സെന്റ് മൈക്കിൾസ് എച്ച്. എസ്. എസ് വെസ്റ്റ്ഹിൽ/പ്രവർത്തനങ്ങൾ/2025-26
പ്രവേശനോൽസവം
2025-26 അധ്യയന വർഷത്തിലെ പ്രവേശനോത്സവം ജൂൺ 2നു നടന്നു. നമ്മുടെ സ്കൂളിലെ തന്നെ പന്ത്രണ്ടാം ക്ലാസ് വിദ്യാർത്ഥിനിയും സ്റ്റാർ സിങ്ങർ പരിപാടിയിലെ മത്സരാർത്തിയുമായ കുമാരി കൃഷ്ണശ്രീയായിരുന്നു മുഖ്യാതിഥി. പുത്തൻ പ്രതീക്ഷയോടും ഉണർവോടും എത്തിയ കുരുന്നുകളോടും രക്ഷിതാക്കളോടും പ്രധാന അദ്ധ്യാപിക സിസ്റ്റർ സിനി എം കുരിയൻ, പി ടി എ പ്രസിഡന്റ് ശ്രീ ഗിരീഷ് എ, ലോക്കൽ മാനേജർ സിസ്റ്റർ സൌമ്യ, പ്രിൻസിപ്പൽ സിസ്റ്റർ പ്രീതി ജോർജ്ജ് എന്നിവർ സംസാരിച്ചു. കുട്ടികളുടെ വിവിധ കലാപരിപാടികൾക്ക് ശേഷം ശ്രീ ജോയ് അഗസ്റ്റിൻ ‘കുട്ടികളുടെ പഠനവും, രക്ഷിതാക്കളുടെ സമീപനവും’ എന്ന വിഷയത്തിൽ നയിച്ച രക്ഷാകർതൃ ബോധവൽക്കരണ ക്ലാസും ഉണ്ടായിരുന്നു