സബ്ജില്ലയിലെ ഐടി മേള , എസ് സി ഹയർസെക്കൻഡറി സ്കൂളിൽ വച്ച് നടത്തപ്പെടുകയുണ്ടായി. പ്രസ്തുത ഐടി മേളയിൽ ഞങ്ങളുടെ സ്കുൾ ഓവറോൾ ചാമ്പ്യൻഷിപ്പിന് അർഹരായി . ഈ വിജയത്തിന് അർഹരായത് ലിറ്റിൽ കൈറ്റ് കുട്ടികളുടെ മികച്ച പ്രവർത്തനങ്ങളാണ് .വിജയികളായ എല്ലാ കുട്ടികൾക്കും ആശംസകൾ.
അഭിരാം ബിജു - ഡിജിറ്റൽ പെയിംറ്റിഗ് - ഒന്നാം സ്ഥാനം - എ ഗ്രേഡ്
അക്ഷയ് ബാബു - അനിമേഷൻ - ഒന്നാം സ്ഥാനം - എ ഗ്രേഡ്
ജിനിൽ അന്ന മറിയം - രചനയും അവതരണവും - രണ്ടാം സ്ഥാനം - എ ഗ്രേഡ്
അഭിനവ് പി സജി - സ്ക്രാച്ച് പ്രോഗാം - രണ്ടാം സ്ഥാനം -എ ഗ്രേഡ്
അർജുൻ സുനിൽ - മലയാളം ടൈപ്പിംഗും രൂപകൽപനയും - മുന്നാം സ്ഥാനം - എ ഗ്രേഡ്
അഭിസൂര്യ ബിജു - വെബ് ഡിസൈനിംഗ് - അഞ്ചാം സ്ഥാനം - സി ഗ്രേഡ്
ഫ്രീഡം ഫെസ്റ്റ് 
