ജി.എഫ്.വി.എച്ച്. എസ്.എസ്.ചെറുവത്തൂർ/പ്രവർത്തനങ്ങൾ/2025-26
പ്രവേശനോത്സവം 2025-26
2025-26 വർഷത്തെ പ്രവേശനോത്സവം സ്കൂൾ ഓഡിറ്റോറിയത്തിൽവച്ചു നടന്നു.സ്കൂൾ പി ടി എ പ്രസിഡണ്ടിന്റെ അധ്യക്ഷതയിൽ പഞ്ചായത്ത് സ്റ്റാൻഡിംഗ് കമ്മറ്റി ചെയർപേഴ്സൺ രമണി അവർകൾ ഉദ്ഘാടനം നിർവഹിച്ചു.
പുതുതായി വിദ്യാലയത്തിലേക്ക് എത്തിയ കുരുന്നുകളെ താളമേളവാദ്യങ്ങളോടെ വരവേറ്റു. തുടർന്ന് പ്രീ-പ്രൈമറി കുട്ടികൾ പ്രവേശനോത്സവഗാനത്തിന് ചുവട് വച്ചു പായസവിതരണവും നടന്നു.
മികവിന്റെ പാതയിലേക്ക്
2025-26 അധ്യയന വർഷത്തിൽ സമഗ്ര ഗുണമേന്മ വിദ്യാഭ്യാസം കാര്യക്ഷമമാക്കുന്നതിൻ്റെ ഭാഗമായി 03/06/2025 ന് ലഹരി വിരുദ്ധ ക്ലാസ് സംഘടിപ്പിച്ചു.
മികവിന്റെ പാതയിലേക്ക് രണ്ടാം ദിനം :-
കുട്ടികളിൽ ഉളവാകേണ്ട ധാരണകൾ വികസിപ്പിക്കാനുള്ള ഒരു പ്രവേശിക എന്ന നിലയിൽ 04/06/ 25 ന് റോഡ് സുരക്ഷയെകുറിച്ച് ബോധവൽക്കരണ ക്ലാസ് നടത്തി.
മികവിന്റെ പാതയിലേക്ക് മൂന്നാം ദിനം :-
വ്യക്തി ശുചിത്വം പരിസര ശുചിത്വംഎന്നിവയ്ക്ക് നൽകേണ്ട പ്രാധാന്യത്തിന് ഊന്നൽ നൽകുകയും സ്ഥായിയായി അത് നിലനിൽക്കുന്നതിനുള്ള മനോഭാവം സ്കൂൾ കാലഘട്ടത്തിൽ തന്നെ രൂപപ്പെടുത്തുന്നതിന്റെ ഭാഗമായി 05/06/25 ന് ക്ലാസ്സ് സംഘടിപ്പിച്ചു
മികവിന്റെ പാതയിലേക്ക് നാലാംദിനം
സമഗ്ര ഗുണമേന്മ വിദ്യഭ്യാസത്തിന്റെ ഭാഗമായി ആരോഗ്യം,വ്യായാമം,കായികക്ഷമത,എന്ന വിഷയത്തെ അടിസ്ഥാനമാക്കി വ്യക്തിശുചിത്വം,പരിസരശുചിത്വം എന്നിവയ്ക്ക് നൽകേണ്ട പ്രാധാന്യത്തിന് ഊന്നൽ നൽകുകയും സ്ഥായിയായി അത് നിലനിൽക്കുന്നതിനുള്ള മനോഭാവം സ്കൂൾ കാലഘട്ടത്തിൽ തന്നെ രൂപപ്പെടണമെന്ന ഉദ്ദേശത്തോടുകൂടി ബോധവൽക്കരണ ക്ലാസ് 9/06/2025ന് സംഘടിപ്പിച്ചു.
മികവിന്റെ പാതയിലേക്ക് അഞ്ചാംദിനം
ഡിജിറ്റൽ ഉപകരണങ്ങൾ വിവേകത്തോടെയും വിവേചന ബുദ്ധിയുടെയും എങ്ങനെ ഉപയോഗിക്കണമെന്നുള്ള ആശയധാരണ ഉണ്ടാക്കുന്നതിനായി 10/6/25 ലെ ക്ലാസ്സ് ഡിജിറ്റൽ അച്ചടക്കത്തെ കുറിച്ചായിരുന്നു
മികവിന്റെ പാതയിലേക്ക് ആറാംദിനം
പൊതുമുതൽ സംരക്ഷണം അതിന്റെ ആവശ്യകതയും അനിവാര്യതയും എന്താണെന്ന് കുട്ടിയെ ബോധിപ്പിക്കുക എന്നലക്ഷ്യത്തോടെ കൂടി 11/06/25 ലെ ക്ലാസ് പൊതു മുതൽ സംരക്ഷണം എന്ന വിഷയത്തെ അടിസ്ഥാനമാക്കി ആയിരുന്നു.
മികവിന്റെ പാതയിലേക്ക് - ഏഴാം ദിനം
പരസ്പര സഹകരണം വ്യക്തി ജീവിതത്തിനും സാമൂഹിക ജീവിതത്തിനും അനിവാര്യമാണ് . 12/06/ 2025 ലെ ക്ലാസ് പരസ്പര സഹകരണം എന്ന വിഷയത്തെ കുറിച്ചായിരുന്നു.
ജൂൺ 5 ലോക പരിസ്ഥിതി ദിനം :
ലോക പരിസ്ഥിതി ദിനത്തോടനുബന്ധിച്ച് JRC SSSS , ഇക്കോക്ലബ്ബ് ,സയൻസ് ക്ലബ്ബ് എന്നിവയുടെ സംയുക്ത ആഭിമുഖ്യത്തിൽ ഫലവൃക്ഷങ്ങൾ നടീൽ ,പോസ്റ്റർ രചന,പരിസ്ഥിതി ദിന സന്ദേശം നൽകൽ
എന്നിവ സംഘടിപ്പിച്ചു
വായനാവാരാചരണം - ജൂൺ 19
വായനയുടെ വസന്തം
ഈ വർഷത്തെ വായന വാരാചരണം വിവിധ ക്ലബ്ബുകളുടെ ഉദ്ഘാടനവും സ്കൂൾ ഓഡിറ്റോറിയത്തിൽ വച്ച് പ്രശസ്ത സാംസ്കാരിക പ്രവർത്തകൻ ബാലകൃഷ്ണൻ നാറോത്ത് മാസ്റ്റർ നിർവഹിച്ചു.വായനവാരാചരണം ചരണത്തിന്റെ ഭാഗമായി വിദ്യാരംഗം കലാസാഹിത്യവേദി100 പുസ്തകങ്ങൾ പരിചയപ്പെടുത്തുന്ന പരിപാടിക്ക് തുടക്കം കുറിച്ചു .
ജൂൺ 21 അന്താരാഷ്ട്ര യോഗ ദിനം
അന്താരാഷ്ട്ര യോഗദിനത്തിന്റെ ഭാഗമായി ഗവ . ആയുർവേദ ഡിസ്പെൻസറി ചെറുവത്തൂർ യോഗ ഇൻസ്ട്രക്ടർ ഡോ: ഹരിതാ റാണി വി.എം.ന്റെ നേതൃത്വത്തിൽ യോഗ ക്ലാസ് സംഘടിപ്പിച്ചു.
സ്കൂൾ അസംബ്ലി 2025-26
ഇന്ന് (24/06/2025) ആദ്യ ക്ലാസ് അസംബ്ലി 10 A ക്ലാസ് ലീഡർ അഫീഫ.ടി.കെയുടെ നേതൃത്വത്തിൽ നടന്നു. സോഷ്യൽ മീഡിയയുടെ ദോഷങ്ങൾ, പ്രകൃതി സംരക്ഷണം എന്നീ വിഷയങ്ങൾക്ക് പ്രാധാന്യം നൽകിയ പ്രവർത്തനങ്ങൾ ഉൾപ്പെടുത്തിയിരുന്നു. സംസ്ഥാന ബാസ്കറ്റ്ബോൾ താരങ്ങൾക്കുള്ള സർട്ടിഫിക്കറ്റ് വിതരണവും നടന്നു.
വായനാവാരാചരണത്തിന്റെ ഭാഗമായി വിദ്യാരംഗം കലാസാഹിത്യ വേദിയുടെ നേതൃത്വത്തിൽ ക്വിസ് മത്സരം നടത്തി
അന്താരാഷ്ട്ര ലഹരിവിരുദ്ധദിനം - ജൂൺ 26
അന്താരാഷ്ട്ര ലഹരിവിരുദ്ധ ദിനത്തിന്റെ ഭാഗമായി സ്കൂൾ അസംബ്ലി ഹാളിൽ മുഴുവൻ കുട്ടികളും ഒത്തു ചേർന്ന് ലഹരിവിരുദ്ധ ദിന പ്രതിജ്ഞ എടുത്തു, വിമുക്തിയുടെ ചാർജുള്ള പി.ടി. അധ്യാപകൻ സനീഷ് മാസ്റ്റർ ലഹരി വിരുദ്ധ ദിന സന്ദേശം നൽകി. ലിറ്റിൽ കൈറ്റ് ,JRC ,SSSS തുടങ്ങിയ ക്ലബുകളുടെ സംയുക്ത ആഭിമുഖ്യത്തിൽ മൈം , സൂബാ ഡാൻസ് , ബോധവൽക്കരണ റാലി , ഡിജിറ്റൽ പോസ്റ്റർ രചന എന്നിവ നടത്തി.
സ്പെഷൽ അസംബ്ലി :പേ വിഷബാധ ബോധവൽക്കരണ സ്പെഷ്യൽ അസംബ്ലി
പേവിഷബാധയേറ്റു ജീവൻ അപകടത്തിൽ ആവുന്നവരുടെ എണ്ണം പ്രതിദിനം കൂടി വരുന്ന സാഹചര്യമാണ് നിലവിലുള്ളത്. ആയതിനാൽ ഇന്ന് ജൂൺ 30 ന് പേവിഷബാധ ബോധവൽക്കരണ സ്പെഷ്യൽ അസംബ്ലി സ്കൂൾ ഓഡിറ്റോറിയത്തിൽ വച്ച് നടന്നു. JHI പ്രദീപൻ സാർ കുട്ടികൾക്ക് പേവിഷബാധയെ കുറിച്ചുള്ള ബോധവൽക്കരണ ക്ലാസ് നൽകി. ബയോളജി അധ്യാപിക രജിഷ ടീച്ചർ പ്രതിജ്ഞ ചൊല്ലി കൊടുത്തു.